წესები და პირობები

გთხოვთ, ამ ვებგვერდის გამოყენებამდე (შემდგომში „ვებგვერდი“) ყურადღებით გაეცნოთ „საიტის გამოყენების წესებს“ (შემდგომში შესაბამის ბრუნვებში - „წესები“). თუ არ ეთანხმებით მათ, გთხოვთ დატოვოთ ვებგვერდი. წინააღმდეგ შემთხვევაში, თქვენს მიერ ვებსაიტზე შემოსვლა და მასზე ნებისმიერი ქმედების განხორციელება ავტომატურად ჩაითვლება მოცემულ წესებზე სრულ თანხმობად.

ამ ვებგვერდის შინაარსი დაცულია საავტორო უფლებებით.

პატივისცემით,

მაღაზიათა ქსელი „Kontakt Home“

 

 გამოყენებული ტერმინები და ცნებები

მოცემულ წესებში გამოყენებულ ტერმინებს აქვთ შემდეგი მნიშვნელობა:

შპს „ABC-Telecom GE“ ან/და კომპანია/გამყიდველი - შეზღუდული პასუხისმგებლობის საზოგადოება „ABC-Telecom GE“ (გადასახადის გადამხდელის საიდენტიფიკაციო ნომერი: 405 485 915, მისამართი: ქ. თბილისი, ცენტრალური რკინიგზის სადგური, ვაგზლის მოედანი №2, სავაჭრო ცენტრი Tbilisi Central).
ვებგვერდი – შპს „ABC-Telecom GE“-ს საკუთრებაში არსებული მაღაზიათა ქსელის „Kontakt Home“-ის ვებ-გვერდი kontakt.ge.
მომხმარებელი - სრულწლოვანი, ქმედუნარიანი პირი, რომელიც ეწვია საიტს და აგრძელებს მის გამოყენებას მოცემული წესებითა და პირობებით
სამომხმარებლო შეთანხმება - შეთანხმება, რომელიც განსაზღვრავს რეკლამის განთავსების წესებს. ასევე სხვა წესებსა და დოკუმენტებს რომლებიც არეგულირებს ვებგვერდ kontakt.ge -ს ფუნქციონირებას ან განსაზღვრავს საიტზე განთავსებული სერვისების გამოყენების წესებს.
სერვისები - ფუნქციონალური შესაძლებლობები, მომსახურება, სამსახურები, ინსტრუმენტები, რომლებიც ხელმისაწვდომია საიტის kontakt.ge-ს მომხმარებლებისთვის.
მობილური აპლიკაცია - პროგრამა პორტატული (მობილური) მოწყობილობებისთვის, რომელიც დაინსტალირებული ან ჩამოტვირთულია ასეთ მოწყობილობებზე სხვადასხვა პროგრამული პლატფორმებიდან, და რომელიც შექმნილია მომხმარებლის kontakt.ge ვებსაიტზე წვდომის უზრუნველსაყოფად.
საქონელი/პროდუქტი - ციფრული, კომპიუტერული, საყოფაცხოვრებო და სხვა სახის ტექნიკა, სამეურნეო და სხვა სახის საქონელი, პროგრამული უზრუნველყოფა, აქსესუარები და სხვა ნივთები, რომელთა შესახებ ინფორმაცია განთავსებულია საიტზე.
განცხადება - ინფორმაცია პროდუქტის შესახებ (მათ შორის საკონტაქტო რეკვიზიტები, ფოტოები და ნებისმიერი შესაბამისი ინფორმაცია), რომელიც განთავსებულია ვებგვერდზე kontakt.ge, ეხება შეთავაზებებს და განკუთვნილია განუსაზღვრელი პირთა ჯგუფისთვის.
ოფერტა - მომხმარებლის მიერ „შეკვეთის“ ღილაკზე დაჭერა საიტზე განთავსებული საქონლის/სამუშაოს/მომსახურების სიიდან შერჩეული პროდუქტის „კალათაში“ დამატებისა და შეკვეთის გასაფორმებლად საჭირო მონაცემების შეყვანის შემდეგ (შემდგომში – შეკვეთის გაფორმება).
ქოლ ცენტრი - სპეციალისტები, რომლებიც „ცხელი ხაზის“ საშუალებით კონტაქტზე არიან მომხმარებლებთან.
მყიდველი - მომხმარებელი, რომელმაც ნახა გამყიდველის მიერ განთავსებული განცხადებები დაუკავშირდა გამყიდველს და/ან გააფორმა ხელშეკრულება საქონლის შეძენასთან დაკავშირებით.
მონაცემები სისტემაში შესასვლელად - უნიკალური ლოგინი (ელ. ფოსტის მისამართი) და პაროლი, რომელიც შექმნილია მომხმარებლის მიერ დამოუკიდებლად, საიტზე დარეგისტრირებისას ან შემდგომში შეცვლილია მომხმარებლის მიერ პირად კაბინეტში ან შპს „ABC-Telecom GE LLC“-ის მიერ დადგენილი სხვა გზით, და რომელიც გამოიყენება მომხმარებლის მიერ ვებგვერდზე Kontakt.ge-ზე დარეგისტრირების შემდეგ პირად კაბინეტში შესასვლელად.
პირადი კაბინეტი - მომხმარებლის პერსონალური განყოფილება kontakt.ge-ს ვებგვერდზე, რომელიც დაკავშირებულია მომხმარებლის პირად ანგარიშთან, სადაც მას შეუძლია მართოს ვებგვერდზე წარმოდგენილი პერსონალური სერვისები შპს „ABC-Telecom GE“-ს მიერ დადგენილი პირობებით, შეუძლია პერსონალური მონაცემების რედაქტირება, ასევე მართოს საკუთარი შეკვეთ(ები)ა და საიტზე შესვლა/საიტიდან გამოსვლა.
რეგისტრაცია - kontakt.ge ვებგვერდის ინსტრუქციების შესაბამისად მომხმარებლის მიერ შესრულებული მოქმედებების თანმიმდევრობა, მათ შორის სისტემაში შესვლა მონაცემებისა და სხვა ინფორმაციის შეყვანა პირადი კაბინეტის შესაქმნელად და kontakt.ge ვებსაიტის პერსონალურ სერვისებზე წვდომის მისაღებად, kontakt.ge-ს სამომხმარებლო ინტერფეისის სპეციალური ფორმის გამოყენებით.
მომხმარებლის მონაცემები - მომხმარებლის მიერ კომპანიისთის შპს „ABC-Telecom GE“-სთვის მიწოდებული ნებისმიერი მასალა და ინფორმაცია kontakt.ge ვებგვერდის გამოსაყენებლად.
კანონმდებლობა – საქართველოს მოქმედი კანონმდებლობა, რომელიც ვრცელდება მოცემულ წესებსა და პირობებში გათვალისწინებული ვალდებულებების შესრულებაზე ან/და რომელიც აწესრიგებს ამ ვალდებულებების შესრულებასთან დაკავშირებით წარმოშობილ სამართლებრივ ურთიერთობებს.
 

 ზოგადი დებულებები.

2.1. საიტზე მომხმარებლის რეგისტრაციისა და ავტორიზაციის ფაქტის მიუხედავად, მის მიერ საიტის გამოყენება, მათ შორის საიტზე განთავსებული ინფორმაციის ნახვა, ნიშნავს, რომ მომხმარებელი ეთანხმება მომსახურების წესებსა და პირობებს, იცავს სერვისების გამოყენების წესებს, და ასევე იღებს პასუხისმგებლობას მის ქმედებებზე საიტის გამოყენებასთან დაკავშირებით.

