მომსახურების ხელშეკრულება «ოქროს გარანტია ULTRA» ოფერტა

ოქროს გარანტია ULTRA

ერთი მხრივ შეზღუდული პასუხისმგებლობის საზოგადოება „ეი ბი სი - ტელეკომ კი“, მისი დირექტორის რადიგ ასგარლის სახით (შემდგომში - შემსრულებელი) და მეორე მხრივ პირი, რომელიც გახდა ამ ხელშეკრულების მხარე, მომსახურების შეძენის გზით (შემდგომში - კლიენტი) ამ ხელშკერულების ფარგლებში მოიხსენებიან, როგორც მხარეები. აფორმებენ წინამდებარე ხელშეკრულებას „ოქროს გარანტია ULTRA”.

1. ზოგადი დებულებები
   • ქვემოთ მოცემულია «ოქროს გარანტია ULTRA» - მომსახურების ხელშეკრულების სტანდარტული პირობები, რომლებიც განკუთვნილია კლიენტისთვის და ყველა იმ ფიზიკური ან/და იურიდიული პირისთვის, ვინც აპირებს შემსრულებლისგან შეიძინოს მომსახურება „ოქროს გარანტია ULTRA„ და ვისზეც ასევე გავრცელდება ხელშეკრულების ეს პირობები, თუკი მხარეები სხვაგვარად არ შეთანხმდებიან წერილობით, ორივე მხარის მიერ ხელმოწერილი ფორმით.
   • წინამდებარე ხელშეკრულების სტანდარტული პირობები წარმოადგენს მრავალჯერადი გამოყენებისთვის გამიზნულ პირობებს, რომელსაც შემსრულებელი უდგენს მეორე მხარეს. ამ პირობებზე თვალსაჩინო მითითება განთავსებულია შემსრულებლის ყველა მაღაზიაში და მომსახურების ღირებულების გადახდით, მეორე მხარე ადასტურებს, რომ გაეცნო და ეთანხმება ამ პირობებს.
   • საქართველოს სამოქალაქო კოდექსის 343-ე მუხლის თანახმად, ეს პირობები იქცევა შემსრულებელსა და კლიენტს შორის გაფორმებული ხელშეკრულების ნაწილად და იძენს სავალდებულო იურიდიულ ძალას, მაშინვე, როცა კლიენტი განახორციელებს ამ ხელშეკრულების 2.5 პუნქტით გათვალისწინებულ ქმედებებს, რაც ნიშნავს კლიენტის მიერ ხელშეკრულების ყველა პირობის სრულ და უპირობო მიღებას რაიმე გამონაკლისის ან/და შეზღუდვის გარეშე.

 

2. ხელშეკრულების საგანი.
   • ხელშეკრულების საგანია შემსრულებლის მიერ კლიენტისთვის მომსახურების "ოქროს გარანტია ULTRA" (შემდგომში „ოქროს გარანტია ULTRA“) მიწოდება, რაც გულისხმობს იმ მოწყობილობის შეცვლას, რომელიც მწყობრიდან გამოვიდა ამ ხელშეკრულებით განსაზღვრული რომელიმე მიზეზით ან/და რომლის შეცვლის სურვილიც აქვს კლიენტს.

ოქროს გარანტია ULTRA მოიცავს მოწყობილობის შეცვლას კლიენტისთვის ამ ხელშეკრულებით განსაზღვრული მოცულობის ფასდაკლების კუპონის გადაცემით, რომელიც იძლევა გაცვლის უფლებას ამ ხელშეკრულებით დადგენილი წესით და პირობებით. ოქროს გარანტია ULTRA-ს მომსახურება შეიძლება გამოყენებულ იქნას როგორც კლიენტის მწყობრიდან გამოსული მოწყობილობისთვის, ასევე კლიენტის პირადი თხოვნით, მიიღოს ფასდაკლება ამ ხელშეკრულებით გათვალისწინებული კუპონის საშუალებით.

