როგორ შევარჩიოთ მაცივარი სწორად: პრაქტიკული გზამკვლევი და რჩევები

ახალი მაცივრის შეძენა ხშირად საკმაოდ სტრესულ პროცესთან ასოცირდება. როდესაც ვებგვერდს ხსნით ან მაღაზიაში შედიხართ, ათობით სხვადასხვა ზომის, ფერის და ფუნქციის მქონე მოდელი გხვდებათ. არასწორად შერჩეული მაცივარი ნიშნავს მალე გაფუჭებულ პროდუქტებს, ელექტროენერგიის გაზრდილ გადასახადს და მოუხერხებელ სივრცეს სამზარეულოში. მაშინ როცა კარგად შერჩეული მოდელი წლების განმავლობაში შეუმჩნევლად, ჩუმად და ეფექტურად მუშაობს.

ამ სტატიაში ზუსტად გასწავლით, თუ როგორ უნდა შეარჩიოთ მაცივარი ისე, რომ წლების შემდეგაც კმაყოფილი იყოთ თქვენი გადაწყვეტილებით.

რატომ არის მნიშვნელოვანი მაცივრის სწორად შერჩევა?

მსხვილი საყოფაცხოვრებო ტექნიკა, როგორიც არის მაცივარი ან სარეცხი მანქანა, არ არის ისეთი ნივთი, რომელსაც ყოველ წელს ვცვლით. თანაც, ის ინარჩუნებს პროდუქტების ვიტამინებს და გეხმარებათ ფინანსების დაზოგვაში. ალბათ გქონიათ შემთხვევა, როცა საგულდაგულოდ შერჩეული ბოსტნეული მეორე დღესვე გაფუჭებულა. თანამედროვე მაცივრები სწორედ ამ პრობლემას აგვარებს.

როგორ განვსაზღვროთ ზომა და კონსტრუქციის ტიპი?

თუ მარტო ცხოვრობთ ან მცირერიცხოვანი ოჯახი გყავთ და პროდუქტებს ძირითადად ყოველდღიურად ყიდულობთ, სტანდარტული, ქვედა ან ზედა საყინულის მქონე მოდელი იდეალური იქნება. ჩვენს საიტზე ყველაზე მოთხოვნადი სწორედ ქვედა საყინულიანი მოდელებია.

მაგრამ, თუ დიდი ოჯახი გყავთ, ან მიეკუთვნებით იმ ადამიანების კატეგორიას, ვისაც პროდუქტების 1-2 კვირით მომარაგება უყვარს, მაშინ აუცილებლად უნდა შეიძინოთ Side-by-side ან French Door ტიპის მაცივრები. ეს არის ორკარიანი, ძალიან ტევადი მოდელები, სადაც პროდუქტების ორგანიზება უმარტივესია. გარდა ამისა, უნდა გაითვალისწინოთ სამზარეულოს დიზაინიც. შეგიძლიათ აირჩიოთ ცალკე მდგომი ან ჩასაშენებელი მოდელი, რომელიც სრულად მოერგება თქვენი ავეჯის ფასადს. არ დაგავიწყდეთ ფერების შეხამებაც, დღეს ძალიან ტრენდულია ვერცხლისფერი, შავი და ნაცრისფერი მოდელები, რომლებიც თანამედროვე სამზარეულოს ძალიან უხდება.

როგორ მუშაობს გაგრილების სისტემა და რა არის მშრალი ყინვა?

ალბათ ყველას კარგად გახსოვთ ძველი მაცივრები, რომელთა გალღობა და ყინულისგან გასუფთავება ყველაზე დამღლელი პროცესი იყო. დღეს ამის აუცილებლობა აღარ არსებობს. როდესაც არჩევანს აკეთებთ, ყურადღება მიაქციეთ ტერმინს "მშრალი ყინვა" ანუ No Frost.

ჩვენთან წარმოდგენილი მაცივრების აბსოლუტური უმრავლესობა სწორედ მშრალი ყინვის სისტემით მუშაობს. ეს ნიშნავს, რომ კედლებზე ყინული აღარ წარმოიქმნება. ჰაერი მუდმივად მოძრაობს და ცირკულირებს, რის გამოც პროდუქტები ინარჩუნებენ პირვანდელ სახეს და არ ეწებებიან ერთმანეთს საყინულეში. ისეთი ბრენდები, როგორიცაა Samsung და LG, იყენებენ ჰაერის მრავალნაკადიანი განაწილების (Multi Air Flow) სისტემას, რაც უზრუნველყოფს, რომ მაცივრის ზედა და ქვედა თაროებზე სრულიად თანაბარი ტემპერატურა იყოს.

რა განსხვავებაა ინვერტორულ და სტანდარტულ ძრავს შორის?

ეს არის ერთ-ერთი ყველაზე აქტუალური კითხვა, რომელსაც მომხმარებლები გვისვამენ. მარტივად რომ ავხსნათ: სტანდარტული ძრავი მუშაობს პრინციპით "ჩართვა-გამორთვა". ის ირთვება სრული სიმძლავრით, აგრილებს სივრცეს, შემდეგ ითიშება და როცა ტემპერატურა ისევ აიწევს, თავიდან ირთვება, გარდა ამისა, აღსანიშნავია, რომ საკმაოდ ხმაურიანად მუშაობს.

ინვერტორული ძრავი ბევრად მოსახერხებელი და კომფორტულია. ის არასდროს ითიშება ბოლომდე, უბრალოდ ანელებს ან აჩქარებს მუშაობის ტემპს საჭიროების მიხედვით. ეს გაძლევთ სამ მთავარ უპირატესობას: მაცივარი მუშაობს პრაქტიკულად უხმოდ, ძრავი ძლებს ბევრად დიდხანს და რაც მთავარია, მნიშვნელოვნად ზოგავს ელექტროენერგიას. როდესაც უყურებთ ენერგოეფექტურობის კლასს (A+, A++, A+++), იცოდეთ, რომ ინვერტორული ძრავის მქონე მოდელები ყველაზე ეკონომიურია. 