2.2. მოცემული წესები და პირობები გულისხმობს, რომ პირის (მომხმარებლის) ქმედებები საიტზე, მათ შორის საქონლის შეთავაზებასთან, ყიდვა-გაყიდვასთან, სამუშაოს შესრულებასთან და მომსახურების მიწოდებასთან დაკავშირებით, ხორციელდება იმ მიზნებისთვის, რომლებიც არ არის დაკავშირებული ამ პირის (მომხმარებელს) სამეწარმეო საქმიანობასთან და არ აძლევს მას უფლებას შემდგომ მოითხოვოს შპს „ABC-Telecom GE“-სგან ისეთი დოკუმენტი, რომელიც არ არის გათვალისწინებული ფიზიკური პირებისთვის. იურიდიული ან ფიზიკური პირის მიმართავისას, რომელიც წარმოადგენს ინდივიდუალურ მეწარმეს, მასთან იდება ცალკე ნასყიდობის ხელშეკრულება, რომელიც იძლევა საშუალებას გაფორმდეს ყველა პირველადი დოკუმენტი და განხორციელდეს გადახდის დავალებები (შესაძლებელია სხვა გამარტივებული ფორმა). ასეთი ხელშეკრულებების დადების პროცედურა რეგულირდება საქართველოს სამოქალაქო კანონმდებლობით.

2.3. Kontakt.ge-ს ვებგვერდზე შესვლით და შესაბამისად სამომხმარებლო ხელშეკრულების გაფორმებით, პირი (მომხმარებელი) გარანტიას იძლევა, რომ არის სრულწლოვანი და სრულად ქმედუნარიანი პირი, ან შესაბამისი ორგანოს გადაწყვეტილებით ემანსიპაციის გზით სრულად ქმედუნარიანად აღიარებული პირი, რომელსაც გააჩნია სამომხმარებლო ხელშეკრულების გაფორმებისა და განხორციელებისთვის აუცილებელია ყველა უფლება და უფლებამოსილება, ან არის თოთხმეტი წლის ასაკს მიღწეული არასრულწლოვანი პირი, რომელმაც მიიღო მშობლების ან სხვა კანონიერი წარმომადგენლების წერილობითი თანხმობა სამომხმარებლო ხელშეკრულების გაფორმებაზე. შპს „ABC-Telecom GE“-ს უფლება აქვს ნებისმიერ დროს მოითხოვოს მომხმარებლისგან ზემოაღნიშნული უფლებებისა და უფლებამოსილების დამადასტურებელი ინფორმაცია და დოკუმენტები.

2.4. Kontakt.ge-ს ვებ-გვერდზე წარმოდგენილი სერვისები შეიძლება შეიცვალოს, გაფართოვდეს ან განახლდეს, აგრეთვე მათი ფუნქციონალური შესაძლებლობების ფორმა და ხასიათი შეიძლება შეიცვალოს ნებისმიერ დროს მომხმარებლის წინასწარი შეტყობინების გარეშე; ამის გამო სერვისებით სარგებლობა ხორციელდება „როგორც არის“ რეჟიმში, კერძოდ, იმ ფორმითა და მოცულობით, რომელსაც სთავაზობს შპს „ABC-Telecom GE“ იმ მომენტში, როდესაც მომხმარებლები მიმართავენ მომსახურების მისაღებად. საჭიროების შემთხვევაში, შპს „ABC-Telecom GE“-ს უფლება აქვს, თავისი შეხედულებისამებრ, შეწყვიტოს (დროებით ან სამუდამოდ) მომსახურების მიწოდება (ან მომსახურების ფარგლებში ნებისმიერი ცალკეული ფუნქციის მოქმედება) ყველა მომხმარებლისთვის ან ნებისმიერი ცალკეული მომხმარებლისთვის ინდივიდუალურად წინასწარი შეტყობინების გარეშე.

2.5. საიტზე საქონლისა და მომსახურების ფასები მითითებულია დღგ-ს ჩათვლით, მიწოდების ხარჯების გარეშე. მიწოდების ხარჯები გამოითვლება ადგილმდებარეობისა და მიწოდების ვადების გათვალისწინებით. ფასები და პროდუქტების შეთავაზებები შეიძლება შეიცვალოს წინასწარი შეტყობინების გარეშე. შეკვეთის საბოლოო ღირებულება ანგარიშდება შეკვეთის გაფორმების გვერდზე, მოიცავს საქონლის და მიწოდების  ღირებულებას, ასევე ითვალისწინებს შესაძლო აქციებს, ფასდაკლებებს და ბონუსებს.  საბოლოო ფასი მითითებული იქნება კომპანიის მიერ მომხმარებლის შეთავაზების საპასუხოდ გაგზავნილ აქცეპტში (შეკვეთის დადასტურებაში). 
პროდუქტის შესახებ საიტზე განთავსებული ნებისმიერი ინფორმაცია ეფუძნება პროდუქტის მწარმოებლის მიერ მიწოდებულ ტექნიკურ და სხვა მონაცემებს. პროდუქტის შესახებ საიტზე არსებულ ინფორმაციასა და მწარმოებლის დოკუმენტებში არსებულ ინფორმაციას შორის შეუსაბამობის შემთხვევაში, მომხმარებელმა უნდა იხელმძღვანელოს პროდუქტის მწარმოებლის დოკუმენტებში მოცემული ინფორმაციით. კომპანია იტოვებს უფლებას ნებისმიერ დროს შეცვალოს საიტზე განთავსებული ინფორმაცია მომხმარებლების წინასწარი შეტყობინების გარეშე.

2.6. მომხმარებელი პასუხისმგებელია შეკვეთის გაკეთებისას მითითებული მონაცემების სიზუსტეზე. ამავდროულად, მომხმარებელი აძლევს კომპანიას ავტომატურ თანხმობას იმ პერსონალური მონაცემების შეზღუდვის გარეშე დამუშავებაზე, რომელიც მან მიიღო ან შეიძლება მიიღოს მომხმარებლის მიერ შეკვეთის გაკეთების შედეგად. მონაცემთა დამუშავება შეზღუდვის გარეშე მოიცავს პერსონალური მონაცემების შეგროვებას, რეგისტრაციას, დაგროვებას, შენახვას, ადაპტირებას, შეცვლას, განახლებას, გამოყენებას და გავრცელებას (გადაცემის ჩათვლით), განზოგადებას, პერსონალური მონაცემების წაშლას და სხვა ოპერაციებს პერსონალურ მონაცემთა ბაზის საწარმოებლად. კომპანიას ასევე უფლება აქვს, მოწოდებული ან მისთვის ცნობილი საკომუნიკაციო საშუალებების გამოყენებით, შეისწავლოს მომხმარებლების მოსაზრებები საქონლის/სამუშაოს/მომსახურების ხარისხის შესახებ, მოიწვიოს მომხმარებლები სარეკლამო და მარკეტინგულ ღონისძიებებზე მონაწილოებისთვის, აცნობოს მომხმარებლებს კამპანიების, შეთავაზებების, სარეკლამო მასალების, კომპანიის საქმიანობის შესახებ (SMS-ით და სხვა საშუალებებით) მომხმარებლების მოთხოვნისა და კომპანიისთვის მიწოდებული ან მის მიერ საიტზე ძიების შედეგად მიღებული ინფორმაციის საფუძველზე. მომხმარებელი აცხადებს თანხმობას, რომ კომპანია არ არის ვალდებული მიიღოს დამატებითი თანხმობა მისი პერსონალური მონაცემების გადაცემაზე; მომხმარებლის თანხმობის მისაღებად სხვა ფორმები არ არის გათვალისწინებული. მომხმარებელს უფლება აქვს გააუქმოს საინფორმაციო შეტყობინებების გამოწერა.

მომხმარებელს უფლება აქვს განაცხადოს უარი პერსონალური მონაცემების დამუშავებასთან დაკავშირებით თანხმობის მიცემაზე, თუმცა იმის გათვალისწინებით, რომ კომპანია შეინახავს ამ ინფორმაციას საგადასახადო და სხვა მოქმედი კანონმდებლობის მოთხოვნების შესაბამისად.

 

 საიტზე რეგისტრაცია

3.1. kontakt.ge-ზე დარეგისტრირების შემდეგ მომხმარებელს უფლება აქვს ისარგებლოს გარკვეული სერვისებით.