• შემსრულებელი თავისუფლდება მოწყობილობის შეცვლის ვალდებულებისაგან, თუკი:
  • მოწყობილობა დაზიანებულია განზრახი ქმედებით, რომელიც მიზნად ისახავს ზიანის მიყენებას;
  • თუ არსებობს მოწყობილობის კლიენტის ან/და მესამე მხარის მხრიდან შეკეთების მცდელობის ნიშნები, რაზეც შემსრულებელს არ გაუცია თანხმობა.
• "ოქროს გარანტია ULTRA " მომსახურება არ ვრცელდება სახარჯ მასალებზე და აქსესუარებზე, ბატარეების გამოცვლაზე. "ოქროს გარანტია ULTRA"- ს მომსახურება არის ერთჯერადი ხასიათის. შემსრულებლის მიერ კლიენტის მოწყობილობის ჩანაცვლების შემთხვევაში, ხელშეკრულებით გათვალისწინებული მომსახურება ითვლება სათანადოდ გაწეულად და ხელმეორედ არ გაიწევა.
  • ხელშეკრულების ვადის გასვლის შემდეგ მომსახურება ითვლება შესრულებულად.
• „ოქროს გარანტია ULTRA“ მომსახურება გაიწევა შემდეგი პირობით

საქონლის / მოწყობილობის სახე	მომსახურების ღირებულება	მოქმედების ვადა
სმარტფონები, ტარებადი მოწყობილობები, პორტატული აკუსტიკა, ტელეფონები, კამერები, ლეპტოპები, სათამაშო კონსოლები, ტელევიზორები, ტაბლეტები, ელექტრონული წიგნები, გაჯეტები, ელექტრო მანქანები, მსხვილი საყოფაცხოვრებო ტექნიკა, მცირე საყოფაცხოვრებო ტექნიკა.	8% (რვა პროცენტი)	6 (ექვსი) თვე ყიდვის თარიღიდან.
სმარტფონები, ტარებადი მოწყობილობები, პორტატული აკუსტიკა, ტელეფონები, კამერები, ლეპტოპები, სათამაშო კონსოლები, ტელევიზორები, ტაბლეტები, ელექტრონული წიგნები, გაჯეტები, ელექტრო მანქანები, მსხვილი საყოფაცხოვრებო ტექნიკა, მცირე საყოფაცხოვრებო ტექნიკა.	14% (თოთხმეტი პროცენტი)	12 (თორმეტი) თვე ყიდვის თარიღიდან.

 

3. წინამდებარე ხელშეკრულებაში გამოყენებული ტერმინები და ცნებები:
   • შემსრულებელი - შეზღუდული პასუხისმგებლობის საზოგადოება "ეი ბი სი - ტელეკომ ჯი", რომლის ვებგვერდზე (www.kontakt.ge) განთავსებულია ამ ხელშეკრულების პირობები და რომლის მაღაზიებშიც, განთავსებულია ამ პირობებზე მითითება, სადაც კლიენტს ეძლევა მოწყობილობის შეძენისას ამ ხელშეკრულების დადების და ასევე მომსახურების მისაღებად მიმართვის შესაძლებლობა.
   • მაღაზია - სავაჭრო ქსელი "Kontakt Home".
   • კლიენტის მოწყობილობის ფასი უდრის მოწყობილობის ღირებულებას, რომელიც განისაზღვრება ქვითრ(ებ)ით.
   • შემთხვევა, რა დროსაც გაიწევა ოქროს გარანტია ULTRA სერვისი, წარმოადგენს მოწყობილობის რომელიმე კომპონენტის დეფექტის (მწყობრიდან გამოსვლის) შემთხვევას, მაგრამ არ შემოიფარგლება მხოლოდ შემდეგით:
     • მექანიკური დაზიანება, მათ შორის შემთხვევითი დაზიანება ჩვეულებრივი გამოყენების დროს;
     • დეფექტები, რომლებიც წარმოიქმნება საოპერაციო პირობების აშკარა დარღვევის შედეგად (მაგალითად, შიგნით სითხის მოხვედრა);
     • მავნე პროგრამული უზრუნველყოფის შედეგად გამოწვეული გაუმართაობა ("ვირუსი");
     • დაზიანება ღია ცეცხლთან კონტაქტის, ხანძრის, ანთების შედეგად.
   • კუპონი, რომელიც იძლევა გაცვლის უფლებას (შემდგომში „კუპონი“) - დადგენილი ნიმუშის რიცხვებისა და ასოების უნიკალური ნაკრები, ან შემსრულებლის მიერ განსაზღვრული სხვა ფორმის დოკუმენტი/ბარათი, გადაეცემა კლიენტს შემსრულებლის მიერ და აძლევს კლიენტს უფლებას გაცვალოს შემსრულებლისთვის გადაცემული მისი ყოფილი მოწყობილობა მაღაზიის საცალო ქსელში არსებულ ახალ მოწყობილობაში, ამ ხელშეკრულების პირობებით გათვალისწინებული ფასით.
   • კუპონის მოცულობა, რომელიც იძლევა გაცვლის უფლებას, რეგულირდება კლიენტის მიერ ოქროს გარანტია ULTRA მომსახურების მოთხოვნის თარიღის მიხედვით, კერძოდ:

კლიენტის მომართვის ვადა ხელშეკრულების ძალაში შესვლის მომენტიდან	კუპონის სახით შეთავაზებული, დაზიანებული მოწყობილობის ღირებულებიდან დაანგარიშებული ფასდაკლების ოდენობა ახალი მოწყობილობის შესაძენად
1-დან 90 დღემდე	75%
91-დან 180 დღემდე	65%
181-დან 270 დღემდე	60%
271 დღეს და შემდგომ	55%

 

• კლიენტის უფლება მოითხოვოს ამ ხელშეკრულებით გათვალისწინებული მომსახურება, წარმოიშობა მხოლოდ კლიენტის მიერ მოწყობილობის და მომსახურების შეძენიდან მე-15 დღეს. წინამდებარე ხელშეკრულება არ მოქმედებს და კლიენტს არ აქვს ამ ხელშეკრულების საფუძველზე მოწყობილობის გაცვლის მოთხოვნის უფლება მომსახურების შეძენიდან 14 (თოთხმეტი) დღის განმავლობაში.
• მომსახურება შემსრულებლის მიერ ხორციელდება მხოლოდ მას შემდეგ, რაც კლიენტი მიმართავს შემსრულებელს და გადასცემს მას მოწყობილობას, ამ ხელშეკრულებით დადგენილი წესით და პირობებით.
• ეს პირობები წარმოადგენს ხელშეკრულების სტანდარტულ პირობებს, საქართველოს სამოქალაქო კოდექსის 343-ე მუხლის თანახმად. კლიენტი ეთანხმება ხელშეკრულების ამ პირობებს და ეს პირობები ხდება კლიენტსა და შემსრულებელს შორის დადებული ხელშეკრულების ნაწილი მომსახურების შეძენაზე კლიენტის სიტყვიერი თანხმობის და შემსრულებლისთვის მომსახურების საფასურის გადახდის გზით, რაც ადასტურებს კლიენტის მიერ ამ ხელშეკრულების ყველა პირობის სრულ და უპირობო მიღებას.
• კლიენტს ეძლევა შესაძლებლობა გახდეს ამ ხელშეკრულების მხარე მაღაზიის საცალო ქსელში მოწყობილობის შეძენისას. კლიენტს შეუძლია გაეცნოს ხელშეკრულების პირობებს შემსრულებლის ვებგვერდზე www.kontakt.ge ან მისი მოთხოვნით, შემსრულებლის საცალო ვაჭრობის ქსელის ნებისმიერ მაღაზიაში. მაღაზიის თანამშრომლები, სანამ კლიენტი მიიღებს გადაწყვეტილებას გახდეს ამ ხელშეკრულების მხარე, აწვდიან კლიენტს მომსახურების შესახებ ყველა საჭირო ინფორმაციას და პასუხობენ კლიენტის ყველა კითხვას მომსახურებასთან დაკავშირებით. ხელშეკრულების დადებამდე თითოეულ კლიენტს ეძლევა შეუზღუდავი შესაძლებლობა გაეცნოს წინამდებარე ხელშეკრულების პირობებს მითითებულ ვებგვერდზე ან ნებისმიერი მოსახერხებელი ფორმით უშუალოდ მაღაზიაში. თუ პირი არ ეთანხმება ამ შეთანხმების პირობებს, მას აქვს უფლება არ გახდეს ამ ხელშეკრულების მხარე და არ გადაიხადოს შემსრულებლის მომსახურების ღირებულება.

