Juicers
წვენსაწურები: როგორ შევარჩიოთ საუკეთესო მოდელი და რას უნდა მივაქციოთ ყურადღება?
ჯანსაღი ცხოვრების წესმა ბოლო წლებში მნიშვნელოვნად შეცვალა ჩვენი დამოკიდებულება კვებისადმი. ჯანსაღი წვენი ვიტამინების, ენერგიისა და სწორი კვების განუყოფელი ნაწილია. თუმცა, მაღაზიის თაროებზე არსებული წვენები ხშირად კონცენტრატებია ან შაქრის მაღალი შემცველობით გამოირჩევა. სწორედ ამიტომ, საკუთარი, ხარისხიანი წვენსაწურის შეძენა შეუცვლელია ამ კუთხით.
როგორ მუშაობს და რომელია საუკეთესო წვენსაწური?
არსებობს სამი მთავარი კატეგორია, რომლებიც განსხვავდება მუშაობის პრინციპით:
1. ცენტრიდანული ანუ უნივერსალური წვენსაწური
ეს არის ყველაზე მოთხოვნადი მოდელი. უნივერსალური წვენსაწური ანუ ცენტრიდანული მოდელი მუშაობს მაღალი სიჩქარით: ჯერ სპეციალური ბასრი დისკოთი ჭრის ხილსა და ბოსტნეულს, შემდეგ კი ცენტრიდანული ძალის მეშვეობით წურავს მას. ბრუნვის მაღალი სიჩქარის (წუთში 6,000-დან 15,000-მდე) წყალობით, მას შეუძლია დიდი ოდენობის პროდუქტი რამდენიმე წამში გადაამუშაოს. შესანიშნავად უმკლავდება მაგარ პროდუქტებსაც, როგორიცაა ჭარხალი, სტაფილო. Panasonic წვენსაწურები ამ კატეგორიაში ყველაზე პოპულარულია და მაღალი ხარისხით გამოირჩევა.
თუმცა, გასათვალისწინებელია, რომ ძლიერი ბრუნვის გამო გამოიყოფა სითბო და წვენში ბევრი ჟანგბადი ხვდება. ეს პროცესი, რომელსაც ჟანგვა ეწოდება, ანადგურებს სითბოსადმი მგრძნობიარე ნუტრიენტებს. ამიტომ, ამ მეთოდით მომზადებული წვენი სწრაფად კარგავს სასარგებლო თვისებებს და აუცილებელია, რომ ის გამოწურვისთანავე დალიოთ.
2. წვენსაწური - slow juicer
თუ თქვენთვის მნიშვნელოვანია ვიტამინისა და ფერმენტის შენარჩუნება, მსგავსი წვენსაწური იდეალური არჩევანია. ისინი მუშაობენ დაბალი სიჩქარით (ხშირად 80 ბრუნვა წუთში ან ნაკლები), რაც მინიმუმამდე ამცირებს ჟანგბადთან კონტაქტს და წვენს გაცილებით მეტხანს უნარჩუნებს სიჯანსაღეს (შენახვა შესაძლებელია 48-72 საათამდე). საპრესი მოდელები შეუდარებელია ბოსტნეულის მოსამზადებლად, განსაკუთრებით კი მწვანილის. ნელი წნეხის მოდელები, როგორიცაა Braun-ის ან Kenwood-ის ზოგიერთი ვერსია, გამოყოფს უფრო მეტ კონცენტრირებულ წვენს, ვიდრე ცენტრიდანული. მართალია, წვენის მიღების პროცესი შედარებით ნელია და ფასიც უფრო მაღალი, მაგრამ შედეგად მიღებული ხარისხიანი წვენი ნამდვილად ღირს ამად.
3. ციტრუსის წვენსაწური
ციტრუსის წვენსაწური ან ხელის წვენსაწური იდეალურია ციტრუსის ან მცირე ოდენობის რბილი კენკრისთვის. ისინი ენერგოეფექტურია, ადვილად ირეცხება და მათი მეშვეობით მიღებული წვენი, მექანიკური წნეხის გამო, ინარჩუნებს სასარგებლო ნივთიერებებს. პატარა ზომის გამო, მათი წაღება პიკნიკზე ან აგარაკზეც მარტივია. თუმცა ეს მოდელები მოუხერხებელია მაგარი ხილისა და დიდი ოდენობის ბოსტნეულის გასაწურად, ასევე, დამღლელია ყოველდღიური გამოყენებისთვის. მიუხედავას ამისა, მაინც ღირს მისი შეძენა დაბალი ფასის და კომფორტულობის გამო (მათი მოვლა არ მოითხოვს დიდ ძალისხმევას.)
რას უნდა მივაქციოთ ყურადღება ყიდვისას?
პროდუქტის ძირითადი ტიპების გაცნობის შემდეგ, დროა, იმ დეტალებს მივაქციოთ ყურადღება, რაც შეძენამდე აუცილებლად უნდა ვიცოდეთ:
1. სიმძლავრე:
ელექტრო წვენსაწურის სიმძლავრე (ვატებში) განსაზღვრავს მის ეფექტურობას. უნივერსალური წვენსაწურის შემთხვევაში, ძლიერი ძრავა (700 ვატიდან ზემოთ) გთავაზობთ მაგარი პროდუქტების სწრაფად გადამუშავებას, თუმცა რაც უფრო დიდია სიმძლავრე, მით უფრო ხმამაღლა მუშაობს მოწყობილობა. ნელი წვენსაწურებისთვის კი ენერგოეფექტური ძრავა (200-250 ვატი) სრულიად საკმარისია, რადგან მათთვის მთავარია დაბალი ბრუნვის შენარჩუნება.
