Wireless Headphones
როგორ შევარჩიოთ საუკეთესო უსადენო ყურსასმენები?
უსადენო ყურსასმენები ბოლო წლებში ჩვენი ყოველდღიური ცხოვრების განუყოფელი ნაწილი გახდა. იდეალურია ვარჯიშის, მგზავრობის, მუშაობის თუ უბრალოდ დასვენების დროს.
საუკეთესო მოდელის პოვნა მარტივი ნამდვილად არ არის, თუნდაც Apple-ის Airpods-ებში. როგორ გავიგოთ, რომელი უკაბელო ყურსასმენები შეესაბამება ჩვენს საჭიროებებს? როგორ მოვძებნოთ ხარისხიანი მოდელები ხელმისაწვდომ ფასად? Kontakt.ge-ზე ჩვენ დაგეხმარებით ამ კითხვებზე პასუხის გაცემაში და გაგიზიარებთ ექსპერტულ რჩევებს.
რა უნდა გავითვალისწინო უსადენო ყურსასმენის შეძენისას?
სანამ კონკრეტულ მოდელზე შეაჩერებთ არჩევანს, მნიშვნელოვანია, თქვენი საჭიროებები და პრიორიტეტები გაარკვიოთ. ჩვენ გამოვყავით რამდენიმე მთავარი ფაქტორი, რომელთა გათვალისწინებაც დაგეხმარებათ სწორი გადაწყვეტილების მიღებაში.
1. ყურსასმენის ტიპი - ჟღერადობა
ყურსასმენის ტიპი უშუალოდ განსაზღვრავს კომფორტისა და ჟღერადობის ხარისხს. ამ მხრივ, სამი ძირითადი არჩევანი გვაქვს:
In-ear (TWS): ეს ყველაზე პოპულარული და კომპაქტური ვარიანტია. მათ შორის, ისეთი ცნობილი მოდელები, როგორიცაა Iphone-ის უსადენო ყურსასმენები (AirPods). იდეალურია ყოველდღიური გამოყენებისთვის, მგზავრობისა და ვარჯიშისთვის.
On-ear: ისინი, როგორც წესი, მსუბუქი და კომფორტულია, განსაკუთრებით მათთვის, ვისაც არ მოსწონთ და დისკომფორტს უქმნის ყურსასმენები ყურში.
Over-ear: დიდი ზომის მოდელები, რომლებიც მთლიანად ფარავს ყურს. ისინი საუკეთესო ჟღერადობის ხარისხს, ყველაზე მძლავრ ბასს და ხმაურის საუკეთესო იზოლაციას გვთავაზობენ. თუ თქვენი პრიორიტეტი მუსიკის მაქსიმალური ხარისხით ტკბობაა, Over-ear ტიპის უკაბელო ყურსასმენი საუკეთესო ვარიანტია.
2. ხმაურის აქტიური ჩახშობა (ANC) ფუნქცია - როდის და რატომ არის ის აუცილებელი?
ხმაურის აქტიური ჩახშობის ფუნქცია (Active Noise Cancellation - ANC) ტექნოლოგიური მიღწევაა, რომელიც გარე ხმაურს სპეციალური სიგნალებით აქრობს. თუ თქვენი სამუშაო ან სწავლა ხმაურიან გარემოსთანაა დაკავშირებული (მაგალითად, ღია ოფისი, კაფე, ხშირი მგზავრობა მეტროთი ან თვითმფრინავით), ANC შეუცვლელია კონცენტრაციის შესანარჩუნებლად და მუსიკის მშვიდად მოსასმენად. თუმცა, გახსოვდეთ, რომ ეს ფუნქცია გავლენას ახდენს ფასზე და ოდნავ ამცირებს ბატარეის ხანგრძლივობას.
3. ბატარეის ხანგრძლივობა
ბლუთუზ ყურსასმენები განსხვავდება ბატარეის ხანგრძლივობით. TWS (in ear) მოდელები, როგორც წესი, ერთ დატენვაზე 4-8 საათს მუშაობენ, ხოლო ქეისს დამატებითი 20-30 საათის ენერგია აქვს. დიდი (Over-ear) მოდელები კი ხშირად 30-60 საათამდე მუშაობის რესურსით გამოირჩევიან. არჩევისას აუცილებლად დააკვირდით სწრაფი დატენვის ფუნქციას, ეს ყოველდღიურობას ბევრად გაგიმარტივებთ.
4. ჟღერადობის ხარისხი: რას ნიშნავს კოდეკი?
