მიქსერები
მიქსერი: როგორ შევარჩიოთ საუკეთესო მოდელი? (სტაციონალური და ხელის მიქსერების დეტალური მიმოხილვა)
საახალწლო სამზადისი, სამზარეულოში ფუსფული და დღესასწაულები წარმოუდგენელია უგემრიელესი კერძების, ნამცხვრების, ხაჭაპურებისა და ტკბილეულის გარეშე, შესაბამისად ეს პროცესი დიდ დროსა და ენერგიას მოითხოვს. თანამედროვე მიქსერები კი ამ პროცესს შეგიმსუბუქებთ.
Kontakt.ge-ზე წარმოდგენილია მიქსერების მრავალფეროვანი არჩევანი, შეხვდებით ისეთ წამყვან ბრენდებს, როგორიცაა Bosch, Kenwood, Braun და Tefal, ამ სტატიაში კი განვიხილავთ ყველა მნიშვნელოვან დეტალს, რაც გაგიმარტივებთ სწორი არჩევანის გაკეთებას.
რა განსხვავებაა სტაციონალურ და ხელის მიქსერს შორის?
მიქსერების კატეგორიაში ორი ძირითადი ტიპი გვხვდება: ხელის მიქსერი და სტაციონალური მიქსერი. მათ შორის არჩევანი დიდწილად დამოკიდებულია თქვენს კულინარიულ ჩვევებზე, სიხშირესა და იმ კერძებზე, რასაც ყველაზე ხშირად ამზადებთ.
ხელის მიქსერი არის კომპაქტური, მსუბუქი და ადვილად შესანახი მოწყობილობა, რომელიც იდეალურია სწრაფი და მარტივი კერძების მოსამზადებლად.
მნიშვნელოვანი მახასიათებლები:
- სიმძლავრე (175 W - 650 W): დაბალი სიმძლავრის მქონე მოდელები (როგორიცაა Braun ან Philips) იდეალურია კრემების, ნამცხვრების და ზოგადად მსუბუქი კონსისტენციის მისაღებად, თუმცა თუ გსურთ მიქსერი, რომელიც დაგეხმარებათ ცომის მოზელვაში, ეძებეთ 450 W-ზე მეტი სიმძლავრის მოდელი.
- სიჩქარეების რაოდენობა: Kontakt.ge-ზე წარმოდგენილი მოდელების უმეტესობას აქვთ 5 სიჩქარე, რაც სრულიად საკმარისია.
დასადგამი მიქსერი (მიქსერი ჯამით) ბევრად უფრო ძლიერი, კომფორტული და მრავალფუნქციური მოწყობილობაა. ის დამოუკიდებლად მუშაობს, რაც გაძლევთ საშუალებას, პარალელურად სხვა საქმეები აკეთოთ. ბევრი სტაციონალური მიქსერი, განსაკუთრებით Kenwood-ისა და Bosch-ის მიქსერები, აღჭურვილია დამატებითი აქსესუარებით, რომლებიც ხორცსაკეპ მანქანად, ბლენდერად ან მაკარონის მოსამზადებელ დანადგარადაც კი შეგიძლიათ გამოიყენოთ. მაღალი სიმძლავრე (ხშირად 1000 W-ზე მეტი, ზოგჯერ 2200 W-მდე) საშუალებას გაძლევთ მოზილოთ ცომი ან მოამზადოთ ბევრი პროდუქტი ერთდროულად.
მნიშვნელოვანი მახასიათებლები:
- სიმძლავრე (500 W - 2200 W): რაც უფრო მაღალია სიმძლავრე, მით უფრო მარტივად გაუმკლავდება სქელ კონსისტენციას.
- ჯამის მოცულობა: მნიშვნელოვანია, რამდენად დიდი ზომის ჯამი აქვს (ლითონის ჯამები ყველაზე გამძლეა).
რომელი ბრენდის მიქსერი არის ყველაზე კარგი?
Bosch-ის მიქსერები - გერმანული Bosch-ის მოდელები (მათ შორის ბოშის მიქსერი ჯამით) ცნობილია გამძლეობითა და ეფექტურობით.
Kenwood - ერთ-ერთი ლიდერი სამზარეულოს ტექნიკაში. Kenwood მიქსერი გამოირჩევა მრავალფუნქციურობით, აქვთ დიდი მოცულობის ჯამები და მაღალი სიმძლავრე.
Braun, Tefal, Philips - ეს ბრენდები, როგორც წესი, გვთავაზობენ მაღალი ხარისხის ხელის მიქსერებს საშუალო სიმძლავრის დიაპაზონში, რომლებიც იდეალურია ყოველდღიური მოხმარებისთვის.
Franko, Electrolux და Midea - თუ ეძებთ უფრო ხელმისაწვდომ და ბიუჯეტურ ვარიანტს, ეს ბრენდები საუკეთესო არჩევანია.
Tefal - ფრანგული ბრენდი, რომლის ტექნიკაც ცნობილია ინოვაციური და კომფორტული ფუნქციებით.
როგორ მოვუაროთ მიქსერს სწორად?
არასოდეს გადატვირთოთ მიქსერი. თუ ცომი ძალიან მაგარია და მოწყობილობა იწყებს ხმაურს ან გახურებას, აუცილებლად შეასვენეთ. ძრავის გაცხელებამ შეიძლება მისი გადაწვა გამოიწვიოს.
სტაციონალური მოდელების შემთხვევაში პერიოდულად შეამოწმეთ, რომ ჯამი სწორად იყოს ჩამაგრებული.
ასევე, ყოველთვის გამოიყენეთ მიქსერის საცმი იმ დანიშნულებით, რისთვისაც არის შექმნილი. მაგალითად, არ გამოიყენოთ სათქვეფი საცმი მყარი ცომის მოსაზელად. გარდა ამისა, აუცილებელია გამოყენებისთანავე კარგად გარეცხოთ საცმები, რათა არ დარჩეს ნარჩენები, ხოლო დანადგარი გაწმინდოთ კარგად გაწურული ტილოთი.
მიქსერი ფასდაკლებით და განვადებით
რეგულარულად შეამოწმეთ Kontakt.ge-ს საიტი, სადაც პერიოდულად გვაქვს ფასდაკლებები სხვადასხვა ბრენდზე, რაც საშუალებას გაძლევთ შეიძინოთ მიქსერები იაფად.
ხოლო თუ არ გსურთ თანხის ერთდროულად გადახდა, ჩვენი განვადების სისტემა სრულიად უპროცენტოა და ხელმისაწვდომია საქართველოს ყველა მოქალაქისთვის (18 წლის ასაკიდან), 18 თვემდე ვადით. ეს გეხმარებათ შეიძინოთ სასურველი პროდუქტი, იქნება ეს მიქსერი, სხვა წვრილი საყოფაცხოვრებო ტექნიკა თუ მსხვილი საყოფაცხოვრებო ტექნიკა, ზედმეტი ფიქრის გარეშე.
მიქსერი მხოლოდ ნამცხვრების ცხობისთვის არ არის, ის შესანიშნავად უმკლავდება კარტოფილის პიურეს მომზადებას, სოუსების შერევას, კოქტეილების მომზადებას და მრავალ სხვა კულინარიურ პროცესს. ხარისხიანი მიქსერი რამდენიმე წლის განმავლობაში გემსახურებათ და ყოველდღიურად გაგიმარტივებთ სამზარეულოში საქმიანობას.
შეიძინეთ მიქსერი Kontakt.ge-ზე საუკეთესო პირობებით და შეიმსუბუქეთ სადღესასწაულო სამზადისი!