ქეისები
- You're currently reading page 1
- Page 2
- Page ძიება
რატომ არის აუცილებელი ტელეფონისთვის ქეისი?
ჩვენი ტელეფონი თუ სხვა მოწყობილობა (ყურსასმენები, ლეპტოპები, აიპადები) მუდმივად რისკის ქვეშაა: ვარდნა, ნაკაწრები, მტვერი თუ სითხე. სწორედ ამიტომ, ქეისი ერთ-ერთი აუცილებელია აქსესუარია, რაც მათ იცავს გაუთვალისწინებელი შემთხვევებისგან.
ბაზარი სავსეა მილიონი განსხვავებული ვარიანტით, შეხვდებით, როგორც ბიუჯეტურ მოდელებს (ჩვეულებრივ სილიკონის ქეისებს) ასევე ძვირადღირებულსაც, რომლებსაც სპეციალური დამცავი სისტემები აქვს. ალბათ გაინტერესებთ, რომელია თქვენი მოწყობილობისთვის საუკეთესო? ამ სტატიაში გაგაცნობთ თითოეულ დეტალს, რაც უნდა იცოდეთ ქეისების შესახებ.
რა მახასიათებლებს უნდა დავაკვირდეთ ტელეფონის ქეისის შეძენისას?
1.ეკრანის დაცვის დონე
ყველაზე მნიშვნელოვანია, რომ ქეისს ჰქონდეს ამაღლებული კიდეები როგორც წინ, ისე უკანა მხარეს. ეს სიმაღლე მინიმუმ 1-2 მილიმეტრი უნდა იყოს, რათა ეკრანი არ შეეხოს ზედაპირს და არ დაიკაწროს.
იგივე ეხება უკანა მხარეს, კამერის მოდული თანამედროვე ტელეფონებში ადვილად ზიანდება, ქეისმა ეს ნაწილი უნდა დაფაროს ან უნდა ჰქონდეს ბამპერი მის გარშემო.
2. რომელი მასალის არის საუკეთესო: სილიკონი, პლასტმასი, ტყავი თუ სხვა?
ტელეფონის ქეისები სხვადასხვა მასალისგან მზადდება, რომელთაგან თითოეულს თავისი დადებითი და უარყოფითი მხარე აქვს. მაგალითად, სილიკონი ან TPU საუკეთესოა კომფორტულობის კუთხით, არ სრიალებს და იაფია. თუმცა, დროთა განმავლობაში შესაძლოა გაყვითლდეს ან გაიცრიცოს. მეორე მხრივ, პოლიკარბონატი მსუბუქი და გამძლეა ნაკაწრების მიმართ, მაგრამ დაცემისას შეიძლება გატყდეს. მათთვის, ვისთვისაც ვიზუალი მნიშვნელოვანია, ტყავის ქეისები იდეალური არჩევანია, თუმცა ისინი ნაკლებად იცავს ვარდნისგან და უფრო ძვირია. ყველაზე ძლიერი დაცვისთვის კი ლითონისა და ალუმინის ვარიანტებია.
3. ფუნქციონალური დიზაინი
თანამედროვე მობილურის ჩასადები ხშირად დამატებით ფუნქციებს გვთავაზობს. ბევრი მომხმარებელი ირჩევს ქეისებს ამოსაწევი სადგამით (Kickstand), რაც იდეალურია ფილმების ყურების ან ვიდეო ზარებისას. ასევე პოპულარულია მობილურის ჩასადებები საფულის ფუნქციით (Wallet Cases). აღსანიშნავია ისიც, რომ Iphone ქეისების ან Samsung ქეისების უმრავლესობა უკვე იწარმოება ჩაშენებული მაგნიტური სისტემით (მაგ. MagSafe), რაც აადვილებს უსადენო დამტენებთან და სხვა აქსესუარებთან დაკავშირებას.
4. ზუსტი თავსებადობა
ყოველთვის დარწმუნდით, რომ ყიდულობთ ქეისს თქვენი ტელეფონის მოდელის მიხედვით. მაგალითად, iPhone-ის ქეისები ერთმანეთისგან განსხვავდება, ასევეა Samsung ქეისების და სხვა ბრენდების შემთხვევაშიც. Iphone 17-ის ქეისი არ მოერგება Iphone 17 pro-ს განსხვავებული ზომების გამო.
როგორ მოვაშოროთ სიყვითლე სილიკონის ქეისს?
