ზაფხულის ცხელი დღეების მოახლოებასთან ერთად, სახლში სასიამოვნო ტემპერატურის შექმნა ყველაზე აქტუალური თემა ხდება. თუმცა, როდესაც კონდიციონერის შერჩევას ვიწყებთ, უამრავი განსხვავებული მოდელის, გაუგებარი ტექნიკური ტერმინისა და სხვადასხვა ფასის გამო, გადაწყვეტილების მიღება ხშირად გვირთულდება.
სინამდვილეში, იდეალური კონდიციონერის ყიდვა სულაც არ არის რთული პროცესი. მთავარია, იცოდეთ რამდენიმე ძირითადი წესი და მოწყობილობა ზუსტად მოარგოთ თქვენი ოთახის ზომას.
ამ სტატიაში, მარტივად და გასაგებად აგიხსნით იმ მთავარ დეტალებს, რომლებიც დაგეხმარებათ შეარჩიოთ საუკეთესო მოდელი და დაზოგოთ ელექტროენერგია. სწორად შერჩეული კონდიციონერები კი არა მხოლოდ ტემპერატურას არეგულირებენ, არამედ აუმჯობესებენ ჰაერის ხარისხს, რაც პირდაპირ კავშირშია თქვენს ჯანმრთელობასა და ძილის ხარისხთან.
როგორ შევარჩიოთ სიმძლავრე ოთახის ფართობის მიხედვით: რა არის BTU?
ყველაზე მნიშვნელოვანი, რასაც ყიდვისას ყურადღება უნდა მიაქციოთ, კონდიციონერის სიმძლავრეა, რომელიც BTU (British Thermal Unit) ერთეულით იზომება.
ბევრს ჰგონია, რომ თუ დიდ და ძალიან ძლიერ კონდიციონერს იყიდის პატარა ოთახისთვის, უკეთეს შედეგს მიიღებს, რაც, რა თქმა უნდა, არასწორია, როცა პატარა სივრცეში ზედმეტად ძლიერ აპარატს ვამონტაჟებთ, ის ოთახს წუთებში აციებს და მაშინვე ითიშება. ცოტახანში ოთახი თბება და აპარატი ისევ სრული ძალით ირთვება.
ეს მუდმივი ჩართვა და გამორთვა აფუჭებს მოწყობილობის ძრავას და დენსაც ზედმეტად მოიხმარს. ხოლო თუ დიდ ოთახში სუსტ მოდელს დადგამთ, იმუშავებს მუდმივად, ვერასდროს გააგრილებს ოთახს სათანადოდ, ძრავაც დაზიანდება და ამ შემთხვევაშიც ზედმეტი ელექტროენერგია დაიხარჯება, სწორედ ამიტომ მნიშვნელოვანია თავიდანვე განსაზღვროთ სიმძლავრე ოთახის
კვადრატულობის მიხედვით, გიზიარებთ ჩვენს მარტივ ცხრილს:
- კონდიციონერი 20კვ - იდეალურია პატარა საძინებლებისთვის ან კაბინეტისთვის. ამ ფართობისთვის, როგორც წესი, 7000 BTU სიმძლავრე სრულიად საკმარისია.
- კონდიციონერი 30კვ - სტანდარტული ზომის ოთახებისთვის, მაგალითად მისაღები ოთახისთვის ან ოფისისთვის საუკეთესოა 9000 BTU მოდელები, რომლებიც სწრაფად და სტაბილურად ინარჩუნებენ სასურველ ტემპერატურას.
- კონდიციონერი 40კვ - რეკომენდებულია 12,000 BTU სიმძლავრის მოწყობილობა, რათა დატვირთვის დროს ძრავა ზედმეტად არ გადახურდეს.
- კონდიციონერი 50კვ - თუ სტუდიოს ტიპის ბინისთვის გჭირდებათ, 12,000-დან 18,000 BTU-მდე მოდელები საუკეთესო არჩევანი იქნება.
- კონდიციონერი 60კვ - სივრცეებისთვის, სადაც რამდენიმე ფანჯარაა, 18,000 BTU სიმძლავრის აპარატი აუცილებელია ჰაერის თანაბარი განაწილებისთვის.
- კონდიციონერი 80კვ - დიდი დარბაზებისა თუ კომერციული ფართებისთვის განკუთვნილია 24,000 BTU მოდელები.
- კონდიციონერი 100კვ - 30,000 BTU ან მეტი სიმძლავრის მქონე აპარატები გამოიყენება ძალიან დიდი სივრცეებისთვის, სადაც ხალხმრავლობა ან ბევრი ტექნიკაა.
გაითვალისწინეთ, თუ ჭერი 3 მეტრზე მაღალია ან ოთახი მზიან მხარეს მდებარეობს, უმჯობესია 10-20%-ით უფრო მძლავრი აპარატი შეარჩიოთ, რათა ნებისმიერ პირობებში შეინარჩუნოთ იდეალური ტემპერატურა.
როგორი ტიპის კონდიციონერი გვჭირდება: სპლიტ-სისტემა თუ პორტატული?
- კედლის სპლიტ-სისტემა: ეს ყველაზე გავრცელებული და კომფორტული ვარიანტია. ის ორი ნაწილისგან შედგება: ხმაურიანი ძრავა გარეთ, შენობის ფასადზე მაგრდება, ოთახში კი მხოლოდ უხმო და ვიზუალურად დახვეწილი ბლოკი რჩება.