3.2. საიტზე რეგისტრაციისას ხორციელდება მომხმარებლის მიერ პირადად შერჩეული სისტემაში შესასვლელი მონაცემების შეყვანა. სარეგისტრაციო მონაცემების შეყვანის შემდეგ, მომხმარებელი იღებს რეგისტრაციის დროს მითითებულ ელ.ფოსტის მისამართზე ელ.წერილს, რომელიც შეიცავს აქტიურ ჰიპერბმულს, რაც აუცილებელია საიტზე რეგისტრაციის დასადასტურებლად. მომხმარებლის ერთი ელექტრონული ფოსტის მისამართზე მხოლოდ ერთი ანგარიში რეგისტრირდება. დაუშვებელია საიტზე ახალი ანგარიშის ხელახლა შექმნა რეგისტრაციისას ადრე მითითებული ელექტრონული ფოსტის მისამართის გამოყენებით. საჭიროების შემთხვევაში, მომხმარებელს შეუძლია შეცვალოს სარეგისტრაციო მონაცემები საიტზე არსებულ პირად კაბინეტში ან შპს „ABC-Telecom GE“-ს მიერ დადგენილი სხვა გზით. კომპანია არ ახორციელებს მომხმარებლის მიერ საიტზე ავტორიზაციის დროს შეყვანილი ინფორმაციის (მონაცემების) ნამდვილობის სპეციალურ შემოწმებას. საიტზე ავტორიზაციის დროს მომხმარებლის მიერ მიწოდებული ყველა ინფორმაცია მიიღება კომპანიის მიერ დამატებითი შემოწმების გარეშე და წარმოადგენს შეთავაზების მისაღებად საჭირო დოკუმენტების დამუშავების საფუძველს.

3.3. მომხმარებელმა უნდა აკონტროლოს სარეგისტრაციო მონაცემების უსაფრთხოება და არ გაუმჟღავნოს ისინი მესამე პირებს. მომხმარებელს არ აქვს უფლება გადასცეს სარეგისტრაციო მონაცემები მესამე პირებს, ასევე პირდაპირ ან ირიბად მისცეს ნებართვა მესამე პირებს, გამოიყენონ სარეგისტრაციო მონაცემები kontakt.ge საიტზე ავტორიზაციისთვის, გარდა იმ პირებისა, რომლებიც მოქმედებენ ან იყენებენ ამ მონაცემებს მომხმარებლის სახელით და მისი ინტერესებიდან გამომდინარე, რომელმაც მიიღო ეს მონაცემები მისი შესაბამისი თანხმობით.

3.4. ნებისმიერი ქმედება მომხმარებლის პირადი კაბინეტიდან სარეგისტრაციო მონაცემების, ასევე პირად კაბინეტში მითითებული მომხმარებლის ტელეფონის ნომრის გამოყენებით, განიხილება როგორც თავად მომხმარებლის ან მის მიერ უფლებამოსილი პირის მიერ შესრულებული ქმედება და აკისრებს მომხმარებელს ვალდებულებებსა და პასუხისმგებლობას. ეს მოიცავს პასუხისმგებლობას მომხმარებლის მიერ kontakt.ge-ზე განთავსებული სამომხმარებლო შეთანხმების და საქონელთან დაკავშირებული სამართლებრივი მოთხოვნების დარღვევისთვის.

3.5. თუ მომხმარებელი ეჭვობს, რომ მისი პირადი სარეგისტრაციო მონაცემები გამჟღავნებული იქნა და შეიძლება გამოყენებულ იქნას მესამე პირების მიერ ნებართვის გარეშე, იგი ვალდებულია დაუყოვნებლივ შეცვალოს ეს მონაცემები.

3.6. შპს „ABC-Telecom GE“ იტოვებს უფლებას გამოიყენოს არსებული ტექნიკური გადაწყვეტილებები, რათა გადაამოწმოს მომხმარებლის მიერ მოწოდებული ინფორმაციის უტყუარობა kontakt.ge ვებგვერდის გამოყენებისას. შპს „ABC-Telecom GE“ ვერ უზრუნველყოფს მომხმარებლის იდენტიფიკაციის, ასევე მომხმარებლის მიერ საიტზე kontakt.ge-ზე მოწოდებული ინფორმაციის უტყუარობის გარანტიას. შპს „ABC-Telecom GE“ რეკომენდაციას უწევს მომხმარებლებს დაუკავშირდნენ პოტენციურ კონტრაგენტებს, გამყიდველებსა და მყიდველებს kontakt.ge-ზე ხელმისაწვდომი ყველა საშუალებით, იყვნენ ყურადღებით და გამოიჩინონ სიფრთხილე ტრანზაქციების განხორციელებისას და გამყიდველის არჩევისას.

3.7. შპს „ABC-Telecom GE“ იტოვებს უფლებას დაბლოკოს ან წაშალოს მომხმარებლის ანგარიში საიტზე აღდგენის შესაძლებლობის გარეშე.

 

Сookie- ფაილები 

4.1. კომპანია იყენებს cookie-ფაილებს, რათა უზრუნველყოს ინფორმაციის მაქსიმალური სისრულე და მომხმარებლებისთვის საიტის გამოყენების მაქსიმალური კომფორტი. თუ მომხმარებელი აგრძელებს საიტის გამოყენებას, ეს ნიშნავს მის თანხმობას cookie-ფაილების გამოყენებაზე და კომპანიისგან ყველა ბონუსის მიღებაზე, ასევე შესაძლებლობას გაუგზავნოს მომხმარებელს უახლესი ინფორმაცია მისთვის შესაფერისი შეთავაზებებისა და კამპანიების შესახებ. მომხმარებელს შეუძლია ნებისმიერ დროს გააუქმოს cookie-ფაილების გამოწერა ან შეზღუდოს cookie-ფაილების გამოყენება საიტზე შესასვლელად გამოყენებული მოწყობილობის ინდივიდუალური პარამეტრების გამოყენებით.

4.2. მომხმარებელს შეუძლია საქონლის/სამუშაოს/მომსახურების უფასოდ დათვალიერება, ასევე საიტზე შეკვეთების განთავსება.

4.3. საიტი და საიტის მიერ მოწოდებული სერვისები შეიძლება დროებით ან ნაწილობრივ მიუწვდომელი იყოს პროფილაქტიკური, მიმდინარე და სხვა ტექნიკური სამუშაოების გამო. კომპანიის ტექნიკური სამსახური იტოვებს უფლებას განახორციელოს საჭირო პროფილაქტიკური, მიმდინარე და სხვა ტექნიკური სამუშაოები მომხმარებლის შეტყობინების გარეშე.

4.4. კომპანია იტოვებს უფლებას შეცვალოს წინამდებარე წესები ცალმხრივად, საიტზე წინასწარ გამოქვეყნების პირობით. თუ მომხმარებელი არ ეთანხმება შეცვლილ პირობებს, მაშინ მან დაუყოვნებლივ უნდა შეწყვიტოს საიტის გამოყენება. საიტის გამოყენების გაგრძელება ნიშნავს იმას, რომ მომხმარებლი ეთანხმება შეცვლილ პირობებს.

 

 საიტზე წარმოდგენილი საქონლის შეფასების და გამოხმაურებების გამოქვეყნების წესი

5.1. თქვენ შეგიძლიათ დატოვოთ გამოხმაურებები საიტზე განთავსებული პროდუქტების შესახებ, ასევე კომენტარები მომხმარებელთა გამოქვეყნებულ გამოხმაურებებზე, შეაფასოთ პროდუქტები სერვისით სარგებლობისას მხოლოდ მითითებულ საიტზე ველების შევსების შემდეგ.

5.2. მომხმარებლების მიერ დატოვებული პროდუქტების გამოხმაურებები, კომენტარები და შეფასებები ხელმისაწვდომი გახდება სხვა მომხმარებლებისთვის გასაცნობად.

