პურის საცხობები
პურის საცხობი: როგორ შევარჩიოთ საუკეთესო მოდელი და რას უნდა მიაქციოთ ყურადღება ყიდვამდე
ალბათ, დამეთანხმებით, რომ ახლად გამომცხვარ პურზე მეტად სადილს არაფერი უხდება. როდესაც სამზარეულოში თბილი, ხრაშუნა პურის არომატი ტრიალებს, სახლი მაშინვე უფრო მყუდრო და სასიამოვნო ხდება. ბევრს ჰგონია, რომ პურის გამოცხობა რთული, დამღლელი და დიდ დროსთან დაკავშირებული პროცესია, თუმცა თანამედროვე წვრილი საყოფაცხოვრებო ტექნიკა ამ წარმოდგენას სრულიად შეგიცვლით. პურის საცხობი აპარატი დღეს უკვე აუცილებელი ტექნიკაა მათთვის, ვისაც სურს ზუსტად იცოდეს, რისგან შედგება მისი ყოველდღიური საკვები და თავი აარიდოს მაღაზიის პროდუქციაში არსებულ დანამატებს.
ბაზარზე არჩევანი საკმაოდ დიდია და ხშირად მომხმარებელს უჭირს გადაწყვეტილების მიღება. თუ თქვენ გაინტერესებთ, სად შეიძინოთ პურის საცხობი იაფად ან რომელი ბრენდია ყველაზე სანდო, პირველ რიგში უნდა განსაზღვროთ თქვენი ოჯახის საჭიროებები. მაგალითად, პურის საცხობი Panasonic ცნობილია თავისი გამძლეობითა და მრავალფუნქციურობით, ხოლო პურის საცხობი ფრანკო (FRANKO) შედარებით ბიუჯეტური, თუმცა ხარისხიანი ვარიანტია. ამ ბლოგში დეტალურად განვიხილავთ, რა უნდა გაითვალისწინოთ შერჩევისას და რას უნდა მიაქციოთ ყურადღება.
რატომ უნდა გქონდეთ პურის საცხობი აპარატი სახლში?
ბევრ ადამიანს უჩნდება კითხვა თუ რატომ უნდა იყიდოს ცალკე აპარატი, როცა შეუძლია ჩვეულებრივ ღუმელში გამოაცხოს, თუმცა პურის საცხობის მთავარი უპირატესობა, სწორედ ის არის, რომ თქვენ ფაქტობრივად არაფრის კეთება გიწევთ, ის ზელს ცომს, აცდის აფუებას და აცხობს ოპტიმალურ ტემპერატურაზე. თქვენ მხოლოდ ინგრედიენტების ჩაყრა და ღილაკზე თითის დაჭერა გევალებათ.
გარდა ამისა, პურის საცხობი საშუალებას გაძლევთ სხვადასხვა ექსპერიმენტები ჩაატაროთ. შეგიძლიათ მოამზადოთ უგლუტენო პური, თხილეულით, ჩირით ან თუნდაც სხვადასხვა სახის ჯემით.
როგორ შევარჩიოთ სწორი მოდელი: პარამეტრები და ფუნქციები
პურის საცხობის შერჩევისას რამდენიმე ძირითად მახასიათებელს უნდა მიაქციოთ ყურადღება.
პირველი ეს არის პურის მაქსიმალური წონა. Kontakt.ge-ზე წარმოდგენილია მოდელები 1 კგ-დან 1.5 კგ-მდე. პატარა ოჯახისთვის 1 კილოგრამიანი მოდელი სრულიად საკმარისია, ხოლო დიდი ოჯახისთვის უკეთესია 1.5 კგ-იანი ვარიანტი, როგორიცაა FRANKO-ს ზოგიერთი მოდელი.
სიმძლავრე კიდევ ერთი მნიშვნელოვანი ფაქტორია. ბაზარზე შეხვდებით 550 W-დან 850 W-მდე სიმძლავრის აპარატებს. მეტი სიმძლავრე ნიშნავს, რომ აპარატი უფრო სწრაფად ხურდება და უკეთ უმკლავდება მძიმე ცომის მოზელას.
პროგრამების რაოდენობა კი განსაზღვრავს, რამდენად მრავალფეროვანი იქნება თქვენი მენიუ. ზოგიერთ მოდელს, მაგალითად Panasonic-ს, აქვს 30-მდე სხვადასხვა პროგრამა.