- დასადგამი (პორტატული) და მინი კონდიციონერები: ზოგჯერ სტაციონარული სისტემის დამონტაჟება შეუძლებელია (მაგალითად, თუ ნაქირავებ ბინაში ცხოვრობთ და კედლის გახვრეტის უფლება არ გაქვთ, ან შენობის ფასადზე გარე ბლოკის განთავსება იკრძალება). ასეთ დროს იდეალური გამოსავალი დასადგამი (პორტატული) კონდიციონერია. მას აქვს ბორბლები, მარტივად გადაადგილდება ოთახიდან ოთახში და დამონტაჟებაც არ მოითხოვს ზედმეტ ძალისხმევას. ეს მოდელები ასევე ძალიან პოპულარულია აგარაკებისთვის.
გარდა ამისა, თუ ეძებთ გამაგრილებელს სამუშაო მაგიდისთვის ან ძალიან პატარა კუთხისთვის, მინი კონდიციონერი ყველაზე კომპაქტური და პრაქტიკული არჩევანია.
რატომ არის აუცილებელი ინვერტორული ტექნოლოგია: რა განსხვავებაა ჩვეულებრივ და ინვერტორულ მოდელებს შორის?
თუ გსურთ, რომ ელექტროენერგიის გადასახადი მნიშვნელოვნად შეამციროთ, არჩევანი ინვერტორულ მოდელზე უნდა შეაჩეროთ.
- ჩვეულებრივი (On-Off) სისტემა: მუშაობს სრული სიმძლავრით, აგრილებს ოთახს და ითიშება. ჰაერის გათბობისთანავე ისევ მაქსიმალური დატვირთვით ირთვება. ეს მუდმივი ჩართვა-გამორთვა ძალიან ბევრ დენს წვავს.
- ინვერტორული სისტემა: სასურველი ტემპერატურის მიღწევის შემდეგ არ ითიშება. ის უბრალოდ ანელებს მუშაობის ტემპს და მინიმალური სიმძლავრით ინარჩუნებს სასურველ ტემპერატურას. ინვერტორული ძრავა სრულიად უხმოა და დაახლოებით 30-40%-ით ნაკლებ ელექტროენერგიას ხარჯავს. ეს განსაკუთრებით მნიშვნელოვანია მაშინ, თუ აპარატის გამოყენებას ზამთარში, გასათბობად აპირებთ. მართალია, ყიდვისას ინვერტორულში ცოტა მეტის გადახდა გიწევთ, მაგრამ დენის გადასახადში იმდენს დაგიზოგავთ, უხეშად, რომ ვთქვათ ძალიან მალე ამოიღებთ ამ თანხას. ენერგოეფექტურობაზე ისიც მეტყველებს, რომ ჩვენთან შეხვდებით A, A+, A++ და ყველაზე უმაღლესი, A+++ კლასის მოდელებსაც კი.
რომელი ბრენდი შევარჩიოთ?
თითოეულ მწარმოებელს თავისი უნიკალური ნიშა და უპირატესობა აქვს. იმისათვის, რომ თქვენს პრიორიტეტებსა და ბიუჯეტს ზუსტად მოერგოთ, გთავაზობთ წამყვანი ბრენდების მოკლე მიმოხილვას:
- Midea: იდეალური არჩევანია მათთვის, ვინც ხარისხიან მოდელს ბიუჯეტურ ფასად ეძებს. ეს ბრენდი მსოფლიოში კლიმატური ტექნიკის ერთ-ერთი უმსხვილესი მწარმოებელია. მისი მთავარი უპირატესობა გამძლეობა და ენერგოეფექტურობაა.
- Hoffmann: კიდევ ერთი საიმედო და პრაქტიკული ბრენდი ხელმისაწვდომ ფასად. Hoffmann გამოირჩევა მარტივი მართვის პანელითა და მუშაობის სტაბილური ციკლით, რაც მას საუკეთესო ვარიანტად აქცევს როგორც საცხოვრებელი, ისე საოფისე ფართებისთვის.
- Samsung: ტექნოლოგიური ინოვაციების მოყვარულთათვის სამსუნგი უალტერნატივოა. მისი ექსკლუზიური "Wind-Free" ტექნოლოგია ოთახს პირდაპირი ცივი ნაკადის გარეშე აგრილებს. ეს ამცრებს გაციების რისკს და სრულიად უსაფრთხოა საძინებლებისა და ბავშვთა ოთახებისთვის.
- Gree: პროდუქცია ცნობილია თავისი წარმოუდგენელი სიმძლავრით. თუ თქვენი ბინა მზიან მხარეს მდებარეობს და ზაფხულში ძალიან ცხელდება, Gree ამ გამოწვევას მარტივად და სტაბილურად გაუმკლავდება.
- LG: ეს ბრენდი მთავარ აქცენტს ენერგოეფექტურობასა და ჰაერის ხარისხზე აკეთებს. LG-ს „Dual Inverter“ ტექნოლოგია ორმაგად ეკონომიურია, ხოლო იონიზაციის სისტემა ჰაერს არა მხოლოდ აგრილებს, არამედ ბაქტერიებისა და უსიამოვნო სუნისგანაც ასუფთავებს.
- Panasonic: იაპონური ხარისხისა და პრემიუმ კლასის სიმბოლო. მათთვის, ვინც ტექნიკისგან მაქსიმალურ გამძლეობას მოითხოვს. Panasonic-ის Nanoe ტექნოლოგია უმაღლესი კლასის ფილტრაციას გთავაზობთ, ეფექტურად ებრძვის ვირუსებს და ოთახში სრულიად ჯანსაღ გარემოს ქმნის.
იდეალური კონდიციონერის ყიდვა ნამდვილად არ არის ისეთი რთული, როგორც ერთი შეხედვით ჩანს, მხოლოდ მაშინ, როცა ზუსტად იცით რას უნდა მიაქციოთ ყურადღება. გადახედეთ ჩვენს კატალოგს, შეარჩიეთ თქვენთვის სასურველი მოდელი და შექმენით იდეალური, გრილი გარემო თქვენს სახლში.