5.3. გამოხმაურების დატოვებით მომხმარებელი თანხმობას აცხადებს მასზედ, რომ რეგისტრირებული მომხმარებლის როლში მითითებული მისი სახელი და გვარი, ასევე გამოხმაურება, შეუძლებელია შეიცვალოს.

5.4. ყველა გამოხმაურება და კომენტარი გამოქვეყნებული იქნება საავტორო ორთოგრაფიისა და პუნქტუაციის შენარჩუნებით, ავტორიზაციის დროს მომხმარებლის მიერ გამოყენებული ლოგინის ქვეშ. მომხმარებელი პასუხისმგებელია მის მიერ დატოვებულ გამოხმაურებებში მოცემული ინფორმაციის სიზუსტეზე.

5.5. შპს „ABC-Telecom GE“ იტოვებს უფლებას დამოუკიდებლად და მომხმარებლებისთვის შეტყობინების გარეშე შეარჩიოს გამოხმაურებები გამოსაქვეყნებლად, მათ შორის:

არ გამოაქვეყნოს გამოხმაურებები და გრაფიკული გამოსახულებები, კომენტარები, რომელთა შინაარსი არ არის დაკავშირებული მაღაზიის მუშაობასა და მასში განხორციელებულ შესყიდვებთან.
არ გამოაქვეყნოს გამოხმაურებები და გრაფიკული გამოსახულებები, კომენტარები, რომელთა შინაარსი არ არის დაკავშირებული ამ პროდუქტის გამოყენების რეალურ გამოცდილებასთან;
არ გამოაქვეყნოს გამოხმაურებები და გრაფიკული გამოსახულებები, კომენტარები, რომლებიც არ შეიცავს სასარგებლო ინფორმაციას სხვა მომხმარებლებისთვის;
არ გამოაქვეყნოს გამოხმაურებები, კომენტარები, რომლებიც შეიცავს არანორმატიულ ლექსიკას, შეურაცხმყოფელი ხასიათის გამონათქვამებს;
არ გამოაქვეყნოს შერჩეული პროდუქტების და/ან პროდუქტების მიმოხილვები, გრაფიკული გამოსახულებები, კომენტარები, რომლებიც შეიცავს: (ა) ბმულებს სხვა ვებსაიტებზე შერჩეული პროდუქტების ან/და მიმოხილვის ტექსტში, აგრეთვე კონკრეტული გამყიდველებზე და/ან საქონლის იმპორტიორებზე მითითებებს; (ბ) მესამე მხარის (მათ შორის, მაღაზიების, მწარმოებლების და/ან საქონლის იმპორტიორების) პატივის, ღირსების ან/და საქმიანი რეპუტაციის შემლახველ განცხადებებს; გ) მასალებს (მათ შორის, ტექსტის, ვიდეოს, გრაფიკული გამოსახულებების, კოდის სახით), რომელიც არღვევს მესამე მხარის უფლებებს, მათ შორის უფლებებს ინტელექტუალური საქმიანობის შედეგებზე;
არ გამოაქვეყნოს გამოხმაურებები, კომენტარები, რომლებიც შეიცავს ბმულებს სხვა ვებსაიტებზე;
წაშალოს გამოქვეყნებული გამოხმაურება, გრაფიკული გამოსახულებები, შერჩეული საქონლის და/ან პროდუქტის მიმოხილვა ნებისმიერ დროს;
დამოუკიდებლად განსაზღვროს ის პერიოდი, რომლის განმავლობაშიც გამოხმაურებები აქტიურად ითვლება და რა დროსაც ისინი ქვეყნდება სერვისის ფარგლებში;
შპს „ABC-Telecom GE“ არ არის ვალდებული აცნობოს მომხმარებელს პუბლიკაციაზე უარის თქმის ან/და ადრე გამოქვეყნებული გამოხმაურებების, გრაფიკული გამოსახულებების, კომენტარების, შეფასებების, შერჩეული პროდუქტების ან/და პროდუქტის მიმოხილვის წაშლის მიზეზები.
5.6. მომხმარებელი თანახმაა მიიღოს შპს „ABC-Telecom GE“-ის წარმომადგენლებისგან პასუხების მიღების შესახებ შეტყობინებები.

5.7. სერვისის გამოყენებით მომხმარებელი აცხადებს თანხმობას მიიღოს სარეკლამო ხასიათის შეტყობინებები. მომხმარებელს უფლება აქვს უარი თქვას სარეკლამო ხასიათის შეტყობინებების მიღებაზე.

 

სერვისის დანიშნულება და საქონლის მიწოდების ორგანიზებასთან დაკავშირებული მომსახურების შეკვეთის გაფორმების ზოგადი პირობები

6.1. მომხმარებელი აცხადებს თანხმობას მასზედ, რომ შპს „ABC-Telecom GE“-ს შეუძლია საქონლის მიწოდების ორგანიზებასთან დაკავშირებული მომსახურების ხელშეკრულების შესრულება დაავალოს მესამე მხარეს, იმ პირობით, რომ კომპანია დარჩება პასუხისმგებელია მომხმარებლისთვის საქონლის მიწოდებაზე.

6.2. სერვისზე შეკვეთის განთავსებამდე მომხმარებელი იღებს ვალდებულებას გაეცნოს მომსახურების მიწოდების ყველა პირობას, ასევე, kontakt.ge-ზე განთავსებული საქონლის შეძენის პირობებს (მიწოდების და გადახდის დოკუმენტებს, დაბრუნების პოლიტიკას და საიტის გამოყენების პირობებს) სერვისზე შეკვეთის გაფორმება ნიშნავს მომხმარებლის თანხმობას „ABC-Telecom GE“-ის მიერ საქონლის გაყიდვისა და მიწოდების მომსახურების გაწევის ყველა არსებით პირობაზე.

6.3. მომხმარებელი ადასტურებს თანხმობას, რომ პერსონალური მონაცემები, რომლებსაც მომხმარებელი აწვდის შპს „ABC-Telecom GE“-ს kontakt.ge ვებგვერდის (კერძოდ [პერსონალური მონაცემების სია]) გამოყენებისას, მათ შორის შეკვეთის გაფორმებისას, საქონლის ღირებულების გადახდისას, სერვისზე საქონლის დაბრუნების და საქონლისა და მომსახურებისთვის გადახდილი თანხების დაბრუნების შესახებ განაცხადების განთავსებისას, შეიძლება გადაცემული იქნეს:

მესამე მხარისთვის, რომელიც შპს „ABC-Telecom GE“-ს მიერ მოწვეულია მომხმარებელთან საქონლის მიწოდების ორგანიზებასთან დაკავშირებული მომსახურების ხელშეკრულების გასაფორმებლად;
ფინანსური შუამავლისთვის, რომელიც მონაწილეობს მომხმარებლის ტრანზაქციებში საბანკო ბარათების გამოყენებით სერვისზე საქონლის ღირებულების გადახდისას, ასეთი ტრანზაქციების განხორციელების დასადასტურებლად და ფინანსური პარტნიორის მოთხოვნით პერსონალიზებული მომსახურების უზრუნველყოფად.
6.4. მომხმარებელი თანახმაა, რომ შპს „ABC-Telecom GE“-ს უფლება აქვს შეინახოს მომხმარებლის პერსონალური მონაცემები, ასევე მომხმარებლის მიერ მითითებული შეკვეთის მიმღების პერსონალური მონაცემები მომხმარებლის მიერ სერვისით სარგებლობის პერიოდის განმავლობაში. ეს წესები ასევე მოქმედებს მომხმარებლის მიერ საიტის ბოლო გამოყენების დღიდან მინიმუმ სამი წლის განმავლობაში.

6.5. მომხმარებელი გარანტიას იძლევა, რომ მას აქვს უფლება გასცეს ამ პუნქტში მითითებული თანხმობა მესამე პირებთან (შეკვეთის მიმღებებთან) მიმართებით და პასუხისმგებელია იმ გარანტიის დარღვევაზე, რამაც შპს „ABC-Telecom GE“-სთვის გამოიწვია ზარალი, მოგების დაკარგვა, სასამართლო ხარჯები, ან შპს „ABC -Telecom GE“-ის ხარჯები მესამე პირების პრეტენზიების დასარეგულირებლად, ასეთი ზარალის ოდენობით.

