დაბრუნების პოლიტიკა

წინამდებარე წესებში გამოყენებულ ტერმინებს აქვთ შემდეგი მნიშვნელობა:

შპს „ABC-Telecom GE“ ან/და კომპანია/გამყიდველი/მოვაჭრე - შეზღუდული პასუხისმგებლობის საზოგადოება „ABC-Telecom GE“ (ს/კ: 405485915, მისამართი: თბილისი, ცენტრალური რკინიგზის სადგური, სადგურის მოედანი №2,  სავაჭრო ცენტრი Tbilisi Central; ცხელი ხაზი: *6060).

ვებგვერდი – შპს „ABC-Telecom GE“-ის კუთვნილი მაღაზიათა ქსელის «Kontakt Home»-ის ვებ-გვერდი www.kontakt.ge

საქონლის დაბრუნება

ვებგვერდი მუშაობს „მომხმარებლის უფლებების დაცვის“ კანონთან მკაცრ შესაბამისობაში.  „მომხმარებელის უფლებების დაცვის შესახებ“ კანონის მე-13-მე-14 მუხლების თანახმად საიტზე შეძენილი საქონლის დაბრუნება შეგიძლიათ უპირობოდ საქონლის ფიზიკურად მიღების დღიდან 14 დღის განმავლობაში.

ნივთის ფაქტობრივად მიღებიდან 14 დღის გასვლის შემდომ მომხმარებელი კარგავს ნივთის უკან უპირობოთ დაბრუნების უფლებას.

ხელშეკრულებაზე უარის თქმის შემთხვევაში მომხმარებელი ვალდებულია მოვაჭრეს ან მის მიერ განსაზღვრულ მესამე პირს დაუბრუნოს საქონელი ხელშეკრულებაზე უარის თქმის შესახებ შეტყობინების გაგზავნის შემდეგ დაუყოვნებლივ, მაგრამ არაუგვიანეს 7 კალენდარული დღისა, გარდა იმ შემთხვევისა, როდესაც მოვაჭრემ თავად იკისრა საქონლის უკან წაღება.

ხელშეკრულებაზე უარის თქმის შემთხვევაში მოვაჭრე ვალდებულია მომხმარებელს გადახდილი თანხა, აგრეთვე არსებობის შემთხვევაში − მიწოდების ხარჯის ასანაზღაურებლად გადახდილი თანხა დაუბრუნოს სრულად, გაჭიანურების გარეშე, ხელშეკრულებაზე უარის თქმის შესახებ შეტყობინების მიღებიდან არაუგვიანეს 14 კალენდარული დღისა.

მომხმარებელი ვალდებულია გასწიოს უკან დაბრუნების ხარჯი.

უპირობოდ დაბრუნების უფლება არ ვრცელდება 30 ლარამდე ღირებულების პროდუქციაზე.

თუ საქონლის გამოყენება მოხდა მომხმარებლის მიერ იმაზე მეტად რაც არ გულისხმობს საქონლის ბუნების და მახასიათებლების დადგენას საქონლის ღირებულება შემცირდება. წარმოშობილი სხვაობის დაფარვა დაეკისრება მომხმარებელს.

ნასყიდობის ხელშეკრულებაზე უარის თქმის შემთხვევაში მოვაჭრეს უფლება აქვს, უარი თქვას თანხის დაბრუნებაზე მანამ, სანამ საქონელს არ დაიბრუნებს ან მომხმარებლისგან არ მიიღებს საქონლის გაგზავნის დამადასტურებელ დოკუმენტს, იმის მიხედვით, რომელიც უფრო ადრე განხორციელდება, გარდა იმ შემთხვევისა, როდესაც მოვაჭრემ თავად იკისრა საქონლის უკან წაღება.

წინამდებარე წესი ასევე ეხება მაღაზიაში ადგილზე შეძენილ საქონელს (მაღაზიაში შეძენილ საქონელზე დაბრუნების ფორმის შევსება სავალდებულო არ არის).

დასაბრუნებული საქონელი უნდა იყოს წარმოდგენილი სრული კომპლექტაციით, თავდაპირველ შეფუთვაში (არ იგულისხმება შეფუთვის გახსნა), საქონელთან ერთად წარმოდგენილი უნდა იყოს შევსებული საგარანტიო ბარათი  გადახდის ქვითართან ერთად.

დაბრუნებულ საქონელს არ უნდა ჰქონდეს:

1) არასანქცირებული შეკეთების კვალი.

2) ფიზიკური დაზიანება.

