ხორცსაკეპი მანქანა
- Page Previous
- Page 1
- You're currently reading page 2
როგორ შევარჩიოთ საუკეთესო ხორცსაკეპი მანქანა?
თუ გიყვართ კულინარიული ექსპერიმენტები და ცდილობთ თქვენი ოჯახი ყოველთვის საუკეთესო კერძებით გაანებივროთ, ალბათ დამეთანხმებით, რომ უგემრიელესი კატლეტის, ქაბაბის თუ ხინკლის საიდუმლო ახლად გატარებულ ხორცშია. მაღაზიის ფარში ხშირად საეჭვო ხარისხისაა და ზედმეტ ცხიმს ან ნარჩენებს შეიცავს, რაც კერძის გემოს აფუჭებს.
სწორედ ამიტომ, ხორცსაკეპი მანქანა უკვე ბევრ ოჯახში აუცილებელი ტექნიკაა. ის გაძლევთ საშუალებას, თავად აკონტროლოთ ხორცის ხარისხი და სისქე. მაგრამ როგორ მოვძებნოთ ისეთი ხორცსაკეპი, რომელიც წლების განმავლობაში, ყოველგვარი შეფერხების გარეშე მოგემსახურებათ?
Kontakt.ge-ზე წარმოდგენილია მრავალი სანდო ბრენდი, როგორიცაა Panasonic, Tefal, Franko, Kenwood, Hoffmann და სხვა. ამ სტატიაში გეტყვით ყველაფერს, რაც უნდა იცოდეთ ხორცსაკეპი მანქანის ყიდვამდე, რათა სწორი და ღირებული გადაწყვეტილება მიიღოთ.
რატომ არის უკეთესი ხორცის მანქანა და არა ბლენდერი?
დღემდე ბევრს ჰგონია, რომ ძლიერი ბლენდერი ხორცსაკეპზე უკეთესია, მოდით განვიხილოთ: ბლენდერი ხორცს ჭრის და აქუცმაცებს, რის შედეგადაც ის პიურეს ან „ფაფის“ კონსისტენციას იღებს, რაც ხორცის ბოჭკოებს აზიანებს. ხორცსაკეპი მანქანა კი სრულიად განსხვავებულად მუშაობს: ხორცი ჯერ ხრახნის საშუალებით წინა კამერაში მიეწოდება, შემდეგ კი ბასრი დანა მას ჭრის და სპეციალურ დისკოებში გამოსვლისას “ატარებს”. ამ პროცესის წყალობით, ხორცი ინარჩუნებს თავის ბუნებრივ ტექსტურას, წვენსა და გემოს, რაც ნიშნავს, რომ თქვენი კატლეტი თუ ქაბაბი ყოველთვის წვნიანი იქნება!
როგორ შევარჩიოთ ხორცის გასატარებელი მანქანა: 3 მნიშვნელოვანი დეტალი
იმისთვის, რომ თქვენი ხორცსაკეპი იყოს მძლავრი, გამძლე და არ გაიჭედოს, ყურადღება მიაქციეთ ამ სამ ძირითად მახასიათებელს:
1. სიმძლავრე
მინიმუმ 1200-1500 ვატიანი ელექტრო ხორცის გასატარებელი მანქანა საჭიროა ნორმალური მუშაობისთვის. თუ ხშირად აპირებთ მყარი ხორცის, მაგალითად ძროხის ხორცის გამოყენებას, უმჯობესია აირჩიოთ 1800-2000 ვატიანი მოდელი. ასეთი სიმძლავრე განსაკუთრებით მნიშვნელოვანია, როცა დიდი რაოდენობით ამუშავებთ ხორცს.
2. მასალა და კონსტრუქციახორცსაკეპი მანქანების კორპუსი შეიძლება იყოს ორი ტიპის: პლასტმასის ან ლითონის. პლასტმასის კორპუსიანი მოდელები უფრო მსუბუქი და იაფია, მაგრამ დროთა განმავლობაში შეიძლება გატყდეს. ლითონის კორპუსიანი ხორცსაკეპები კი უფრო მძიმეა, მაგრამ ბევრად უფრო გამძლე და სტაბილურია მუშაობისას.