6.6. შპს „ABC-Telecom GE“-ს შეუძლია გამოიყენოს მომხმარებლის პერსონალური მონაცემები მომხმარებლისთვის მიწოდებული მომსახურების ხარისხის გასაუმჯობესებლად.

6.7. სერვისზე შეკვეთის გაფორმებით მომხმარებელი თანახმაა მიიღოს:

ელექტრონული წერილები/ push-შეტყობინებები, რომლებიც შპს „ABC-Telecom GE“-ს შეუძლია გაუგზავნოს როგორც მომხმარებელს, ასევე მომხმარებლის მიერ მითითებულ შეკვეთის მიმღებს: შეკვეთის გაფორმების შემდეგ; მისი ცვლილების შემთხვევაში; საქონლის მიწოდების თარიღამდე, მაღაზიის მიერ შეკვეთის გაუქმების შემთხვევაში, სხვა შემთხვევაში, რომლებიც ზეგავლენას ახდენს შეკვეთის შესრულებაზე ან მისი სტატუსის შესახებ დროულად ინფორმირებისას;
შეტყობინებები (SMS) მომხმარებლის მიერ მითითებულ ტელეფონის ნომერზე;
ზარი მომხმარებლის მიერ მითითებულ ტელეფონის ნომერზე სერვისის და გამყიდველის მიერ შესრულებული სამუშაოს ხარისხის შეფასების წინადადებით.
6.8. შეკვეთის განთავსებით მომხმარებელი ადასტურებს, რომ:

ის სრულად გაეცნო წინამდებარე პირობების დებულებებს;
მას სრულად ესმის წინამდებარე პირობები, აგრეთვე შპს „ABC-Telecom GE“-სთან დადებული საქონლის მიწოდების ორგანიზებასთან დაკავშირებული მომსახურების ხელშეკრულების საგანი და პირობები;
ის სრულად აცნობიერებს თავისი ქმედების მნიშვნელობას და შედეგებს შპს „ABC-Telecom GE“-სთან საქონლის მიწოდების ორგანიზებასთან დაკავშირებული მომსახურების ხელშეკრულების დადებასა და შესრულებასთან მიმართებით;
მას ესმის, რომ შეკვეთის გაფორმება იწვევს მომხმარებლის ვალდებულებას გადაიხადოს შეკვეთის საფასური;  
იძლევა წინასწარ თანხმობას შპს „ABC-Telecom GE“-ს მიერ მომსახურების გაწევაზე და მომსახურება ხორციელდება მხოლოდ მისი თანხმობის საფუძველზე;
მას ესმის, რომ მომსახურების სრულად გაწევისას (მტიდველის მიერ შეკვეთილი საქონლის მიღება) მას არ ექნება უფლება უარი თქვას ხელშეკრულებაზე;
მას ესმის, რომ ხელშეკრულებიდან გასვლის შემთხვევაში მას მოუწევს საქონლის დაბრუნება და დაბრუნებასთან დაკავშირებული ხარჯების (მათ შორის საფოსტო ხარჯების) ანაზღაურება;
სხვაობა საქონლის თავდაპირველ ფასსა და საქონლის შემცირებულ ფასს შორის, თუ ფასის შემცირება გახდა ისეთი გამოყენების შედეგი, რაც არ არის დაკავშირებული საქონლის თავდაპირველი ფუნქციონარის, ტექნიკური მახასიათებლებისა და ფუნქციონალურობის განსაზღვრასთან.
6.9. შპს „ABC-Telecom GE“-ს უფლება აქვს დაბლოკოს მომხმარებლის შეკვეთის განთავსების შესაძლებლობა მომხმარებლის მიერ განხორციელებული შეკვეთების მრავალჯერადი გაუქმების, ასევე წინამდებარე პირობების დარღვევის შემთხვევაში.

6.10. სერვისზე შეკვეთის გაფორმებისას მომხმარებელი ვალდებულია მიუთოთოს უტყუარი მონაცემები საკუთარი თავისა და შეკვეთის მიმღების შესახებ. მომხმარებლის მიერ არაზუსტი, მცდარი, არარსებული ტელეფონის ნომრის, ელექტრონული ფოსტის მისამართის, მომხმარებლის სრული სახელის ან შეკვეთის მიმღების მითითება, ისევე როგორც სხვა არაზუსტი ინფორმაციის მითითება გულისხმობს გამყიდველის უარს მომხმარებლის შეკვეთის მიღებაზე.  ეს დებულებები არის შეკვეთის გაუქმების საფუძველი წინამდებარე პირობების მე-7 ნაწილის შესაბამისად.

6.11. სერვისზე ხელმისაწვდომი საქონლის არსებობის შესახებ ინფორმაცია შეიძლება შეიცვალოს შეკვეთის გაფორმების მომენტისთვის, სერვისის მუშაობის ტექნიკური თავისებურებებიდან გამომდინარე.

 

 შეკვეთის გაფორმება. შპს „ABC-Telecom GE“-სგან შეძენილი საქონლის მიწოდების ორგანიზებასთან დაკავშირებული მომსახურების ხელშეკრულების გაფორმება

7.1. სერვისზე შეკვეთის გაფორმების მთავარ პირობას წარმოადგენს kontakt.ge-ს ვებგვერდზე განთავსებული საიტის გამოყენების პირობებზე მომხმარებლის თანხმობა.

7.2. მომხმარებელი აფორმებს შეკვეთას, რომელშიც მიუთითებს ხელშეკრულებების შესასრულებლად საჭირო ყველა აუცილებელ მონაცემს, მათ შორის, შეუზღუდავად: მომხმარებლის ან/და შეკვეთის მიმღების პერსონალურ მონაცემებს, მიწოდების მეთოდს, მიწოდების მისამართს, შეკვეთის მიმღების სრულ სახელსა და გვარს, საკონტაქტო ინფორმაცის, გადახდის მეთოდს.

7.3. მომხმარებლის მიერ საქონლის მიწოდების ორგანიზებასთან დაკავშირებული მომსახურების ხელშეკრულების დადება ხორციელდება:

7.3.1. მომხმარებლის მიერ საქონლის მიღების შემდეგ შეკვეთის გადახდის მეთოდის არჩევის შემთხვევაში (ნაღდი ან უნაღდო ანგარიშსწორებით) - მომხმარებლის მიერ „გადახდის“ ღილაკის  (სხვა ანალოგიურ ღილაკის) დაჭერის მომენტში (მომხმარებლისთვის შეკვეთის გაფორმებოს დადასტურების გაგზავნის პირობით);

7.3.2. მომხმარებლის მიერ შეკვეთის გადახდის მეთოდად უნაღდო ანგარიშსწორების (წინასწარ გადახდის) არჩევის შემთხვევაში - მომხმარებლის მიერ „გადახდის“ ღილაკის   დაჭერის მომენტში (მომხმარებლისთვის შეკვეთის გაფორმების დადასტურების გაგზავნის პირობით); „გადახდის“ ღილაკზე დაჭერის შემდეგ მომხმარებელს ეძლევა 2 წუთი გადახდის განსახორციელებლად.

თუ რაიმე მიზეზით განსაზღვრულ ვადაში არ განხორციელდა გადახდა, შპს „ABC-Telecom GE“-სთან ხელშეკრულება არ ითვლება დადებულად.

7.4. მომხმარებლის მიერ პირობების 7.3 პუნქტში მითითებული მოქმედებების შესრულება ნიშნავს მომხმარებლის მიერ პირობების სრულ და უპირობო მიღებას, აგრეთვე მის მიერ შპს „ABC-Telecom GE“-სთან დადებული ხელშეკრულებების პირობების, მათ შორის საქონლის მიწოდების ორგანიზებასთან დაკავშირებული მომსახურების შეთანხმების მიღებას.

