მომსახურების ხელშეკრულება «ოქროს გარანტია +

მომსახურების ხელშეკრულება «ოქროს გარანტია +»

ქ. თბილისი

ერთი მხრივ, შეზღუდული პასუხისმგებლობის საზოგადოება «ეი ბი სი - ტელეკომ ჯი», დირექტორის რადიგ ასგარლის სახით (შემდგომში - შემსრულებელი) და მეორე მხრივ,  პირი, რომელიც გახდა ამ ხელშეკრულების მხარე ამ ხელშეკრულებით გათვალისწინებული მომსახურების შეძენის გზით (შემდგომში - კლიენტი), შემდგომში ერთად მოხსენიებულნი როგორც მხარეები, ხოლო ცალ-ცალკე - როგორც მხარე, აფორმებენ წინამდებარე ხელშეკრულებას  «ოქროს გარანტია +» მომსახურების გაწევაზე (შემდგომში - ხელშეკრულება) შემდეგზე:

1. ზოგადი დებულებები.

1.1. ქვემოთ მოცემულია «ოქროს გარანტია +» - მომსახურების ხელშეკრულების სტანდარტული პირობები, რომლებიც განკუთვნილია კლიენტისთვის და ყველა იმ ფიზიკური ან/და იურიდიული პირისთვის, ვინც აპირებს შემსრულებლისგან შეიძინოს მომსახურება „ოქროს გარანტია +„ და ვისზეც ასევე გავრცელდება ხელშეკრულების ეს პირობები, თუკი მხარეთა შორის რაიმე სხვაგვარად არ შეთანხმდება წერილობით და ორივე მხარის მიერ ხელმოწერილი ფორმით.

1.2. წინამდებარე ხელშეკრულების სტანდარტული პირობები წარმოადგენს მრავალჯერადი გამოყენებისთვის გამიზნულ პირობებს, რომელსაც შემსრულებელი უდგენს მეორე მხარეს. ამ პირობებზე თვალსაჩინო მითითება განთავსებულია შემსრულებლის ყველა მაღაზიაში და მომსახურების ღირებულების გადახდით, მეორე მხარე ადასტურებს, რომ გაეცნო და ეთანხმება ამ პირობებს. 

1.3. საქართველოს სამოქალაქო კოდექსის 343-ე მუხლის თანახმად, ეს პირობები იქცევა შემსრულებელსა და კლიენტს შორის გაფორმებული ხელშეკრულების ნაწილად და იძენს სავალდებულო იურიდიულ ძალას, მაშინვე, როცა კლიენტი განახორციელებს ამ ხელშეკრულების 2.4 პუნქტით გათვალისწინებულ  ქმედებებს, რაც ნიშნავს კლიენტის მიერ ხელშეკრულების ყველა პირობის სრულ და უპირობო მიღებას რაიმე გამონაკლისის ან/და შეზღუდვის გარეშე.

2. ხელშეკრულების საგანი. ტერმინების განსაზღვრა.

2.1. ხელშეკრულების საგანია შემსრულებლის მიერ კლიენტისთვის მომსახურების "ოქროს გარანტია + " (შემდგომში „ოქროს გარანტია +“) მიწოდებას, რაც გულისხმობს გახანგრძლივებულ საგარანტიო მომსახურების სერვისებს და განისაზღვრება, როგორც საგარანტიო ვადის დასრულების შემდგომ იმ მოწყობილობის შეკეთება და მისი ტექნიკური მომსახურება (პროგრამული უზრუნველყოფის განახლება და სხვა), რომელიც მწყობრიდან გამოვიდა იმ მიზეზების გამო, რომლებიც ექვემდებარება მწარმოებლების გარანტიას (აკმაყოფილებს საგარანტიო მომსახურების ყველა პირობას). ოქროს გარანტია + მოიცავს მოწყობილობის დიაგნოსტიკას და გაუმართაობის ტიპიდან გამომდინარე, შესაძლო გაუმართაობის (დეფექტების) აღმოფხვრას, ნაწილების შეცვლას ან თავად მოწყობილობის შეცვლას კლიენტისთვის ფასდაკლების კუპონის გაგზავნით მოწყობილობის პირვანდელი ღირებულების ოდენობით, რომელიც იძლევა გაცვლის უფლებას ამ ხელშეკრულების წესით და პირობებით. ოქროს გარანტია + ვრცელდება კლიენტის გაუმართავ მოწყობილობაზე, მხოლოდ იმ შემთხვევაში როცა:

გაუმართაობის მიზეზები ექვემდებარება მწარმოებლის გარანტიას და მასზე სრულად გავრცელდებოდა მწარმოებლის გარანტია, ეს მიზეზები საგარანტიო ვადის განმავლობაში რომ წარმოშობილიყო.

შემსრულებელი თავისუფლდება მოწყობილობის შეცვლის / შეკეთების ვალდებულებისაგან:

- მექანიკური დაზიანების, კერძოდ დარტყმების, ნაკაწრებისა და ღარების, მექანიკური ზემოქმედების შედეგად წარმოქმნილი ბზარების არსებობისას;

- მოწყობილობის შიგნით სითხის მოხვედრისას;

- მოწყობილობის ექსპლუატაციის წესების დარღვევისას ან როდესაც სახეზეა მოწყობილობის თვითშეკეთების ან / და ნებისმიერი იმ მესამე პირის მხრიდან შეკეთების მცდელობის ნიშნები, რომელსაც არ მიუღია შემსრულებლის თანხმობა შეკეთების განსახორციელებლად.

"ოქროს გარანტია + " მომსახურება არ ვრცელდება სახარჯ მასალებზე და აქსესუარებზე, ბატარეების შეკეთებაზე/გამოცვლაზე. "ოქროს გარანტია + "- ს მომსახურება არის ერთჯერადი ხასიათის, შემსრულებლის მიერ კლიენტის მოწყობილობის შეკეთების ან ჩანაცვლების შემთხვევაში, ხელშეკრულებით გათვალისწინებული მომსახურება ითვლება სათანადოდ გაწეულად და ხელმეორედ არ გაიწევა.

ხელშეკრულების ვადის გასვლის შემდეგ მომსახურება ითვლება შესრულებულად.

„ოქროს გარანტია +“ მომსახურება გაიწევა შემდეგი პირობით
საქონლის / მოწყობილობის სახე	მომსახურების ღირებულება	მოქმედების ვადა
სმარტფონები, ტარებადი მოწყობილობები, პორტატული აკუსტიკა, ტელეფონები, კამერები, ლეპტოპები, სათამაშო კონსოლები, ტელევიზორები, ტაბლეტები, ელექტრონული წიგნები, გაჯეტები, ელექტრო მანქანები, KBT, მცირე საყოფაცხოვრებო ტექნიკა, ავეჯი	6% (ექვსი პროცენტი)	1 (ერთი) წელი მწარმოებლის გარანტიის ამოწურვის შემდგომ, მაგრამ არაუმეტეს 730 დღე ყიდვის დღიდან.
სმარტფონები, ტარებადი მოწყობილობები, პორტატული აკუსტიკა, ტელეფონები, კამერები, ლეპტოპები, სათამაშო კონსოლები, ტელევიზორები, ტაბლეტები, ელექტრონული წიგნები, გაჯეტები, ელექტრო მანქანები, KBT, მცირე საყოფაცხოვრებო ტექნიკა, ავეჯი	10% (ათი პროცენტი)	2 (ორი) წელი მწარმოებლის გარანტიის ამოწურვის შემდგომ, მაგრამ არაუმეტეს 1095 დღე ყიდვის დღიდან.

 

2.2. წინამდებარე ხელშეკრულებაში გამოყენებული ტერმინები და ცნებები:

2.2.1 შემსრულებელი - შეზღუდული პასუხისმგებლობის საზოგადოება "ეი ბი სი - ტელეკომ ჯი", რომლის ვებგვერდზე (www.kontat.ge) განთავსებულია ამ ხელშეკრულების პირობები და რომლის მაღაზიებშიც, განთავსებულია ამ პირობებზე მითითება, სადაც კლიენტს ეძლევა მოწყობილობის შეძენისას ამ ხელშეკრულების დადების და ასევე მომსახურების მისაღებად მიმართვის შესაძლებლობა.