 

4. მომსახურების გაწევის წესი
   • შემსრულებელს უფლება აქვს უზრუნველყოს მომსახურების გაწევა პირადად ან მესამე მხარის ჩართვით, რა შემთხვევაშიც კვლავ შემსრულებელი რჩება პასუხისმგებელი კლიენტის წინაშე ხელშეკრულების შესაბამისად მომსახურების სათანადო უზრუნველყოფაზე.
   • მომსახურების მიღების სურვილის შემთხვევაში, ხელშეკრულების 3.8 პუნქტით გათვალისწინებული საფუძვლების გათვალისწინებით, კლიენტი:
   • მიმართავს მაღაზიას მოწყობილობის შეცვლის მოთხოვნით.

შესაცვლელ მოწყობილობასთან ერთად, კლიენტი წარადგენს შემდეგ დოკუმენტებს:

ქვითრის დედანს, რომელიც ადასტურებს მოწყობილობისა და მომსახურების საფასურის გადახდას (თუ მოწყობილობის გადახდა ნაწილ-ნაწილ მოხდა, კლიენტმა უნდა წარადგინოს ყველა ქვითრის დედანი).

• კლიენტის მოქმედებების სქემა:
  • მოწყობილობა მიიღება სრული კომპლექტაციით, საფუთავთან ერთად. მოწყობილობის გადაცემამდე კლიენტი ვალდებულია მოამზადოს მოწყობილობა, მათ შორის განახორციელოს შემდეგი მოქმედებები: ყველა ანგარიშიდან გასვლა, მოწყობილობაზე პაროლების მოხსნა, სიმ ბარათებისა და მეხსიერების ბარათების ამოღება და სხვა ღონისძიებების გატარება, რაც გათვალისწინებულია მწარმოებლის საგარანტიო პირობებით. საჭიროების შემთხვევაში, რეკომენდებულია მოწყობილობის მეხსიერებაში შენახული ყველა მონაცემისა და ინფორმაციის კოპირება, მათ შორის დოკუმენტები, ფოტოები, მუსიკალური ფაილები და ა.შ.. თუ მოწყობილობის მომზადების პროცედურა არ არის დაცული, კლიენტი პასუხისმგებელია ამასთან დაკავშირებულ ყველა შესაძლო უარყოფით შედეგზე. შემსრულებელი არ არის პასუხისმგებელი SIM ბარათის ან მეხსიერების ბარათის შენახვაზე, რომელიც შეცდომით დაბრუნდა ან დარჩა მოწყობილობაში ან/და იმ მონაცემების შესაძლო დაკარგვაზე, რაც ინახებოდა მოწყობილობის მეხსიერებაში, მათ შორის მელოდიების, სურათების, პროგრამების, აპლიკაციებისა და სხვა ინფორმაციის.
  • კლიენტს შეუძლია მიიღოს ყველა საჭირო დამატებითი ინფორმაცია ამ ხელშეკრულებით გათვალისწინებული უფლებების განხორციელებასთან დაკავშირებით მაღაზიაში ან/და ვებგვერდზე kontakt.ge.
  • მომსახურების ცენტრების, სარემონტო კომპანიების და სხვა დაწესებულებებისგან კლიენტის მიერ დამოუკიდებლად მიღებული ნებისმიერი დასკვნა არ აკისრებს შემსრულებელს რაიმე ვალდებულებას კლიენტის მოწყობილობასთან დაკავშირებით, მოწყობილობა ნებისმიერ შემთხვევაში ექვემდებარება დიაგნოსტიკას შემსრულებლის მიერ. შემსრულებელმა შესაძლოა, საკუთარი შეხედულებისამებრ, გაითვალისწინოს ისინი წინამდებარე ხელშეკრულებით გათვალისწინებული მომსახურების გაწევისას.