რაც შეეხება დანის ბადეებსა და დანებს, ისინი აუცილებლად უნდა იყოს დამზადებული უჟანგავი ფოლადისგან. ეს არის ერთ-ერთი ყველაზე მნიშვნელოვანი დეტალი, რომელიც პირდაპირ გავლენას ახდენს მანქანის გამძლეობაზე და იმაზე, თუ რამდენად კარგად გატარდება ხორცი.
3. ბადეების რაოდენობა და ზომა
პროფესიონალურ ხორცსაკეპ მანქანებს ჩვეულებრივ მოჰყვება მინიმუმ სამი ბადე: წვრილი, საშუალო და მსხვილი.
წვრილი ბადე გამოიყენება ბავშვების საკვებისთვის ან ძალიან ნაზი ტექსტურის მისაღებად.
საშუალო ბადე საუკეთესოა ბურგერების ხორცისთვის და სხვა ყოველდღიური კერძებისთვის.
მსხვილი ბადე კი იდეალურია ხინკლის შიგთავსისა და ქაბაბისთვის.
საუკეთესო არჩევანია ისეთი ხორცსაკეპის შეძენა, რომელსაც სამივე ბადე მოჰყვება, ეს ბევრად უფრო პრაქტიკულია და აღარ მოგიწევთ დამატებითი ბადეების ცალკე შეძენა.
როგორ მოვუაროთ და გავწმინდოთ ხორცის მანქანა სწორად?
ხორცსაკეპის ნაწილები, უმეტესად მეტალისგან მზადდება და თუ მათ სწორად არ მოუვლით, ადვილად დაჟანგდება.
მანქანის გამოყენების შემდეგ, წყლით გარეცხვამდე, სასურველია, პურის ნაჭერი გაატაროთ. ეს „ამოიღებს“ დარჩენილ ცხიმსა და ხორცის პატარა ნაწილაკებს. გარეცხეთ ყველა ნაწილი ხელით, თბილი წყლითა და ცხიმის დამშლელი საშუალებით. გახსოვდეთ: უმეტეს შემთხვევაში, მეტალის ნაწილების ჭურჭლის სარეცხ მანქანაში მოთავსება არ შეიძლება! გარეცხვის შემდეგ, გაშრობა არის ყველაზე მნიშვნელოვანი. ნაწილები კარგად გაწმინდეთ მშრალი ტილოთი და დატოვეთ ღია სივრცეში ბოლომდე გასაშრობად, რადგან თუ ნაწილები ნესტიანი შეინახეთ, ისინი ადვილად დაჟანგდება.
თუ მანქანა გაიჭედა, არ “აწვალოთ”! გამოიყენეთ „Reverse“ ფუნქცია. ის ხრახნს საპირისპირო მიმართულებით დაატრიალებს, გასწორდება და ძრავის დაზიანების რისკს შეამცირებს.
ხორცსაკეპი მანქანა განვადებით - როგორ შევიძინოთ ხელსაყრელი პირობებით
თუ ერთდროულად არ გსურთ თანხის გადახდა, განვადება შესანიშნავი გამოსავალია. Kontakt.ge-ზე შიდა განვადება სრულიად უპროცენტოა და შესაძლებელია 18 თვემდე ვადით. განვადებით სარგებლობა შეუძლია საქართველოს ყველა მოქალაქეს 18 წლის ასაკიდან, და პროცესი ძალიან მარტივია, არც საბანკო მონაცემები გჭირდებათ და არც რთული ფორმალობები.
რატომ უნდა შეიძინოთ ხორცსაკეპი Kontakt.ge-ზე?
Kontakt.ge გთავაზობთ ოფიციალურ გარანტიას ყველა მოდელზე, რაც ნიშნავს რომ პრობლემის შემთხვევაში სწრაფად მიიღებთ დახმარებას.
