უთო
- You're currently reading page 1
- Page 2
- Page 3
- Page ძიება
როგორ შევარჩიოთ საუკეთესო უთო სახლისთვის
დაუთოება ბევრი ადამიანისთვის დამღლელი და მოსაწყენი საქმიანობაა, მეტიც ზოგჯერ ისეთ ტანსაცმელს ანიჭებენ უპირატესობას, რომელიც ძირითადად არ საჭიროებს დაუთოებას. მაგრამ რეალურად, თუ სწორ უთოს შეარჩევთ, ეს პროცესი ბევრად მარტივი, სწრაფი და კომფორტულია. პირველ რიგში უთო უნდა იყოს მძლავრი, გამძლე და, რაც მთავარია, არ უნდა აზიანებდეს ტანსაცმელს.
კონტაქტ ჰოუმში ჩვენ დაგეხმარებით საუკეთესო არჩევანის გაკეთებაში, რომელიც წლების განმავლობაში ერთგულად მოგემსახურებათ.
რას უნდა მივაქციოთ ყურადღება უთოს ყიდვისას?
ყველა უთო ერთმანეთისგან განსხვავდება. იმისთვის, რომ თქვენთვის საუკეთესო მოდელი იპოვოთ, ყურადღება უნდა მიაქციოთ ამ სამ ძირითად მახასიათებელს:
1. სიმძლავრე
სიმძლავრე (ვატებში) განსაზღვრავს, თუ რამდენად სწრაფად ცხელდება უთო. ეძებეთ მოდელი, რომლის სიმძლავრეც 2000 ვატი ან მეტია. ეს მინიმუმია, რომ უთო სწრაფად გაცხელდეს და მძიმე ქსოვილებსაც ადვილად გაუმკლავდეს.
უფრო კომფორტულობისთვის დააკვირდით სახელურის ფორმასა და სიმსუბუქეს, სადენის სიგრძეს, რომელიც სასურველია მინიმუმ 1.8 - 2 მეტრი იყოს, და, რაც ყველაზე მთავარია, ავტოგამორთვის ფუნქციას, უსაფრთხოებისა და ენერგიის დაზოგვისთვის.
2. უთოს ძირი - რომელი მასალაა საუკეთესო?
იქედან გამომდინარე, რომ ძირი უშუალოდ ტანსაცმელს ეხება აუცილებლად უნდა იყოს გლუვი, რათა არ დააზიანოს. აირჩიეთ უთო, რომლის ძირიც დამზადებულია ამ სამი მასალისგან:
- კერამიკა: ყველაზე მოთხოვნადი და კარგი არჩევანია. ის თანაბრად ცხელდება, თუმცა ადვილად იკაწრება.
- უჟანგავი ფოლადი: გამოირჩევა გამძლეობით. თუ უთოს ხშირად იყენებთ და არ გინდათ, რომ ძირი დაიკაწროს, ეს საუკეთესო ვარიანტია.
- ტეფლონი: იდეალურია თხელი ქსოვილებისთვის. არ ეწებება, მაგრამ ნაკლებად გამძლეა.
გაითვალისწინეთ, რომ ტეფლონისა და ალუმინის ძირი შედარებით სწრაფად ზიანდება.
3. ორთქლის სიმძლავრე და ფუნქციები
ორთქლის რაოდენობა და წნევა ერთ-ერთი მთავარი ფაქტორია, რომელიც განსაზღვრავს, რამდენად მარტივად გასწორდება ქსოვილი.
უმჯობესია შეარჩიოთ უთო, რომლის ორთქლის გამომუშავება 35–50 გ/წთ-ზეა, ასევე აქვს ორთქლის გაძლიერების რეჟიმი და ფუნქცია ვერტიკალური ორთქლით დაუთოებისთვის, ეს განსაკუთრებით მოსახერხებელია ფარდებისა და პიჯაკების შემთხვევაში.
გარდა ამისა, დააკვირდით, რომ უთოს ჰქონდეს თვითწმენდის სისტემა და წვეთების საწინააღმდეგო მექანიზმი.
როგორ გავწმინდოთ უთო? (ნადებისა და ნამწვავის მოცილება)
დროთა განმავლობაში უთოში ნადები გროვდება, ხოლო ძირზე ნამწვავი. ეს უთოს მუშაობას აფერხებს. გიზიარებთ რამდენიმე მარტივ ხერხს:
1. უთოს ძირის გაწმენდა (ნამწვავისგან)
პარაცეტამოლით: გააცხელეთ უთო მაქსიმუმზე. პინცეტის საშუალებით აიღეთ პარაცეტამოლის ტაბლეტი და სწრაფად გაუსვით დამწვარ ადგილს. დააყოვნეთ რამდენიმე წუთი და ჩამოწმინდეთ ნესტიანი ნაჭრით.
სოდით: შეურიეთ სოდა და ცოტა წყალი ერთმანეთს, დაიტანეთ ცივ უთოს ძირზე, დააყოვნეთ რამდენიმე წუთი და გაწმინდეთ.
2. წყლის რეზერვუარის გაწმენდა (ნადებისგან):
შეურიეთ წყალი და თეთრი ძმარი (1:1) ერთმანეთს, ჩაასხით რეზერვუარში და ჩართეთ უთო ორთქლის მაქსიმალურ რეჟიმზე. რამდენჯერმე დააჭირეთ ორთქლის დარტყმას, სანამ ხსნარი არ ამოიწურება. ძმარი ნადებს დაშლის და ორთქლის ხვრელებს გაწმენდს.