ალბათ, ყველას, ვისაც გამჭვირვალე სილიკონის ქეისები ჰქონია, ამ პრობლემის წინაშე ხშირად დამდგარა: დროთა განმავლობაში მასალა ყვითლდება. სამწუხაროდ, სიყვითლე გამოწვეულია მასალის ბუნებრივი ქიმიური რეაქციით (ულტრაიისფერი სხივებისა და ცხიმების ზემოქმედება) და მისი სრულად აღმოფხვრა შეუძლებელია. თუმცა, შეგიძლიათ შეანელოთ ეს პროცესი.
პირველ რიგში, რეგულარულად გარეცხეთ მობილურის ჩასადები თბილი წყლითა და საპნით. გამოიყენეთ ძველი კბილის ჯაგრისი კუთხეებში დაგროვილი ჭუჭყის მოსაშორებლად. მეორე გზაა სპირტის გამოყენება, ბამბის პატარა ნაჭერზე დაასხით სპირტი და ფრთხილად გაწმინდეთ ქეისის ზედაპირი.
რა განსხვავებაა 20 ლარიან და 60 ლარიან ქეისს შორის?
მთავარი განსხვავება მასალის ხარისხსა და დაცვის დონეშია. ბიუჯეტური ქეისები ჩვეულებრივ მარტივი სილიკონისგან არის დამზადებული და იცავს მხოლოდ მსუბუქი დაზიანებებისგან. მაღალფასიანი ქეისები კი კომბინირებულია, არ ყვითლდება და დიდხანს ძლებს.
შეიძლება თუ არა, რომ ქეისის გარეშე ვატაროთ ტელეფონი?
ტექნიკურად შესაძლებელია, მაგრამ არ არის რეკომენდებული. ერთი დავარდნა საკმარისია, რომ ეკრანი გატყდეს ან კორპუსი დაზიანდეს. შეკეთების ღირებულება 200-500 ლარია, ხოლო ხარისხიანი ქეისი კი 20-60 ლარი ღირს. გარდა ამისა, ქეისის გარეშე ტელეფონი უფრო მარტივად “იფხაჭნება”, ხაზები და ბზარები უჩნდება.
რომელი ფერის ქეისი არის პრაქტიკული?
ყველაზე პრაქტიკული შავი, მუქი ლურჯი ან რუხი ქეისებია, მათზე ნაკლებად ჩანს ლაქები. თეთრი და სადა ქეისები ძალიან მალე ბინძურდება, ყვითლდება, განსაკუთრებით თუ ჯინსის ჯიბეში ატარებთ, რადგან ჯინსის საღებავი ადვილად გადადის სილიკონზე.
ზიანდება თუ არა ტელეფონი სილიკონის ქეისისგან?
არა, ხარისხიანი სილიკონის ქეისი ტელეფონს არ აზიანებს. პირიქით, იგი იცავს კორპუსს ნაკაწრებისგან. თუმცა დაბალი ხარისხის ქეისებში შეიძლება იყოს ისეთი ქიმიური ნივთიერებები, რომლებიც დროთა განმავლობაში ტელეფონის ზედაპირის ფერს ცვლის. ამიტომ უმჯობესია ქეისი შეიძინოთ სანდო მაღაზიიდან, რათა მსგავსი რისკები თავიდან აიცილოთ.
უფრო ცხელდება თუ არა ტელეფონი ქეისში?
ყველა ქეისი ოდნავ ზრდის ტელეფონის ტემპერატურას, რადგან ბლოკავს სითბოს გასვლას. მაგრამ ეს არ არის საშიში ტელეფონისთვის. თუ ძალიან ცხელ გარემოში ხართ, მაგალითად სანაპიროზე ან თამაშებს თამაშობთ, შეგიძლიათ დროებით მოხსნათ ქეისი გაგრილების დასაჩქარებლად.
Kontakt.ge - მრავალფეროვანი არჩევანი და საუკეთესო პირობები
ჩვენი ასორტიმენტი მოიცავს არა მხოლოდ სმარტფონების აქსესუარებს, არამედ პლანშეტის და სხვა მოწყობილობების ქეისებსაც. ჩვენთან შეძენისას თქვენ იღებთ ინდივიდუალურ კონსულტაციას, ოფიციალურ გარანტიასა და საუკეთესო ფასს. ასევე გთავაზობთ უსწრაფესი მიწოდების სერვისს.
ეწვიეთ Kontakt.ge-ს და შეიძინეთ იდეალური ტელეფონის ქეისები ონლაინ, საუკეთესო პირობებით!