ჩვენი კვალიფიციური სპეციალისტები დაგეხმარებიან სწორი მოდელის შერჩევაში თქვენი საჭიროებების მიხედვით. თუ არ იცით, რა სიმძლავრე გჭირდებათ ან რომელი ბრენდი აირჩიოთ, უბრალოდ დაგვირეკეთ ან გვესტუმრეთ ჩვენს ფილიალებში და მიიღებთ დეტალურ კონსულტაციას.
რაც შეეხება მიტანის სერვისს, თუ თქვენი შეძენილი ნივთის ღირებულება 100 ლარს აღემატება, თბილისსა და ბათუმში 2-3 სამუშაო დღეში სრულიად უფასოდ მოგიტანთ. საქართველოს სხვა რეგიონებში მიწოდებას 4-7 სამუშაო დღე სჭირდება.
გარდა ხორცსაკეპებისა, კონტაქტში ფართო არჩევანი დაგხვდებათ მსხვილი საყოფაცხოვრებო ტექნიკისა და სამზარეულოს ჭურჭელის.
შეიძინეთ ხარისხიანი ხორცსაკეპი მანქანა Kontakt.ge-ზე და გახადეთ სამზარეულოს პროცესები ბევრად უფრო სწრაფი და კომფორტული!
ხშირად დასმული კითხვები
როგორ შევარჩიოთ ხორცსაკეპი მანქანა?
ყურადღება მიაქციეთ მის მაქსიმალურ სიმძლავრეს, ასევე აუცილებელია რევერსის (უკუსვლის) ფუნქცია, შიდა ლითონის კბილანები და საჭირო საცმების კომპლექტაცია ხანგრძლივი და კომფორტული მუშაობისთვის.
რა სხვაობაა ნომინალურ და მაქსიმალურ სიმძლავრეს შორის?
ეს არის მაჩვენებელი, რომელზეც ხორცსაკეპი სტაბილურად და უსაფრთხოდ მუშაობს ხანგრძლივი დროის განმავლობაში. მაქსიმალური სიმძლავრე კი ასახავს ძრავის ზღვრულ შესაძლებლობას, რომელიც ირთვება მხოლოდ განსაკუთრებით მყარი მასის გადამუშავებისას.
რატომ არის მნიშვნელოვანი რევერსის ფუნქცია ხორცსაკეპ მანქანაში?
აუცილებელია, რადგან ის ძრავას უკუღმა აბრუნებს და დანაზე შემოხვეულ პროდუქტს უკან აბრუნებს. ეს გამორიცხავს აპარატის ხშირ დაშლა-გაწმენდას და იცავს მოწყობილობას გადახურებისა თუ დაზიანებისგან.
ლითონის თუ პლასტმასის კბილანები - რომელია უკეთესი?
ლითონის კბილანები ბევრად უკეთესია, რადგან უძლებს დიდ დატვირთვას, არ ცვდება მყარი ხორცის გადამუშავებისას და უზრუნველყოფს ხანგრძლივ მუშაობას. პლასტმასის კბილანები კი ნაკლებად გამძლეა და ძვალზე ან ძარღვზე დაბრკოლებისას მარტივად ტყდება.
შეიძლება თუ არა ხორცსაკეპ მანქანაში გაყინული ხორცის ან ძვლების გატარება?
გაყინული ხორცის ან ძვლების გატარება კატეგორიულად დაუშვებელია, რადგან ამან შეიძლება მომენტალურად გატეხოს კბილანები და დააბლაგვოს დანები.
შეიძლება თუ არა ხორცსაკეპი მანქანის მეტალის ნაწილების გარეცხვა ჭურჭლის სარეცხ მანქანაში?
ჭურჭლის სარეცხ მანქანაში გარეცხვა არ შეიძლება, რადგან აგრესიული სარეცხი საშუალებები და ცხელი წყალი აზიანებს დამცავ ფენას.
ხორცსაკეპი მანქანის შიდა განვადებით შეძენა შესაძლებელია თუ არა?
დიახ, ნებისმიერი ხორცსაკეპი მანქანის შეძენა შეგიძლიათ შიდა განვადებით 24 თვის განმავლობაში.