საქონელი ექვემდებარება დაბრუნებას, გარდა შემდეგი შემთხვევებისა:

მიწოდებული საქონელი დამზადებულია მომხმარებლის სპეციფიკაციების შესაბამისად ან აშკარად პერსონალიზირებულია;
მიწოდებული საქონელი მალფუჭადია ან მას მოკლე ვარგისიანობის ვადა აქვს;
მიწოდებულია ჰერმეტულად დაცული საქონელი, რომლის ჰერმეტულობაც მიწოდების შემდეგ დაირღვა და ამდენად, მისი დაბრუნება შეუძლებელია ჯანმრთელობის ან ჰიგიენური ნორმების დაცვის გამო;
მიწოდებულია საქონელი, რომელიც მიწოდების შემდეგ, მისი მახასიათებლების შესაბამისად, განუყოფლად შეერწყა სხვა საქონელს;
მიწოდებულ იქნა დალუქული აუდიო ან ვიდეო ჩანაწერის ან პროგრამული უზრუნველყოფა, რომლის ლუქიც მიწოდების შემდეგ დაირღვა.
 დაბრუნების გაფორმების პროცედურა

საქონლის დასაბრუნებლად მომხმარებელმა უნდა შეავსოს ფორმა, რომელშიც უნდა მიუთითოს:

1- შეძენის თარიღი

2- შეკვეთის ნომერი

3 - სახელი, გვარი

4- პირადი ნომერი

5 - საკონტაქტო ტელეფონი

6- დასაბრუნებელი პროდუქტი

7- ერთეულების რაოდენობა

8- პროდუქტის ფასი

9- დაბრუნების მიზეზი (არ არის სავალდებულო)

10- დეფექტის/ნაკლის შემთხვევაში მიუთითეთ დეფექტი/ნაკლი (არ არის სავალდებულო)

11 - მომხმარებლის ხელმოწერა (თუ ფორმა ქაღალდზეა შევსებული)

შევსებული დაბრუნების ფორმა უნდა გაიგზავნოთ (ელექტრონულ) ფოსტაზე: [email protected] ან Facebook-ის ოფიციალურ გვერდზე გაგზავნილ შეტყობინებაში.

მყიდველს ასევე შეუძლია მითითებული მოთხოვნით დარეკოს ცხელ ხაზზე *6060 და აცნობოს საქონლის დაბრუნების განზრახვის შესახებ. მას შეუძლია ოპერატორის ინსტრუქციის შესაბამისად მივიდეს „Kontakt-ის“ ნებისმიერ მაღაზიაში და მაღაზიაში კონსულტანტს აცნობოს თავისი განზრახვის  შესახებ. მყიდველის მიერ საქონელზე გადახდილი თანხის დაბრუნება ხდება მაღაზიაში ტექნიკური ექსპერტის მიერ საქონლის შეფასების შემდეგ. თუ ადგილზე ექსპერტიზა ვერ განხორციელდება, საქონელი იგზავნება სერვის-ცენტრში საექსპერტო შეფასებისთვის. მას შემდეგ რაც დადგინდება, რომ მომხმარებლის მიერ დაბრუნებული პროდუქტი(ები) აკმაყოფილებს ყველა ზემოთ ჩამოთვლილ დაბრუნების პირობას, მყიდველს სრულად აუნაზღაურდება მათი ღირებულება, ტრანსპორტირების ხარჯების ჩათვლით, გარდა იმ დამატებითი ხარჯის ასანაზღაურებლად გადახდილი თანხისა, რომელიც დაკავშირებულია მომხმარებლის მიერ არასტანდარტული ან კომპანიის მიერ შეთავაზებული მიწოდების მომსახურებაზე უფრო ძვირი მიწოდების მომსახურების არჩევასთან.

თანხის დაბრუნება განხორციელდება იმავე გადახდის მეთოდის გამოყენებით, რომელიც მყიდველმა გამოიყენა დაბრუნებული საქონლის შესაძენად, გარდა იმ შემთხვევისა, როდესაც მომხმარებელმა მკაფიოდ შეათანხმა გადახდის სხვა მეთოდის გამოყენება. იმ შემთხვევაში თუ შეკვეთის ფორმაში შეტანილი საქონლის მიმღები და პირი, რომელმაც გადაიხადა ამ საქონლის ღირებულება ორი განსხვავებული პირია, მაშინ თანხა დაუბრუნდება გადამხდელს.

თუ ჩვენი მხრიდან არ იქნება შემოთავაზებული საქონლის დამოუკიდებლად წამოღება, მომხმარებელმა უნდა გამოაგზავნოს საქონელი ან გადმოგვცეს ჩვენ ან პირს, რომელიც ჩვენ მიერ უფლებამოსილია  საქონლის მიღებაზე, ზედმეტი შეფერხების გარეშე და ნებისმიერ შემთხვევაში თქვენ მიერ ხელშეკრულებიდან გასვლის შესახებ შეტყობინების დღიდან არაუგვიანეს 7 დღის განმავლობაში.

მომხმარებელს ეკისრება მხოლოდ საქონლის დაბრუნების პირდაპირი ხარჯები, გარდა იმ შემთხვევისა, როდესაც ჩვენ შევთანხმდით ვიკისროთ ეს ხარჯები ან არ ვაცნობეთ მომხმარებელს, რომ მან უნდა იკისროს ისინი.

