ეკრანის დამცავები
- You're currently reading page 1
- Page 2
- Page 3
- Page ძიება
რატომ არის აუცილებელი ეკრანის ბრონი ტელეფონისთვის?
ეკრანის დამცავი ( ბრონი ) აუცილებელი აქსესუარია ნებისმიერი სმარტფონისთვის. ბევრმა შეიძლება იფიქროს, რომ თანამედროვე ტელეფონების ეკრანები საკმარისად გამძლეა და ბრონი საჭირო არ არის, რაც აბსურდია. ეკრანის შეკეთება საშუალოდ 150-დან 800 ლარამდე ღირს, ხოლო ხარისხიანი ეკრანის დამცავი 15-50 ლარი დაგიჯდებათ და უფრო მშვიდად იქნებით.
როგორ შევარჩიო ეკრანის დამცავი სწორად?
ეკრანის დამცავები სამი ძირითადი ტიპისაა: ჰიდროგელის, მინის და უდრეკადი მინის (tempered glass). თითოეულს თავისი უპირატესობები და ნაკლოვანებები აქვს.
ჰიდროგელის დამცავები ბოლო წლებში პოპულარული გახდა. მათზე მცირე ნაკაწრები თავად ქრება დროთა განმავლობაში. თუმცა ძლიერ დარტყმებს ჰიდროგელი ვერ უძლებს და ტელეფონის ეკრანი მაინც შეიძლება დაზიანდეს.
უდრეკადი მინის ბრონები კი პირიქით, მაქსიმალურად იცავენ ეკრანს დაზიანებისგან.
რა განსხვავებაა 15 ლარიან და 45 ლარიან ეკრანის დამცავ ბრონს შორის?
ბევრი თვლის, რომ ყველა ეკრანის დამცავები ერთნაირია და ფასის განსხვავება მხოლოდ მარკეტინგია.
იაფ ვარიანტებში ხშირად მინა თხელია და ადვილად იტყდება. გარდა ამისა, ისინი არაზუსტად არის ამოჭრილი და არ ფარავს ეკრანს სრულად, კიდეებში ჰაერის ბუშტები რჩება. ასეთმა დამცავებმა შეიძლება სენსორზეც უარყოფითად იმოქმედოს და ტელეფონი ნელა რეაგირებდეს შეხებაზე.
პრემიუმ კლასის ეკრანის დამცავები უფრო სქელია, მყარი მინისგან მზადდება და ზუსტად ემთხვევა თქვენი ტელეფონის ეკრანს. ხარისხიან მოდელებს ხშირად ოლეოფობული დაფარვაც აქვს (ცხიმის საწინააღმდეგო), რომელიც თითის ანაბეჭდებს არ აძლევს ეკრანზე დარჩენის საშუალებას, ადვილად იწმინდება და ეკრანი მუდმივად გლუვი რჩება.
iPhone-ის ეკრანის დამცავი - რატომ სჭირდება განსაკუთრებული ყურადღება?
თანამედროვე iPhone მოდელებს, განსაკუთრებით Pro და Pro Max ვერსიებს, Dynamic Island ან Face ID სისტემა აქვს, რაც მოითხოვს ზუსტ ზომებს, ჭრებს ეკრანის დამცავში.
დაბალი ხარისხის ეკრანის დამცავმა შეიძლება სენსორები დაბლოკოს და Face ID-მა აღარ იმუშაოს.
ყიდვისას აუცილებლად დარწმუნდით, რომ ეკრანის დამცავი თქვენი iPhone-ის კონკრეტული მოდელისთვისაა შექმნილი. iPhone 17-ის დამცავი არ მოერგება iPhone 17 Pro-ს, რადგან განსხვავებული ეკრანის ზომები და კამერის კონფიგურაცია აქვს.
როგორ დავაყენოთ ეკრანის დამცავი ბუშტების გარეშე?