• თუ კლიენტი ვერ შეასრულებს ხელშეკრულების 4.4 პუნქტით განსაზღვრულ ყველა პირობას, შემსრულებელს უფლება აქვს უარი თქვას კლიენტისთვის ოქროს გარანტია ULTRA - ს მომსახურების გაწევაზე. მას შემდეგ, რაც კლიენტი შეასრულებს ხელშეკრულების 4.4 პუნქტით განსაზღვრულ ყველა მოთხოვნას, კლიენტს შეუძლია ხელახლა მიმართოს შემსრულებელს, თუ ოქროს გარანტია ULTRA სერვისი ჯერ არ არის გაწეული შემსრულებლის მიერ. თუ კლიენტმა სრულად არ შეასრულა ხელშეკრულების 4.4 პუნქტის ყველა მოთხოვნა, შემსრულებელი უბრუნებს მიღებულ მოწყობილობას კლიენტს და უარს ეუბნება მას.
• დოკუმენტს და საფუძველს, რომელიც ადასტურებს კლიენტის მიერ შემსრულებელისთვის მოწყობილობის გადაცემას და მოწყობილობის მდგომარეობას, წარმოადგენს მოწყობილობის მიღება-ჩაბარების აქტი (დანართი N1).
• მოწყობილობის შეცვლის შესახებ გადაწყვეტილებას იღებს შემსრულებელი კლიენტისგან მოწყობილობის და შესაბამისი დოკუმენტაციის მიღებიდან 2 (ორი) სამუშაო დღის განმავლობაში. ამის შესახებ ეცნობება კლიენტს SMS შეტყობინებით ან შემსრულებლისთვის მოსახერხებელი სხვა გზით შეცვლის შესახებ განაცხადში მითითებულ კლიენტის საკონტაქტო ნომერზე.
• კუპონი მოქმედებს კლიენტის მიერ მისი მიღებიდან 90 (ოთხმოცდაათი) დღის განმავლობაში. როდესაც კლიენტი იღებს ახალ მოწყობილობას მაღაზიაში, წინამდებარე ხელშეკრულებიდან გამომდინარე შემსრულებლის ვალდებულებები სრულად ითვლება შესრულებულად და კლიენტის მიერ შემსრულებლისთვის გადაცემული მოწყობილობა ხდება შემსრულებლის საკუთრება.
• კლიენტს შეუძლია უარი თქვას თავისი მოწყობილობის გაცვლაზე და დაიბრუნოს მოწყობილობა კუპონის მიღებიდან 2 (ორი) სამუშაო დღის განმავლობაში, რა შემთხვევაშიც მოწყობილობის გაცვლის უფლება უქმდება შემსრულებლის მიერ. თუ კლიენტი უარს იტყვის მოწყობილობის გაცვლის უფლებაზე, წინამდებარე ხელშეკრულებით გათვალისწინებული შემსრულებლის მომსახურება ითვლება სრული მოცულობით შესრულებულად.
• კლიენტის მიერ ხელშეკრულების ამ პუნქტით განსაზღვრული უარის თქმის ვადის დარღვევის შემთხვევაში, უარი არ მიიღება და მოწყობილობა არ დაბრუნდება.

 

5. მომსახურების ფასი და გადახდის პროცედურა
   • ამ ხელშეკრულების 2. პუნქტში მითითებული შემსრულებლის მომსახურების ფასი გადაიხდება კლიენტის მიერ მაღაზიის სალაროში და მოწყობილობის და მომსახურების შეძენისას ადასტურებს კლიენტის მიერ ამ ხელშეკრულების დადებას.

 

6. მოწყობილობის და ხელშეკრულების იდენტიფიკაცია
   • მას შემდეგ, რაც კლიენტი გახდება ამ ხელშეკრულების მხარე, შემსრულებლის მონაცემთა ბაზაში იქმნება უნიკალური ინდივიდუალური ნომერი (შემდგომში ID), რომლითაც მომავალში იდენტიფიცირდება ამ ხელშეკრულებით გათვალისწინებული მოწყობილობა.