7.5. მომხმარებლის მიერ პირობების 7.4 პუნქტში მითითებული მოქმედებების შესრულების მომენტში (თუ პირობებით სხვა რამ არ არის განსაზღვრული) წარმოიშობა ორმხრივი ვალდებულებები:

შპს „ABC-Telecom GE“-სა და მომხმარებელს შორის (საქონლის მიწოდების ორგანიზებასთან დაკავშირებული მომსახურების ხელშეკრულების ფარგლებში);
გამყიდველსა და მომხმარებელს შორის (საქონლის ნასყიდობასთან დაკავშირებული სამოქალაქო-სამართლებრივი ურთიერთობის ფარგლებში, მათ შორის შპს „ABC-Telecom GE“-ის წარმომადგენლობაში განხორციელებული საქონლის გადაცემისა და გადახდის ჩათვლით).
7.6. მომხმარებლის მიერ პირობების 7.3 პუნქტში მითითებული მოქმედებების შესრულების მომენტში, მომხმარებელი ადასტურებს, რომ:

საქონლისა და მომსახურების შესახებ ინფორმაცია სრულად მიეწოდა მომხმარებელს;
შპს „ABC-Telecom GE“-სთან საქონლის მიწოდების ორგანიზებასთან დაკავშირებული მომსახურების ხელშეკრულების გაფორმებამდე, ასევე გამყიდველთან ხელშეკრულების გაფორმებამდე, მომხმარებელი გაეცნო ყველა ინფორმაციას საქონლისა და მომსახურების შესახებ, რომლის სავალდებულო გაცნობა მომხმარებლისთვის გათვალისწინებულია მომხმარებელთა უფლებების დაცვის შესახებ კანონმდებლობით;
მომხმარებლის მიერ მოწოდებული მონაცემები მისი და შეკვეთის მიმღების შესახებ არის უტყუარი;
7.7. შპს „ABC-Telecom GE“ იტოვებს უფლებას გააუქმოს ისეთს საქონლის შემცველი შეკვეთები,  რომლებზეც მომხმარებელმა მანამდე ხუთჯერ ან მეტჯერ თქვა უარი ისეთი მიზეზების მითითებით, რომლებიც არ უკავშირედება საქონლის დეფექტებს.

 

შეკვეთის გადახდა

8.1. მომხმარებელს, რომელიც სერვისზე აფორმებს შეკვეთას, ეძლევა შესაძლებლობა აირჩიოს გადახდის ვარიანტი საიტის მიერ წარმოდგენილი ერთ-ერთი მეთოდის გამოყენებით:

8.1.1 საბანკო ბარათით გადახდა მომსახურების და საქონლის მიღების შემდეგ.

8.1.2 მომსახურების და საქონლის უნაღდო ანგარიშსწორება უშუალოდ სერვისზე შეკვეთის გაფორმებისას (მაგალითად, საბანკო ბარათით, ან სერვისზე შემოთავაზებული სხვა გზით).

8.2. გადახდის შესაბამისი ფორმის არჩევას მომხმარებელი აკეთებს სერვისის ინტერფეისში.

8.3. მომსახურების გადახდა განხორციელებულად ითვლება იმ ბანკიდან დადასტურების მიღების შემდეგ, რომელშიც გახსნილია შპს „ABC-Telecom GE“-ს მიმდინარე ანგარიშები ან საანგარიშსწორებო ანგარიშზე თანხის ჩარიცხვის მომენტიდან.

8.4. შპს „ABC-Telecom GE“ მომხმარებელს გადასცემს საგარანტიო ტალონს. მოთხოვნის შემთხვევაში სასაქონლო-სატრანსპორტო ზედნადები, მიღება-ჩაბარების აქტი და ანგარიშ-ფაქტურა ონალაინ ფორმატში აიტვირთება შესაბამის პორტალზე. 

 

 გამყიდველის მიერ შეკვეთის გაუქმება

9.1. გამყიდველს უფლება აქვს გააუქმოს შეკვეთა შემდეგ შემთხვევებში:

9.1.1 თუ მომხმარებელმა არ გადაიხადა შეკვეთის ღირებულება (თუ მომხმარებელი ირჩევს პირობების 8.1.1 პუნქტებში მითითებულ შეკვეთის გადახდის მეთოდს);

9.1.2. თუ მომხმარებელს არ აწყობს მიწოდების დრო (ვადა) და მოლაპარაკების შედეგად ვერ მოხერხდა მიწოდების ახალ ვადებზე შეთანხმება;

9.1.3. თუ საწყობში საქონელი არ არის ან თუ მომხმარებლისთვის გადასაცემი საქონელი დაზიანებულია;

9.1.4. სხვა შემთხვევებში, როდესაც შპს „ABC-Telecom GE“-ს არ შეუძლია შეასრულოს შეკვეთა;

9.1.5. მომხმარებლის უარი საქონელზე კანონით გათვალისწინებულ შემთხვევებში;

9.1.6. თუ მომხმარებელი თავს არიდებს შეკვეთის (საქონლის) მიღებას

9.1.7. სერვისზე მითითებულ საქონლის ფასში ტექნიკური შეცდომის ან მესამე მხარის უკანონო ქმედების შემთხვევაში.

9.2. მომხმარებლისგან ან შპს «ABC-Telecom“-ისგან დამოუკიდებელი მიზეზებით შეკვეთის შეუსრულებლობის შემთხვევაში (საბაჟო წესებისა და პროცედურების ცვლილება და სხვა გარემოებები, რომლებიც ხელს უშლის საქონლის შეთანხმებული წესით გადაცემას, შეკვეთის (საქონლის) დაკარგვა მიწოდებისას, თუ მიმწოდებელს არა აქვს საქონელი, საქონელი არ არის მიწოდებული გამყიდველის შპს „ABC-Telecom“-ის საწყობში, იმ შემთხვევაში, თუ საწყობში დარჩენილია ერთადერთი პროდუქტი და შეკვეთის დამუშავების (მომზადების) დროს (საქონლის ხელახალი კლასიფიკაცია (დახარისხება) ან/და გაუმართაობა და ა.შ.) გამოვლინდება დეფექტები)  „ABC-Telecom“ აუქმებს შეკვეთას და აცნობებს მომხმარებელს ამის შესახებ. მომხმარებელს, თავის მხრივ, უფლება აქვს ახალი შეკვეთის გაფორმებით შეთანხმდეს მიწოდების ახალ მეთოდებზე, თუ შეკვეთის განთავსების დროს საქონელი გაყიდვაშია. ახალი შეკვეთის გაფორმებისას პროდუქტის ფასის ცვლილების შემთხვევაში მომხმარებელს შეუძლია შეიძინოს ნებისმიერი სხვა პროდუქტი ფასის გადაანგარიშებით.

 

 მომხმარებლის მიერ შეკვეთის გაუქმება

10.1. მომხმარებელს უფლება აქვს შეკვეთილი საქონლის მიღებამდე (მიწოდებამდე) ნებისმიერ დროს შეცვალოს გადაწყვეტილება შეძენის შესახებ და გააუქმოს შეკვეთა.

10.2. თუ შეკვეთა ჯერ არ არის გადაცემული მისაწოდებლად, მომხმარებელს შეიძლება მიეცეს შესაძლებლობა გააუქმოს იგი მხარდაჭერის სამსახურში (*6060) დარეკვით. მომხმარებელს უფლება აქვს უარი თქვას შეკვეთაში შეტანილი საქონლის ნაწილის შეძენაზე თუ ის ჯერ არ არის გადაცემული მისაწოდებლად.  სხვა შემთხვევაში, მომხმარებელს უფლება აქვს გააუქმოს შეკვეთა მთლიანად ან ნაწილობრივ.