ჟღერადობის ხარისხი სუბიექტურია, მაგრამ ტექნიკური მახასიათებლები მაინც გვეხმარება. კოდეკი (მაგ. SBC, AAC, aptX, LDAC) არის ის ალგორითმი, რომელიც მონაცემებს ამუშავებს. AAC იდეალურია Apple-ის მოწყობილობებისთვის, ხოლო aptX და LDAC მაღალი ხარისხის (Hi-Res) ჟღერადობას სთავაზობს Android-ის მომხმარებლებს. რაც უფრო თანამედროვე კოდეკს უჭერს მხარს თქვენი ყურსასმენი და ტელეფონი, მით უფრო სუფთაა ხმა.
როგორ დავუკავშიროთ უკაბელო ყურსასმენი მოწყობილობას?
ბლუთუზ ყურსასმენები შექმნილია მაქსიმალური სიმარტივისთვის, თუმცა პირველი დაკავშირების პროცესი ხშირად აჩენს კითხვებს.
- პირველ რიგში, დარწმუნდით, რომ ყურსასმენები დამუხტულია და ჩართეთ (Pairing) რეჟიმი. TWS მოდელების უმეტესობას ქეისზე აქვს ღილაკი, რომელზეც დიდხანს დაჭერაა საჭირო.
- ტელეფონზე ან სხვა მოწყობილობაზე შედით პარამეტრებში და ჩართეთ Bluetooth ფუნქცია.
- მოძებნეთ თქვენი უკაბელო ყურსასმენი ხელმისაწვდომი მოწყობილობების სიაში და დააჭირეთ დასაკავშირებლად. შემდეგ, როგორც წესი, გაიგებთ ხმოვან სიგნალს.
სად ვიპოვოთ უსადენო ყურსასმენები იაფად და როგორ ვისარგებლოთ საუკეთესო ფასდაკლებით?
ნუ შემოიფარგლებით მხოლოდ ფლაგმანური ბრენდებით. არსებობს უამრავი საშუალო დონის მოდელი ცნობილი ბრენდებისგან (Anker, Samsung, JBL), რომლებიც ფასისა და ხარისხის საუკეთესო ბალანსს გვთავაზობს. გარდა ამისა, რეგულარულად შეამოწმეთ Kontakt.ge-ს ვებგვერდი სპეციალური შეთავაზებებისა და ფასდაკლებების სანახავად. ჩვენ მუდმივად ვცდილობთ, რომ მომხმარებელს საუკეთესო ფასი შევთავაზოთ, განსაკუთრებით სადღესასწაულო ან სეზონური აქციების დროს.
Kontakt.ge - თქვენი საიმედო არჩევანი ტექნიკის სამყაროში
Kontakt.ge გთავაზობთ სწრაფ, კომფორტულ და სანდო სერვისს.
ჩვენი მთავარი უპირატესობებია:
სწრაფი მომსახურება და კონსულტაცია: ჩვენი კვალიფიციური სპეციალისტები დაგეხმარებიან ისეთი ყურსასმენის შერჩევაში, რომელიც თქვენს საჭიროებებს იდეალურად მოერგება.
ოფიციალური გარანტია: ყველა პროდუქტზე ვრცელდება მწარმოებლის ოფიციალური გარანტია.
შიდა უპროცენტო განვადება: თუ არ გსურთ თანხის ერთდროულად გადახდა, Kontakt.ge გთავაზობთ შიდა განვადების სისტემას, რომელიც უკონკურენტოა ქართულ ბაზარზე. განვადებით სარგებლობა შეუძლია საქართველოს ყველა მოქალაქეს 18 წლის ასაკიდან. ჩვენი შიდა განვადება სრულიად უპროცენტოა და შესაძლებელია 18 თვემდე ვადით.
უსწრაფესი მიწოდების სერვისი მთელი საქართველოს მასშტაბით: თუ თქვენ მიერ შეძენილი ნივთის ღირებულება 100 ლარს აღემატება, ამ ნივთს თბილისსა და ბათუმში 2-3 სამუშაო დღეში სრულიად უფასოდ მოგიტანთ. საქართველოს სხვა რეგიონებში მიწოდებას 4-7 სამუშაო დღე სჭირდება, ხოლო რეგიონების შემთხვევაში ტრანსპორტირების ღირებულება დამოკიდებულია ნივთის პარამეტრებზე (ზომა, წონა).
იპოვეთ თქვენთვის იდეალური ბლუთუზიანი ყურსასმენი Kontakt.ge-ზე.