მომხმარებელი პასუხისმგებელია საქონელისადმი არასათანადო მოპყრობის შედეგად საქონლის ღირებულების ნებისმიერ შემცირებაზე, გარდა იმ შემთხვევისა, როდესაც საქონლის ღირებულება შემცირდა ისეთი სარგებლობის შედეგად, რომელიც დაკავშირებულია საქონლის ბუნების, მახასიათებლებისა და ფუნქციონირების დადგენასთან.

ხელშეკრულების შეწყვეტის შემთხვევაში მომხმარებელმა თავი უნდა შეიკავოს პროგრამული უზრუნველყოფის ან ციფრული სერვისით სარგებლობისა და მესამე პირებისთვის მათი მიწოდებისგან.

თუ მომხმარებელი სარგებლობს მომსახურების ხელშეკრულებიდან გასვლის უფლებით მომსახურების მიღების შემდეგ, მან უნდა გადაუხადოს კომპანიას იმ მომსახურების პროპორციული თანხა, რაც იყო გაწეული იმ მომენტამდე, სანამ მომხმარებელი აცნობებდა კომპანიას ხელშეკრულებიდან გასვლის შესახებ. მომხმარებლის მიერ კომპანიისთვის გადასახდელი პროპორციული თანხა გამოითვლება ხელშეკრულებაში შეთანხმებული ჯამური ფასის საფუძველზე.

კომპანია არ არის ვალდებული აანაზღაუროს დამატებითი ხარჯები, თუ მომხმარებელმა აირჩია მიწოდების სხვა ფორმა, გარდა კომპანიის მიერ შემოთავაზებული ყველაზე იაფი ტიპის მიწოდებისა.

თუ კომპანიამ თავად არ შემოგთავაზათ საქონლის დამოუკიდებლად წაღება, მაშინ ნასყიდობის ხელშეკრულებებთან მიმართებით, კომპანიას შეუძლია შეაჩეროს თანხის ანაზღაურება საქონლის დაბრუნებამდე მანან სანამ მომხმარებელი არ წარადგენს მტკიცებულებას, რომ მან საქონელი უკან გამოაგზავნა, იმისდა მიხედვით თუ რომელი გარემოება დადგება უფრე ადრე.

ხელშეკრულების შეწყვეტის შემთხვევაში, კომპანიამ შეიძლება ხელი შეუშალოს მომხმარებელს პროგრამული უზრუნველყოფის ან ციფრული სერვისის გამოყენების გაგრძელებაში, კერძოდ პროგრამული უზრუნველყოფა ან ციფრული სერვისი გახადოს მომხმარებლისთვის მიუწვდომელი მომხმარებლის ანგარიშის გაუქმების/დეაქტივაციის გზით.

მომსახურების ღირებულება არ დაბრუნდება მომსახურების სრულად შესრულების შემდეგ, თუ შესრულება დაიწყო მომხმარებლის წინასწარი თანხმობით და იმის ცოდნით, რომ იგი დაკარგავს უარის თქმის უფლებას გამყიდველის მიერ ხელშეკრულების სრულად შესრულების შემდეგ. თუ მომსახურება უკვე გაწეულია, შესაძლოა მოთხოვნილ იქნას მხოლოდ პროდუქტის დაბრუნება და არა მომსახურების.

დამატებითი პირობები:

თუ პროდუქტი შეძენილია უნაღდო ანგარიშსწორებით, მაღაზია უგზავნის დაბრუნების მოთხოვნას ბანკს, რომლის კლიენტიც არის მყიდველი. თანხას მოვჭრე აბრუნებს 14 კალენდარული დღის განმავლობაში.

თუ თქვენ გაქვთ რაიმე შეკითხვა დაბრუნებისა და გაცვლის პირობებთან დაკავშირებით, შეგიძლიათ დაგვიკავშირდეთ Live Chat-ის, სოციალური ქსელების, *6060 ცხელი ხაზის მეშვეობით, ან მოგვწერეთ ოფილიალურ Facebook გვერდზე ბმული.

თანხის დაბრუნება განხორციელდება იმავე გადახდის მეთოდის გამოყენებით, რომელიც მყიდველმა გამოიყენა დაბრუნებული პროდუქტების შესაძენად, გარდა იმ შემთხვევისა, როდესაც მომხმარებელმა მკაფიოდ შეათანხმა გამყიდველთან გადახდის სხვა მეთოდის გამოყენება, იმ პირობით, რომ მომხმარებელს არ დაეკისრება დამატებითი ხარჯები თანხის დაბრუნების შედეგად. იმ შემთხვევაში, თუ შეკვეთის ფორმაში შეტანილი საქონლის მიმღები და პირი,  ვინც გადაიხადა ამ საქონელის ღირებულება, არის ორი განსხვავებული პირი და გამოიყენება ხელშეკრულების შეწყვეტის უფლება, თანხა დაუბრუნდება გადამხდელს.