10.3. შეკვეთის მისაწოდებლად გადაცემის შემდეგ, მომხმარებელს შეუძლია მისი მიღების შემდეგ დაიწყოს საქონლის მიღებაზე უარის თქმის პროცედურა, პირობების 10.4 პუნქტის შესაბამისად.

10.4. მომხმარებლის უარი საქონელზე:

10.4.1. იმ შემთხვევაში, თუ მომხმარებელი უარს იტყვის საქონელზე მისი მიღებისას, თუ უარი არ არის დაკავშირებული საქონლის არასათანადო ხარისხთან, შპს „ABC-Telecom GE“-ს უფლება აქვს მომხმარებელს დაუქვითოს ასეთი საქონლის მიწოდების ორგანიზებასთან დაკავშირებული მომსახურების ღირებულება (თუ მომხმარებელი ირჩევს შეკვეთაში მითითებულ (i) „ექსპრეს მიწოდების“ სერვისებს). ეს თანხა შეიძლება დაქვითული იყოს პირობების 8.1.3 პუნქტში მითითებული ფორმით, ან 8.1.1, 8.1.2 პუნქტებში მითითებული გადახდის მეთოდის არჩევისას, მომხმარებელი ვალდებული იქნება განახორციელოს გადახა შპს „ABC-Telecom GE“-ის ანგარიშსწორების ანგარიშზე.

10.4.2. თუ მომხმარებელი უარს იტყვის არაჯეროვანი ხარისხის საქონელზე მისი მიღებისას, ასეთი საქონლის მიწოდების ორგანიზებასთან დაკავშირებული მომსახურების ღირებულების გადახდა არ ეკისრება მომხმარებელს, რომელმაც აირჩია 8.1.1, 8.1.2 პუნქტებით გათვალისწინებული გადახდის მეთოდი.

 

 მომხმარებლის მიერ საქონლის დაბრუნება

11.1. გამყიდველისთვის საქონლის დაბრუნებას მომხმარებელი ახორციელებს საქართველოს კანონმდებლობით დადგენილ შემთხვევებში და წესით.

11.2. მომხმარებელი, რომელსაც სურს საქონლის დაბრუნება, მიმართავს ცხელ ხაზს *6060 მითითებული მოთხოვნით და აცნობებს საქონლის დაბრუნების განზრახვას.

11.3. მყიდველი ოპერატორის ინსტრუქციის შესაბამისად უნდა მივიდეს „Kontakt Home“ მაღაზიაში და აცნობოს მაღაზიაში მყოფ კონსულტანტს თავისი განზრახვის შესახებ.

11.4. მომხმარებლის მიერ საქონელზე გადახდილი თანხის დაბრუნება ხორციელდება საქონლის შეფასების შემდეგ.

11.5. პროდუქტში შესამჩნევი ან ფარული დეფორმაციების აღმოჩენის შემთხვევაში თანხის დაბრუნება ხდება ნაწილობრივ.

11.6. იმ საქონლის დაბრუნებისთვის, რომლის ზომები არ აძლევს მომხმარებელს ამის დამოუკიდებლად გაკეთების საშუალებას, შეიძლება დაწესდეს დამატებითი საფასური.

 

 მომხმარებლისთვის საქონლის მიწოდება და გადაცემა

12.1. მითითებულ მისამართზე მიწოდება მომხმარებელს ავალდებულებს მიწოდებისთვის შეთანხმებულ დროს იყოს მიწოდების მითითებულ მისამართზე.

12.2. მითითებულ მისამართზე მიწოდება ხორციელდება მომხმარებლის მიერ მითითებულ შენობაში და ადგილებზე, იმ პირობით, რომ არ არსებობს დაბრკოლებები დერეფნებში და გადასასვლელებში, ხოლო შეფუთვაში საქონელსა და გადასასვლელებს (კარები, დერეფნები) შორის მანძილი არის მინიმუმ 5 სანტიმეტრი.

12.3. თუ მომხმარებლის მიერ მითითებულ შენობაში არსებული პირობები ხელს უშლის საქონლის მიწოდებას ან შეიძლება დააზიანოს იგი, საქონელი მიწოდება ხორციელდება უახლოეს ადგილამდე შესაბამისი პირობებით (ჩამოთვლილია პუნქტში 12.2). მიმწოდებელი არ ასუფთავებს ტერიტორიას დაბრკოლებებისაგან და არ გადააადგილებს ნივთებს შენობაში.

12.4. მიმწოდებლის ვალდებულებები არ მოიცავს კონსულტაციას საქონლის ექსპლუატაციისა და მახასიათებლების, მონტაჟისა და კონფიგურაციის შესახებ.

12.5. შეკვეთის მიღებისას მომხმარებელმა, შეკვეთის მიმწოდებლის თანდასწრებით, უნდა შეამოწმოს შეკვეთის გარეგნული იერსახე და შეფუთვა, შეკვეთაში საქონლის რაოდენობა, კომპლექტურობა და ასორტიმენტი. „ელექტრონული მოწყობილობების“ და „საყოფაცხოვრებო ტექნიკის“ კატეგორიისთვის, გარდა მსხვილი საყოფაცხოვრებო ტექნიკისა, დამკვეთს უფლება აქვს დამოუკიდებლად შეამოწმოს საქონლის ტექნიკური მახასიათებლები იმ პირის თანდასწრებით, ვინც ახორციელებს მიწოდება ან აფორმებს შეკვეთას. მსხვილი საყოფაცხოვრებო ტექნიკის გადაცემისას შეკვეთის მიმღებს შეუძლია მხოლოდ შეამოწმოს, ხომ არ არის შეფუთვა დაზიანებული და შეუძლია მისი გახსნა გადახდის და მიღების დოკუმენტზე ხელმოწერის შემდეგ. შეკვეთის მიმღებს ესმის და ეთანხმება საგარანტიო მომსახურების დაკარგვის შესაძლებლობას სერვის ცენტრის თანამშრომლების მოსვლამდე მსხვილი საყოფაცხოვრებო ტექნიკის შეფუთვის გახსნის შემთხვევაში.

12.6. შეკვეთის გაცემის პუნქტამდე მიწოდების არჩევის შემთხვევაში, შპს „ABC-Telecom GE“-ს ან მიტანის სერვისის მიწოდებაში ჩართულ მესამე მხარეს უფლება აქვს უარი თქვას მომხმარებლის მიერ საქონლის ტექნიკური მახასიათებლების შემოწმებაზე უშუალოდ საქონლის გაცემის ადგილზე, თუ სერვისი არ ითვალისწინებს ასეთ ოფციას შეკვეთის გაცემის პუნქტისთვის.

12.7. საქონლის შესაბამისობის შემოწმება ხორციელდება მხოლოდ იმ პირის თანდასწრებით, რომელიც ახორციელებს მიწოდებას ან შეკვეთის გაფორმებას.

12.8. მიწოდებისთანავე შეკვეთა გადაეცემა მომხმარებელს ან შეკვეთის მიმღებად მითითებულ პირს. თუ შეუძლებელია ზემოაღნიშნული პირების მიერ ნაღდი ანგარიშსწორებით გაფორმებული შეკვეთის მიღება, შეკვეთა გადაეცემა პირს, რომელიც მზად არის მიაწოდოს ინფორმაცია შეკვეთის შესახებ (გზავნილის ნომერი და/ან მიმღების სრული სახელი), ასევე გადაიხადოს შეკვეთის ღირებულება სრულად.

12.9. შპს „ABC-Telecom GE“ არ იღებს პრეტენზიებს მიწოდების ორგანიზებასთან, საქონლის გარეგნული იერსახის და შეფუთვასთან დაკავშირებით საგარანტიო ტალონის შევსების და მისი მიმწოდებლის წასვლის ან შეკვეთის გადაცემის ადგილიდან გატანის შემდეგ.

12.10. შეკვეთა მომხმარებლისთვის მიწოდებულად ითვლება საქონლის გადაცემისა და მიწოდების დამადასტურებელ თანდართულ დოკუმენტებზე ხელმოწერის მომენტში.