ალბათ ყველას გამოუვლია ეს სიტუაცია: ეკრანის დამცავს დებ და გამოდის კატასტროფა: ბუშტები, მტვერი, არაზუსტად დგას. პროფესიონალურად დაყენება სულაც არ არის რთული, თუ რამდენიმე მარტივ წესს დაიცავთ.
პირველ რიგში სუფთა გარემო გჭირდებათ. ნამდვილად არ გირჩევთ გარეთ ან ფანჯრის გვერდით (მტვერის გამო).
ეკრანი კარგად გაწმინდეთ. ხშირად ბრონს ნაჭერი მოყვება, გამოიყენეთ ის. თუ არ გაქვთ, სპირტის პატარა ოდენობა დაასხით რბილ ნაჭერზე და ფრთხილად გაწმინდეთ. აუცილებლად დაელოდეთ, სანამ სპირტი მთლიანად არ აორთქლდება.
შემდეგ ერთი ხელით ფრთხილად მოაძვრეთ დამცავი ფენა ერთი კუთხიდან და დაიწყეთ დაყენება. თუ ბუშტი დარჩა, უბრალოდ პლასტიკური ბარათი ნელ-ნელა გაუსვით ცენტრიდან კიდეებისკენ.
აზიანებს თუ არა გატეხილი ბრონი ტელეფონის ეკრანს?
დიახ, გატეხილი დამცავი დაუყოვნებლივ უნდა შეცვალოთ, რადგან შესაძლოა დააზიანოს ტელეფონის ეკრანი და სენსორი.
ხშირად უნდა შევცვალო ეკრანის დამცავი?
დამოკიდებულია ხარისხზე და გამოყენებაზე. ხარისხიანი უდრეკადი მინის დამცავი 1-2 წელი ძლებს ჩვეულებრივ გამოყენებაში. თუ დაინახეთ ნაკაწრები, ან კიდეებში ჰაერი შეეპარა, დროა შეცვლა. ჰიდროგელის დამცავები უფრო სწრაფად ცვდება და 6-12 თვეში უმჯობესია, რომ შეცვალოთ.
აზიანებს თუ არა ეკრანის დამცავი სენსორის მგრძნობელობას?
ხარისხიანი ეკრანის დამცავი არ აზიანებს სენსორს. პირიქით, თანამედროვე უდრეკადი მინის დამცავები ისეა შექმნილი, რომ სენსორის მგრძნობელობა სრულიად შენარჩუნდეს. თუმცა დაბალი ხარისხის ან არასწორად დამაგრებულმა დამცავმა შეიძლება სენსორზე უარყოფითად იმოქმედოს.
Kontakt.ge - მრავალფეროვანი არჩევანი და საუკეთესო პირობები
ჩვენი ასორტიმენტი მოიცავს ეკრანის დამცავებს ყველა პოპულარული ბრენდისთვის: iPhone, Samsung, Xiaomi, Huawei და სხვა. გთავაზობთ როგორც ბიუჯეტურ ვარიანტებს, ასევე პრემიუმ კლასის დამცავ ბრონს უმაღლესი ხარისხით.
ჩვენთან შეძენისას თქვენ იღებთ ინდივიდუალურ კონსულტაციას - ჩვენი სპეციალისტები დაგეხმარებიან თქვენი მოწყობილობისთვის იდეალური დამცავის შერჩევაში. გთავაზობთ ოფიციალურ გარანტიას, საუკეთესო ფასებს და უსწრაფესი მიწოდების სერვისს მთელი საქართველოს მასშტაბით.
გარდა ეკრანის დამცავებისა, Kontakt.ge-ზე ხელმისაწვდომია ტელეფონის ქეისები, უსადენო დამტენები, ყურსასმენები და წვრილი საყოფაცხოვრებო ტექნიკის ფართო არჩევანი
ეწვიეთ Kontakt.ge-ს და შეიძინეთ იდეალური ეკრანის დამცავი ონლაინ, საუკეთესო პირობებით!