როგორ მოვამზადოთ იდეალური პური პირველივე ცდაზე?
ბევრი დამწყები შეცდომას უშვებს ინგრედიენტების პროპორციებში. ამისთვის აუცილებლად დაგჭირდებათ სასწორი, რადგან პურის ცხობისას თითოეულ გრამს მნიშვნელობა აქვს. ასევე, მნიშვნელოვანია ინგრედიენტების ჩაყრის თანმიმდევრობა, რაც ჩვეულებრივ ინსტრუქციაშია მითითებული. როგორც წესი, ჯერ თავსდება თხევადი მასა, შემდეგ მშრალი ინგრედიენტები და ბოლოს საფუარი, რათა ის ნაადრევად არ შევიდეს რეაქციაში სითხესთან.
ასევე, თუ გსურთ ხაჭაპურის, პიცის ან ლობიანის მომზადება, შეგიძლიათ აპარატით მხოლოდ მოზილოთ და ააფუოთ ცომი, ეს ბევრად შეგიმსუბუქებთ საქმეს, დაზოგავთ დროს და სამზარეულოსაც არ დასვრით.
Panasonic თუ Franko - რომელი ბრენდი ჯობია?
Panasonic ითვლება პრემიუმ ბრენდად. მათი ტექნოლოგია, როგორიცაა ტემპერატურის სენსორი, საფუარისა და დანამატების (ნიგოზი, ქიშმიში) ავტომატური დისპენსერი, პროცესს კიდევ უფრო სწრაფსა და კომფორტულს ხდის.
ხოლო, FRANKO შესანიშნავი არჩევანია მათთვის, ვისაც სურს ხარისხიანი აპარატი ხელმისაწვდომ ფასად. FRANKO-ს მოდელები გამოირჩევა მაღალი სიმძლავრით (850 W-მდე) და დიდი მოცულობით, რაც განსაკუთრებით პრაქტიკულია დიდი ოჯახებისთვის. ასევე აღსანიშნავია, რომ ორივე ბრენდს აქვს „სწრაფი ცხობის“ ფუნქცია, შესაბამისად როცა ცოტა დრო გაქვთ, შეგიძლიათ უსწრაფესად მოამზადოთ უგემრიელესი, ხრაშუნა პური.
რჩევები - როგორ მოვუაროთ პურის საცხობს
იმისათვის, რომ აპარატმა დიდხანს გაგიძლოთ, აუცილებელია მისი სწორი გაწმენდა. ცხობის დასრულების შემდეგ, ფორმა უნდა გაცივდეს და მხოლოდ ამის შემდეგ გაირეცხოს. მოერიდეთ უხეში ღრუბლების გამოყენებას, რადგან ფორმას აქვს სპეციალური მიწვის საწინააღმდეგო საფარი, რომლის დაზიანებაც პურის ამოღებას გაართულებს. თუ ცომის მოსაზელი პირი ფორმაში გაიჭედა, უბრალოდ ჩაასხით თბილი წყალი და აცადეთ ცოტა ხანი, ის თავისით მოძვრება.
რატომ Kontakt.ge?
ჩვენთან პურის საცხობის შეძენა არა მხოლოდ მარტივი, არამედ სასიამოვნო პროცესია. ჩვენი სპეციალისტები მზად არიან გაგიწიონ კვალიფიციური კონსულტაცია და დაგეხმარონ არჩევანის გაკეთებაში თქვენი ბიუჯეტისა და მოთხოვნების გათვალისწინებით. Kontakt.ge-ზე წარმოდგენილი ყველა ტექნიკა არის ორიგინალი და მოყვება ოფიციალური გარანტია.
პურის საცხობი არის საუკეთესო შენაძენი თქვენს ჯანმრთელობისთვისა და ყოველდღიური კომფორტისთვის. როდესაც სახლში ნამდვილი, ნატურალური პურის სუნი დატრიალდება, მიხვდებით, რომ ეს ერთ-ერთი საუკეთესო შენაძენი იყო თქვენი სამზარეულოსთვის.
დაათვალიერეთ ჩვენი კატალოგი და შეიძინეთ ხარისხიანი მოდელი ყველაზე მისაღებ ფასად kontakt.ge-ზე!