12.11. საქონლის მიმწოდებელს ან გამყიდველს შეკვეთის გაცემის პუნქტში უფლება აქვს  მოითხოვოს მომხმარებლის პირადობის დამადასტურებელი დოკუმენტი და შეკვეთის ნომერი საქონლის ჩაბარებისას.

12.12. საქართველოს ფარგლებს გარეთ საქონლის მიწოდება (ექსპორტი) არ ხორციელდება.

 

 საქონლის მიწოდების ორგანიზებასთან დაკავშირებული მომსახურება

13.1. თითოეული შეკვეთისთვის მომსახურების ღირებულება განისაზღვრება სერვისზე შეკვეთის გაფორმებისას მითითებული ფასების შესაბამისად. მიწოდების დრო მითითებული იქნება სერვისზე შეკვეთის  გაფორმებისას. შპს „ABC-Telecom GE“ იტოვებს უფლებას ცალმხრივად შეცვალოს ვებგვერდზე მითითებული ფასები საკმარისი ობიექტური მიზეზების არსებობის შემთხვევაში. დამკვეთის მიერ მიწოდების მისამართის შეცვლის შემთხვევაში, ადგილზე მიტანის სერვისის ღირებულება არ იცვლება (არ მცირდება). მიწოდების ზონის ცვლილების შემთხვევაში, მიტანის სერვისის ღირებულება, მანძილის გათვალისწინებით, არ იცვლება (სხვაობა არ ბრუნდება).

13.2. თითოეული შეკვეთისთვის მომსახურების ღირებულება განისაზღვრება მომსახურების შეკვეთისას მითითებული ფასების შესაბამისად. შპს ABC-Telecom-ს უფლება აქვს ცალმხრივად შეცვალოს ამ სერვისზე მითითებული ფასები. დამკვეთის მიერ მიწოდების მისამართის შეცვლის შემთხვევაში, ადგილზე მიტანის სერვისის თანხის გადახდა ხორციელდება ღირებულების ხელახალი გაანგარიშებით, მიწოდების ადგილმდებარეობის ან/და მანძილის მიხედვით.

13.3. მომხმარებელი ვალდებულია გადაიხადოს მომსახურებისთვის პირობებით დადგენილი წესით (პირობების 8.1.1, 8.1.2 ან 8.1.3 პუნქტები).

13.4. საქონლის შემთხვევით დაკარგვის ან შემთხვევითი დაზიანების რისკი გადადის მიმღებზე შეკვეთის მისთვის გადაცემის მომენტიდან. თუ საქონელი დაიკარგება მითითებულ მომენტამდე, კლიენტს აუნაზღაურდება წინასწარ გადახდილი საქონლის და მისი მიწოდების ღირებულება გამყიდველისგან ან მიწოდების სამსახურისგან საქონლის დაკარგვის შესახებ დადასტურების მიღების შემდეგ.

13.5. შპს „ABC-Telecom GE“ არ არის პასუხისმგებელი მომსახურების მიწოდების ფარგლებში ნაკისრი ვალდებულებების შეუსრულებლობაზე ან არაჯეროვნად შესრულებაზე ნებისმიერ შემდეგ შემთხვევაში:

თუ ეს გახდა მომხმარებლის მიერ წინამდებარე პირობების შეუსრულებლობის შედეგი;
მომხმარებლის არყოფნის შემთხვევაში (შეკვეთის გაგზავნის დღეს ან მომხმარებელთან (მიმღებთან) შეთანხმებულ სხვა დროს შეკვეთის მიწოდების მისამართზე მის მიერ მითითებული მიმღების არყოფნის შემთხვევაში);
იმ შემთხვევაში, თუ მომხმარებელს (მიმღებს) ვერ დაუკავშირდა შეკვეთის გაფორმებისას მითითებული საკონტაქტო მონაცემების გამოყენებით, შეკვეთის დეტალების და მიწოდების დროის შესათანხმებლად;
თუ ეს გახდა ფორს-მაჟორული გარემოებების შედეგი: სტიქიური უბედურებები, მიმოსვლის შეჩერება, უხვთოვლიანობა, ომი, წყალდიდობა, ხანძარი, მიწისძვრა, კარანტინი, ეპიდემია და სხვა სტიქიური უბედურებები და ნებისმიერი სხვა გარემოება, რომლებზეც დაზარალებულმა მხარეს არ შეეძლო და ვერ მოახდინა გავლენას;
თუ დახურულ ფორმაში მიღებული გზავნილი გაიცა მომხმარებელზე (მიმღებზე) გაგზავნის წესების შესაბამისად და არ აღინიშნება შეფუთვის, ბეჭდების/ლუქების გარე დაზიანებები, რაც შესაძლებელს ხდის საქონელზე გარედან წვდომას.
თუ მომხმარებელმა არ შეასრულა საქონლის გაცემის ადგილზე საქონლის გადასაცემად საჭირო სხვა ოპერაციები საქონლის მიწოდების გარკვეული მეთოდებისთვის სერვისზე მითითებული პროცედურისა და მიწოდების პირობების შესაბამისად.
 

 სხვა პირობები

14.1. მომხმარებელი ადასტურებს, რომ ის არის ქმედუნარიანი და მიაღწია იმ ასაკს, რომელიც აუცილებელია წინამდებარე პირობებით გათვალისწინებული გარიგებების შესასრულებლად, საქართველოს კანონმდებლობის შესაბამისად.

14.2 შეკვეთის მიღებისას, წინასწარი მოთხოვნის შემთხვევაში კლიენტს ეძლევა საგარანტიო ტალონი, რომელზეც გამოსახულია შემდეგი ინფორმაცია:

გარანტიის ძირითადი პირობები
გარანტიის მოქმედების ვადა
სერვის-ცენტრების სახელწოდებები, მისამართები და საკონტაქტო მონაცემები, რომლებიც ახორციელებენ გაყიდული საქონლის ტექნიკურ მომსახურებას და შეკეთებას
მომხმარებლის პრეტენზიების/საჩივრების განხილვის ვადები
მომხმარებლის მიერ მათი შესრულების ყველა ვალდებულება და ვადა
14.3. თუ შპს „ABC-Telecom GE“ აღმოაჩენს მომხმარებლის მიერ ვებგვერდზე მითითებული სერვისით სარგებლობის პირობების დარღვევას, შპს „ABC-Telecom GE“ იტოვებს უფლებას გააუქმოს მომხმარებლის შეკვეთები სერვისზე. ამავდროულად, შპს „ABC-Telecom GE“ დამოუკიდებლად განსაზღვრავს მომხმარებლის ქმედებების უკანონოდ ან/და წინამდებარე წესების დამრღვევად აღიარების მეთოდებსა და საფუძვლებს და აქვს უფლება არ გაუმჟღავნოს ეს ინფორმაცია მესამე პირებს.

14.4. შპს „ABC-Telecom GE“ არ არის პასუხისმგებელი:

14.4.1. საიტის ფუნქციონირების დროებითი შეფერხებებზე და გაუმართაობებზე და მათ მიერ გამოწვეული ინფორმაციის დაკარგვაზე, აგრეთვე ინფორმაციის უსაფრთხოებაზე, მისი გადაცემისა და მიწოდების სისწორეზე და დროულობაზე, გარდა პერსონალურ მონაცემებთან დაკავშირებით საქართველოს კანონმდებლობით გათვალისწინებული შემთხვევებისა.

14.2.2. ვებგვერდის სანდოობაზე, ხარისხზე და სიჩქარეზე და მომხმარებლის მიერ შექმნილი, გამოყენებული და მიღებული ინფორმაციის უსაფრთხოებაზე, გარდა პერსონალურ მონაცემებთან დაკავშირებით საქართველოს კანონმდებლობით გათვალისწინებული შემთხვევებისა.

 

შეგიძლიათ დაგვიკავშირდეთ შემდეგი საშუალებებით:

ელ.ფოსტა: [email protected]

ტელეფონი: *6060.