ელექტრო ჩაიდანი
როგორ შევარჩიოთ საუკეთესო ელექტრო ჩაიდანი: დეტალური მიმოხილვა და რჩევები Kontakt.ge-სგან
ერთი შეხედვით, ელექტრო ჩაიდანი მარტივი მოწყობილობაა, რომლის ერთადერთი ფუნქცია წყლის ადუღებაა, თუმცა რეალურად, სწორად შერჩეული მოდელი მნიშვნელოვნად ზოგავს დროს, ელექტროენერგიას და ხშირ შემთხვევაში, სასმლის გემოზეც კი ახდენს გავლენას. ამ სტატიაში დეტალურად განვიხილავთ: რომელი მოდელი უფრო გამძლეა, რომელი უფრო სწრაფია და როგორ ვიპოვოთ ხარისხიანი ელექტრო ჩაიდანი იაფად.
რატომ უნდა შევიძინოთ ელექტრო ჩაიდანი?
ელექტრო მადუღარა წყალს გაცილებით მოკლე დროში ადუღებს, ვიდრე სტანდარტული წყლის ჩაიდანი გაზქურაზე. გარდა სისწრაფისა, უსაფრთხოების ფაქტორიც მნიშვნელოვანია, მაგალითად ავტომატური გათიშვის ფუნქცია.
Kontakt.ge-ს კატალოგში წარმოდგენილია ისეთი ბრენდები, როგორებიცაა Braun, Philips და Bosch, რომლებიც წლებია ამტკიცებენ, რომ ხარისხიანი ტექნიკა სახლში სიმშვიდის გარანტიაა. როცა არჩევანს აკეთებთ, მნიშვნელოვანია იცოდეთ, რა განსხვავებაა მასალებს შორის და რომელი სიმძლავრეა თქვენთვის ოპტიმალური.
როგორ შევარჩიოთ ელექტრო ჩაიდანი მასალის მიხედვით
მასალა არა მხოლოდ ვიზუალზე, არამედ წყლის ხარისხზეც მოქმედებს. ბაზარზე ძირითადად სამი სახის მოდელს შეხვდებით: პლასტმასის, უჟანგავი ფოლადისა და მინის.
პლასტმასის მოდელები, როგორც წესი, ყველაზე ბიუჯეტურია. თუ თქვენი მიზანია ელექტრო ჩაიდანი იაფად შეიძინოთ, ეს კატეგორია თქვენთვისაა. თუმცა, აქ ყურადღება უნდა მიაქციოთ ბრენდს, Franko-ს ან Midea-ს ხარისხიანი პლასტმასი არ გამოსცემს უსიამოვნო სუნს ადუღებისას, რაც დაბალხარისხიანი მოდელების მთავარი მინუსია.
უჟანგავი ფოლადის ჩაიდანი გამძლეობით არის ცნობილი. ის კარგად ინარჩუნებს სითბოს და ვიზუალურადაც ნებისმიერ სამზარეულოს უხდება. მოდელები, რომლებსაც Tefal ან Kenwood გვთავაზობენ, ხშირად ორმაგი კედლით არის აღჭურვილი, რაც გარედან კორპუსის გაცხელებას უშლის ხელს.
რაც შეეხება მინის მადუღარებს, ისინი მათთვისაა, ვისთვისაც ესთეტიკა პრიორიტეტულია. წყლის ადუღების პროცესი, რომელსაც ხშირად ლურჯი განათებაც ახლავს, ძალიან ეფექტურად გამოიყურება. მინა ყველაზე ეკოლოგიური მასალაა, რადგან წყალთან რეაქციაში არ შედის, თუმცა ასეთ ჩაიდანს მეტი მოვლა სჭირდება, რათა ნადები არ დააჩნდეს.
რა სიმძლავრის მადუღარაა საჭირო და რამდენად მოქმედებს სიმძლავრე ელექტროენერგიის გადასახადზე?
სინამდვილეში, მძლავრი ჩაიდანი (მაგალითად 2400-3000 W) უფრო სწრაფად ადუღებს წყალს, რაც იმას ნიშნავს, რომ ის ცოტა ხანს მუშაობს. სტანდარტული 1.7 ლიტრიანი ჩაიდნების უმრავლესობა 2200 W სიმძლავრისაა, შესაბამისად სწრაფიც არის და ელერგოეფექტურიც.
თუ პატარა ოჯახი გყავთ ან ოფისისთვის გჭირდებათ კომპაქტური ვარიანტი, ელექტრო ჩაიდანი პატარა მოცულობით (1 ლიტრამდე) სრულიად საკმარისი იქნება. ასეთი მოდელები ნაკლებ ადგილს იკავებს და მოგზაურობისას დროსაც შეგიძლიათ თან წაიღოთ.
როგორ მოვუაროთ ელექტრო ჩაიდანს?