როგორ შევარჩიოთ ბრენდი საკუთარი ბიუჯეტის მიხედვით?

Kontakt home-ში წარმოდგენილია ფასების ძალიან ფართო არჩევანი: ფასები იწყება 499 ლარიდან და მერყეობს 7500 ლარამდე, რაც იმას ნიშნავს, რომ ჩვენთან სასურველ მოდელს ნებისმიერი ბიუჯეტის მქონე ადამიანი იპოვის.

თუ თქვენ ეძებთ უახლეს ტექნოლოგიებს, სმარტ ფუნქციებს, ეკრანებსა და დახვეწილ დიზაინს, ყურადღება უნდა მიაქციოთ პრემიუმ კლასის მოდელებს, როგორებიცაა LG, Samsung და Bosch. ეს ბრენდები გამოირჩევიან ინოვაციური მიდგომებით, მაგალითად სმარტფონიდან მართვის ფუნქციით ან პროდუქტების სიჯანსაღის შესანარჩუნებელი სპეციალური ზონებით.

თუ გჭირდებათ საიმედო, გამძლე და ფუნქციური მაცივარი საშუალო საფასო კატეგორიაში, იაპონური ხარისხის სიმბოლო Toshiba, გერმანული სტანდარტების მქონე Hoffmann და ევროპული Beko იდეალური არჩევანია. ისინი გვთავაზობენ საუკეთესო ბალანსს ფასსა და ხარისხს შორის.

ხოლო თუ თქვენი ბიუჯეტი დაბალია, მაგრამ მაინც გსურთ ხარისხიანი და ტევადი მოდელის შეძენა, აუცილებლად დაათვალიერეთ Midea-ს ასორტიმენტი. Midea დღესდღეობით ერთ-ერთი ყველაზე გაყიდვადი ბრენდია, რომელიც ხელმისაწვდომ ფასად გვთავაზობს თანამედროვე დიზაინსა და მშრალი ყინვის ტექნოლოგიას.

მნიშვნელოვანი რჩევები მაცივრის მოსავლელად

როდესაც სასურველ მოდელს შეიძინებთ, აუცილებელია რამდენიმე მარტივი წესი დაიცვათ:

• პირველ რიგში, არასდროს შედგათ მაცივარში ცხელი კერძი, რადგან ეს აიძულებს ძრავს, იმუშაოს ზედმეტი დატვირთვით.  
• დატოვეთ სივრცე კედელსა და მაცივარს შორის, რათა ჰაერმა თავისუფლად იმოძრაოს.  
• ეცადეთ, მაცივარი არ დადგათ გაზქურის ან გამათბობლის გვერდით.  
• ასევე, წელიწადში ერთხელ სასურველია მოწყობილობის უკანა ნაწილის მტვრისგან გასუფთავება, რათა ძრავამ მარტივად გააგრილოს სისტემა.
  

რატომ უნდა შეიძინოთ საუკეთესო მაცივარი Kontakt.ge-ზე?

ჩვენ ზუსტად ვიცით, რა სჭირდება მომხმარებელს და შევქმენით სერვისი, რომელიც მაქსიმალურად მორგებულია თქვენს კომფორტზე.

ჩვენი მთავარი და უნიკალური უპირატესობა შიდა უპროცენტო განვადებაა. თუ არ გსურთ თანხის ერთიანად გადახდა, ბანკებში სიარული და ზედმეტი პროცენტები. Kontakt.ge-ს შიდა განვადება უკონკურენტოა ქართულ ბაზარზე. ის სრულიად უპროცენტოა, ფორმდება 18 თვემდე ვადით და მისი სარგებლობა შეუძლია საქართველოს ნებისმიერ მოქალაქეს 18 წლის ასაკიდან. ეს გაძლევთ საშუალებას, შეიძინოთ საუკეთესო, მაღალი კლასის მაცივარი ზედმეტი დანახარჯის გარეშე.

გარდა ამისა, ჩვენ გთავაზობთ უსწრაფეს მიწოდების სერვისს მთელი საქართველოს მასშტაბით. ვინაიდან მაცივარი 100 ლარზე ბევრად ძვირადღირებული ნივთია, თბილისსა და ბათუმში მას 2-3 სამუშაო დღეში სრულიად უფასოდ მოგიტანთ. რეგიონებში მიწოდებას მხოლოდ 4-7 სამუშაო დღე სჭირდება.

და ბოლოს, ხარისხის გარანტია. ჩვენთან წარმოდგენილ თითოეულ პროდუქტზე ვრცელდება მწარმოებლის ოფიციალური გარანტია, რომელიც მოდელების მიხედვით 24-დან 60 თვემდე მერყეობს.

ნუ გადადებთ თქვენი სამზარეულოს განახლებას. გადახედეთ ჩვენს მრავალფეროვან კატეგორიებს, შეადარეთ მოდელები და თუ დამატებითი კითხვები გაგიჩნდებათ, ჩვენი კვალიფიციური კონსულტანტები ყოველთვის მზად არიან დაგეხმარონ თქვენთვის იდეალური გადაწყვეტილების მიღებაში. შერჩევის პროცესი ახლა უკვე ბევრად მარტივია, როცა იცით, რას უნდა მიაქციოთ ყურადღება. 

გაიმარტივეთ ცხოვრება და გამოცადეთ საუკეთესო ხარისხის ახალი, თანამედროვე მაცივრები kontakt.ge-ზე!