 

7. ხელშეკრულების მოქმედების ვადა
   • ხელშეკრულების მოქმედების ვადა იწყება კლიენტის მიერ მოწყობილობის და მომსახურების შეძენის მომენტიდან და გრძელდება იმ პერიოდის განმავლობაში, რაც შეესაბამება კლიენტის მიერ გადახდილ მომსახურების ღირებულებას ხელშეკრულების 2.1. პუნქტში მოცემული "მომსახურების გაწევის ფასების და პირობების“ საფუძველზე ან ოქროს გარანტია ULTRA მომსახურების რეალურად გაწევის მომენტამდე. თუმცა, შემსრულებლის მიერ ამ ხელშეკრულებით გათვალისწინებული მომსახურების გაწევის ვალდებულება ძალაში შედის კლიენტის მიერ მოწყობილობის და მომსახურების შეძენის მომენტიდან 14 (თოთხმეტი) დღის გასვლის შემდეგ ამ ხელშეკრულების 2.3 პუნქტის შესაბამისად.

 

8. მხარეთა პასუხისმგებლობა და დავების გადაწყვეტა
   • წინამდებარე ხელშეკრულება განიმარტება და რეგულირდება საქართველოს მოქმედი კანონმდებლობის შესაბამისად.
   • ნებისმიერი დავა და უთანხმოება, რომელიც პირდაპირ ან არაპირდაპირ უკავშირდება ან წარმოიშობა წინამდებარე ხელშეკრულებიდან, პირველ რიგში უნდა მოგვარდეს მოლაპარაკებების გზით.
   • ნებისმიერი დავა, რომელიც წარმოიშობა წინამდებარე ხელშეკრულებიდან გამომდინარე ან/და მასთან დაკავშირებით და ვერ გადაწყდება მხარეთა შორის მოლაპარაკებების გზით, გადაეცემა განსახილველად და საბოლოო გადაწყვეტილებას მისაღებად საქართველოს საერთო სასამართლოებს საქართველოს მოქმედი კანონმდებლობის შესაბამისად.
9. ხელშეკრულების სხვა პირობები
   • წინამდებარე ხელშეკრულებით გათვალისწინებული შემსრულებლის ვალდებულებები არ წარმოადგენს მწარმოებლის ან გამყიდველის საგარანტიო ვალდებულებებს.
   • ეს ხელშეკრულება მოქმედებს მხოლოდ საქართველოს ტერიტორიაზე.
   • შემსრულებელი დამოუკიდებლად განსაზღვრავს ხელშეკრულების პირობებს საქართველოს მოქმედი კანონმდებლობის შესაბამისად. ხელშეკრულების პირობები შეიძლება შეიცვალოს შემსრულებლის მიერ, თუმცა, თითოეულ კლიენტთან მიმართებაში, ძალაშია ხელშეკრულების ის ვერსია, რომელიც მოქმედებს ამ ხელშეკრულების გაფორმებისას. ხელშეკრულების ასეთი ვერსია ძალაშია ხელშეკრულების ვადის გასვლამდე ამ ხელშეკრულების მე-6 ნაწილის დებულებების შესაბამისად. შემსრულებელს უფლება აქვს წინამდებარე ხელშეკრულებით განსაზღვრული თავისი უფლებები და მოვალეობები გადასცეს სხვა პირს კლიენტის წინასწარი თანხმობის გარეშე.
   • კლიენტი თანახმაა შემსრულებლისთვის და პარტნიორისათვის მიწოდებული მისი პერსონალური მონაცემების დამუშავებაზე "პერსონალურ მონაცემთა დაცვის შესახებ" საქართველოს კანონის მოთხოვნების შესაბამისად. კლიენტი პასუხისმგებელია მის მიერ მითითებული ყველა მონაცემის სიზუსტეზე. წინამდებარე ხელშეკრულების განხორციელებასთან დაკავშირებული ყველა სადავო საკითხი წყდება მხარეთა მიერ კლიენტის მიერ მითითებული პერსონალური მონაცემების გამოყენებით.

 

10. დანართები
    • ამ ხელშეკრულებას თან ერთვის შემდეგი დანართები, რომლებიც მისი განუყოფელი ნაწილია:
      • დანართი N1 "მოწყობილობის მიღება-გადაცემის აქტის ნიმუში".