ხშირად ჩივიან, რომ ჩაიდანმა მუშაობა მალე შეწყვიტა ან წყალს უსიამოვნო გემო დაჰკრავს. ამის მიზეზი თითქმის ყოველთვის ნადებია. ნადები არა მხოლოდ წყლის გემოს აფუჭებს, არამედ აზიანებს გამაცხელებელ ელემენტსაც, რაც იწვევს მოწყობილობის გადაწვას.
იმისთვის, რომ თქვენი ელექტრო მადუღარა წლების განმავლობაში გამართულად მუშაობდეს, სასურველია გამოიყენოთ გაფილტრული წყალი. თუ მაინც დაგროვდა ნადები, ნუ გამოიყენებთ ბასრ საგნებს მის მოსაცილებლად. ლიმონმჟავა ან ძმრიანი წყლის ხსნარი საუკეთესო და უსაფრთხო საშუალებაა შიდა ზედაპირის გასაწმენდად, სულ რაღაც თვეში ერთხელ.
როგორ დავზოგოთ თანხა შეძენისას
Kontakt.ge-ზე ხშირად მოქმედებს ელექტრო ჩაიდანზე ფასდაკლება, რაც საშუალებას გაძლევთ პრემიუმ ბრენდების მოდელები ბიუჯეტურ ფასად შეიძინოთ. არჩევანის გაკეთებისას ყურადღება მიაქციეთ დამატებით ფუნქციებს: ტემპერატურის კონტროლი (განსაკუთრებით მნიშვნელოვანია მწვანე ჩაის მოყვარულთათვის, რომელსაც 80 გრადუსი სჭირდება), წყლის დონის ინდიკატორი და 360-გრადუსიანი ბრუნვის შესაძლებლობა სადგამზე.
ჩვენს მაღაზიებში წარმოდგენილია მრავალფეროვანი ასორტიმენტი, როგორც 59-ლარიანი მოდელები, ასევე 390-ლარიანი პრემიუმ ჩაიდნები. შესაბამისად, ჩვენთან შეგიძლიათ შეიძინოთ ნებისმიერი ტიპის, ფასის, დიზაინისა და სიმძლავრის მოდელი, იქნება ეს Braun-ის კლასიკური თუ DeLonghi-ს დახვეწილი იტალიური დიზაინი. ხარისხი კი ჩვენთან ყველა მოდელზე ყოველთვის გარანტირებულია.
რამდენად უსაფრთხოა წყლის რამდენჯერმე ადუღება?
რამდენჯერმე ადუღებული წყლის გამოყენება რეკომენდებული არ არის, რადგან ყოველი ადუღებისას წყლის მოცულობა მცირდება და მასში დარჩენილი მინერალების კონცენტრაცია იზრდება. ეს განსაკუთრებით ეხება ისეთ ელემენტებს, როგორიცაა კალციუმი და მაგნიუმი, რომლებიც შეიძლება ჩაიდნის ნადებად გადაიქცეს და გავლენა მოახდინოს როგორც გემოზე, ისე მოწყობილობის მუშაობაზე. სპეციალისტები გვირჩევენ, ყოველდღიურად ახალი წყლის გამოყენებას, რაც უფრო უსაფრთხო, ჯანსაღი და პრაქტიკული არჩევანია.
რომელი ჩაიდანი უფრო ჩუმია?
როგორც წესი, მინისა და ორმაგი კედლის მქონე უჟანგავი ფოლადის მოდელები უფრო ჩუმად მუშაობენ, ვიდრე თხელკედლიანი პლასტმასის ვარიანტები. თუ დილით ადრე დგებით და არ გსურთ ოჯახის წევრების გაღვიძება, Philips-ის ან Bosch-ის ხმაურის დაბალი დონის მქონე მოდელებზე შეაჩერეთ არჩევანი.
კიდევ ერთი მნიშვნელოვანი საკითხია ფილტრი. ხარისხიან ჩაიდანს ცხვირთან ყოველთვის აქვს პატარა ბადე-ფილტრი, რომელიც ხელს უშლის ნადების ნაწილაკების ჭიქაში მოხვედრას. შემოწმებისას დარწმუნდით, რომ ეს ფილტრი მარტივად იხსნება და ირეცხება.
გახსოვდეთ, რომ წვრილი საყოფაცხოვრებო ტექნიკა თქვენს ცხოვრებას ამარტივებს, Kontakt.ge კი ზრუნავს იმაზე, რომ ეს სიმარტივე ყველასთვის ხელმისაწვდომი იყოს. ჩვენთან წარმოდგენილი ფართო არჩევანი: ფერების, მასალისა და ფუნქციების მიხედვით საშუალებას გაძლევთ, შეარჩიოთ თქვენთვის სასურველი საუკეთესო ხარისხის ელექტრო ჩაიდანი.
დაათვალიერეთ ჩვენი კატალოგი, შეადარეთ მოდელები ერთმანეთს და ისარგებლეთ საუკეთესო პირობებით!