რა უპირატესობები აქვს ორთქლის უთოს და ჩაანაცვლებს თუ არა ჩვეულებრივს?
ორთქლის უთო შესანიშნავი გამოსავალია მაშინ, როცა ცოტა დრო გაქვთ და ტანსაცმელი, ფარდები ან გადასაფარებლები გაქვთ გასასწორებელი. ის სულ რამდენიმე წამში ცხელდება და საუთოო მაგიდაც კი აღარ გჭირდებათ. ასევე ორთქლის უთოთი თითქმის ყველა ტიპის ქსოვილის გაუთოებაა შესაძლებელი. ჩვეულებრივი უთოსგან განსხვავებით, ის არ წვავს ქსოვილს, რადგან უშუალოდ არ ეხება.
მისი კომპაქტური ზომისა და მსუბუქი წონის გამო განსაკუთრებით კომფორტულია მოგზაურობისას.
ამასთან, ორთქლის უთო არა მხოლოდ ტანსაცმლის გასასწორებლად, არამედ რბილი ავეჯის, სათამაშოების, ხალიჩებისა და ლეიბების დეზინფექციისთვისაც გამოიყენება. ბევრ მოდელს სპეციალური ჯაგრისიც მოჰყვება, რომელიც ზედაპირიდან მარტივად აშორებს ბუსუსებსა და ცხოველის ბეწვს.
თუმცა უნდა იცოდეთ, რომ ორთქლის უთო ვერ ჩაანაცვლებს ტრადიციულ უთოს. ის უფრო სწრაფი გამოსავალია მცირე ნაკეცების გასასწორებლად ან ერთი-ორი სამოსის გასაუთოებლად. ძლიერ დაჭმუჭნილ ქსოვილს კი მხოლოდ ტრადიციული უთო გაუმკლავდება, რადგან ფართო ძირი და მეტი წონა უკეთეს შედეგს იძლევა.
რომელი ბრენდის თმის უთოა საუკეთესო?
საოჯახო ტექნიკის გარდა, ბევრ ადამიანს აინტერესებს თუ როგორ შეარჩიონ საუკეთესო თმის უთო, რომელიც თმას არ დააზიანებს.
აქ მნიშვნელოვანია ყურადღება მივაქციოთ ფირფიტებს, ეძებეთ კერამიკული, ტურმალინის ან ტიტანის ფირფიტები. ეს მასალები თანაბრად აცხელებენ და არ წვავენ თმას.
დაისონის (Dyson) თმის უთო თუ რემინგტონის (Remington), რომელია უკეთესი?
ორივე გამორჩეული ბრენდია, რომლებიც ხარისხითა და ინოვაციური ტექნოლოგიებით ლიდერობენ თმის მოვლის სფეროში.
დაისონის თმის უთო (Dyson Corrale) ცნობილია უსაფრთხოებისა და ეფექტურობის იდეალური ბალანსით. მისი ფირფიტები საშუალებას იძლევა თმა ნაკლები სითბოთი გასწორდეს და ამით დაზიანება მინიმუმამდე შემცირდეს. მეორეს მხრივ, რემინგტონის თმის უთოები გამოირჩევა მაღალი ხარისხითა და ხელმისაწვდომი ფასით. ბრენდის თანამედროვე მოდელები სპეციალურად შექმნილია თმის მოვლისთვის, ისინი ხშირად ატენიანებენ თმასა და იცავენ გადახურებისგან, რაც ყოველდღიური გამოყენებისთვის იდეალური, უსაფრთხო და კონფორტული არჩევანია.
შეიძინეთ ნებისმიერი უთო Kontakt.ge-ზე საუკეთესო პირობებით
ჩვენ გთავაზობთ სწრაფ, კომფორტულ და სანდო სერვისს.
ჩვენი მთავარი უპირატესობებია:
- სწრაფი მომსახურება და კონსულტაცია: ჩვენი კვალიფიციური სპეციალისტები დაგეხმარებიან ისეთი უთოს შერჩევაში, რომელიც თქვენს საჭიროებებს იდეალურად მოერგება.
- ოფიციალური გარანტია: ყველა პროდუქტზე ვრცელდება მწარმოებლის ოფიციალური გარანტია.
- შიდა უპროცენტო განვადება: თუ არ გსურთ თანხის ერთდროულად გადახდა, Kontakt.ge გთავაზობთ შიდა განვადების სისტემას, რომელიც უკონკურენტოა ქართულ ბაზარზე. განვადებით სარგებლობა შეუძლია საქართველოს ყველა მოქალაქეს 18 წლის ასაკიდან. ჩვენი შიდა განვადება სრულიად უპროცენტოა და შესაძლებელია 18 თვემდე ვადით.
- უსწრაფესი მიწოდების სერვისი მთელი საქართველოს მასშტაბით: თუ თქვენ მიერ შეძენილი ნივთის ღირებულება 100 ლარს აღემატება, ამ ნივთს თბილისსა და ბათუმში 2-3 სამუშაო დღეში სრულიად უფასოდ მოგიტანთ. საქართველოს სხვა რეგიონებში მიწოდებას 4-7 სამუშაო დღე სჭირდება, ხოლო რეგიონების შემთხვევაში ტრანსპორტირების ღირებულება დამოკიდებულია ნივთის პარამეტრებზე (ზომა, წონა).
შეიძინეთ თანამედროვე უთო საუკეთესო პირობებით Kontakt.ge -ზე და გახადეთ დაუთოება ბევრად უფრო კომფორტული და სასიამოვნო!