2. ტევადობა და ზომა:
დააკვირდით კონტეინერების მოცულობას. ერთი ან ორი ადამიანისთვის საკმარისია 0.5-დან 1.5 ლიტრამდე ტევადობის კონტეინერი. დიდი ოჯახებისთვის ან მათთვის, ვინც წვენს წინასწარ, დიდი რაოდენობით წურავს, უმჯობესია 3 ლიტრიანი ან მეტი მოცულობის მოდელის შერჩევა. ასევე, გაითვალისწინეთ ხილის ჩასაყრელი ხვრელის ზომა, რაც უფრო ფართოა, მით უფრო ნაკლებად დაგჭირდებათ ხილის ან ბოსტნეულის დაჭრა.
3. მასალა:
ხარისხიანი წვენსაწური უნდა იყოს დამზადებული გამძლე მასალისგან. საჭრელი დისკო ცენტრიდანულ მოდელებში ყოველთვის უჟანგავი ფოლადისგანაა დამზადებული. ყველაზე მნიშვნელოვანია, რომ წვენთან შეხებაში მყოფი პლასტმასის დეტალები იყოს BPA-Free, რაც აუცილებელია ჯანმრთელობისთვის.
როგორ გავწმინდოთ წვენსაწური სწორად?
წვენსაწურის ხანგრძლივი და ეფექტური მუშაობისთვის აუცილებელია მისი რეგულარული წმენდა. საუკეთესო ვარიანტია, მოწყობილობა გაიწმინდოს გამოყენებისთანავე, რათა ნარჩენები არ შეახმეს.
პროცესი მარტივია:
- დაშალეთ წვენსაწური და მოხსენით ყველა მოსახსნელი ნაწილი.
- ნარჩენები თბილი წყლით მოაცილეთ ნეიტრალური სარეცხი საშუალების გამოყენებით.
- განსაკუთრებული ყურადღება მიაქციეთ პრესსა და წვენსაწურ ბადეს. თუ სპეციალური ჯაგრისი არ მოჰყვა, შეგიძლიათ კბილის ჯაგრისიც გამოიყენოთ ბოჭკოს ნაწილაკების ამოსაღებად.
- აუცილებლად შეამოწმეთ ინსტრუქცია, ირეცხება თუ არა ნაწილები ჭურჭლის სარეცხ მანქანაში.
- საგულდაგულოდ გაამშრალეთ ყველა ნაწილი, სანამ ხელახლა ააწყობთ
ასევე, სასურველია, მოდელს ჰქონდეს წვეთების საწინააღმდეგო (Anti-Drip) სისტემა.
რატომ არის Kontakt.ge საუკეთესო ადგილი წვენსაწურის შესაძენად?
ჩვენ გვესმის, რომ საუკეთესო წვენსაწური არ არის მხოლოდ კარგი ტექნიკური მოწყობილობა. ეს არის სერვისისა და პირობების ერთობლიობა, რასაც ჩვენ გთავაზობთ:
- ოფიციალური გარანტია: ყველა ჩვენთან შეძენილი ელექტრო წვენსაწური თუ მსხვილი საყოფაცხოვრებო ტექნიკა მოწოდებულია მწარმოებლის ოფიციალური გარანტიით. ეს ნიშნავს, რომ თქვენ დაცული ხართ ნებისმიერი გაუთვალისწინებელი შემთხვევისგან და იღებთ ხარისხიან მომსახურებას.
- მრავალფეროვანი არჩევანი: ჩვენს ონლაინ მაღაზიაში წარმოდგენილია სამზარეულოს წვრილი ტექნიკის ფარტო ასორტიმენტი, პროდუქცია იხილეთ ბმულზე
- შიდა განვადება: თუ გსურთ მაღალი ხარისხის ტექნიკის შეძენა განვადებით, ჩვენი შიდა განვადების სისტემა იდეალურია, სრულიად უპროცენტოა და ვრცელდება 18 თვემდე ვადით, რაც მას უკონკურენტოს ხდის ქართულ ბაზარზე. ნებისმიერი საქართველოს მოქალაქე, 18 წლის ასაკიდან, მარტივად შეძლებს ისარგებლოს ამ პირობით.
- მაღალი ხარისხის მომსახურება და კონსულტაცია: ჩვენი კვალიფიცირებული გუნდი მზადაა, დაგეხმაროთ სწორი არჩევანის გაკეთებაში. იქნება ეს ხელის წვენსაწური ერთი ადამიანისთვის, თუ მძლავრი უნივერსალური წვენსაწური დიდი ოჯახისთვის, ჩვენი კონსულტანტები იპოვიან თქვენთვის საჭირო იდეალურ მოდელს.
- მიტანა მთელი საქართველოს მასშტაბით: თუ თქვენ მიერ შეძენილი ნივთის ღირებულება 100 ლარს აღემატება, ამ ნივთს თბილისსა და ბათუმში 2-3 სამუშაო დღეში სრულიად უფასოდ მოგიტანთ. საქართველოს სხვა რეგიონებში მიწოდებას 4-7 სამუშაო დღე სჭირდება, ხოლო რეგიონების შემთხვევაში ტრანსპორტირების ღირებულება დამოკიდებულია ნივთის პარამეტრებზე (ზომა, წონა).
შეიძინეთ სასურველი სამზარეულოს ტექნიკა Kontakt.ge -ზე და დაიწყეთ ჯანსაღი ცხოვრების წესი დღესვე!