2.2.2. მაღაზია -  სავაჭრო ქსელი "Kontakt Home".

2.2.3. კლიენტის მოწყობილობის ფასი უდრის მოწყობილობის ღირებულებას, რომელიც განისაზღვრება ქვითრით (ებით).

2.2.4. ექსპლუატაციის საგარანტიო პერიოდი - პერიოდი, რომლის განმავლობაშიც მწარმოებელი იღებს საგარანტიო ვალდებულებებს მოწყობილობაზე, მათ შორის მის კომპონენტებსა და შემდგენელ ნაწილებზე, იმ პირობით, რომ მოწყობილობა გამოიყენება დანიშნულებისამებრ და მომხმარებელი დაიცავს მოწყობილობის მწარმოებლის მიერ დადგენილ ექსპლუატაციის წესებს.

2.2.5. შემთხვევა, რომლისთვისაც გაიწევა ოქროს გარანტია + მომსახურება, წარმოადგენს მოწყობილობის რომელიმე კომპონენტის ისეთ დეფექტს (მუშა მდგომარეობიდან გამოსვლა), რომელიც აღიარებულია როგორც მწარმოებლის დეფექტი. ასეთ შემთხვევას არ წარმოადგენს და მომსახურება არ გაიწევა შემდეგი რომელიმე გარემოების არსებობისას:

- მექანიკური დაზიანება, მათ შორის შემთხვევითი დაზიანება, რომლის მიზეზია არასწორი კომპონენტების ან/და ისეთი დამატებითი მოწყობილობის გამოყენება, რომელიც არ წარმოადგენს მოწყობილობის შემადგენელ ნაწილს;

- მოწყობილობის მომსახურება და მოდიფიკაცია მწარმოებლის არაავტორიზებულ სერვის ცენტრში;

- დეფექტები, რომლებიც წარმოიქმნება ექსპლუატაციის პირობების აშკარა დარღვევის შედეგად (მაგალითად, შიგნით სითხის მოხვედრა);

- დეფექტები, რომლებიც გაჩნდა მოწყობილობის ნორმალური მოხმარებისა და დაძველებისას (სახარჯი მასალები);

- მავნე პროგრამული უზრუნველყოფის შედეგად გამოწვეული გაუმართაობა ("ვირუსი");

- პროგრამული უზრუნველყოფის, მოწყობილობების, დაკავშირებული მასალების ან სხვა ისეთი კომპონენტების გამოყენების შედეგად წარმოშობილი დეფექტები, რომლებიც არ შედიოდა მოწყობილობის ძირითად კომპლექტაციაში;

- ხარვეზები სახარჯ მასალებში (დამტენი, ყურსასმენი, ბატარეა) და ა.შ.

2.2.6. კუპონი, რომელიც იძლევა გაცვლის უფლებას (შემდგომში „კუპონი“) - დადგენილი ნიმუშის რიცხვებისა და ასოების უნიკალური ნაკრები, ან შემსრულებლის მიერ განსაზღვრული სხვა ფორმის დოკუმენტი/ბარათი, რომელიც ეგზავნება კლიენტს შემსრულებლის მიერ და აძლევს მას უფლებას გაცვალოს მისი ის მოწყობილობა, რომელიც შესაკეთებლად გადაცემული ჰქონდა შემსრულებელს და რომლის შეკეთება შეუძლებელია - მაღაზიის საცალო ქსელში არსებულ ახალ მოწყობილობაში, რომლის ღირებულება ტოლია კლიენტის მოწყობილობის ღირებულების.

2.3. მომსახურება შემსრულებლის მიერ ხორციელდება მხოლოდ მას შემდეგ, რაც კლიენტმა მიმართა შემსრულებელს და მან მიიღო კლიენტისგან მოწყობილობა ამ ხელშეკრულებით დადგენილი წესით და პირობებით.

2.4 ეს პირობები წარმოადგენს ხელშეკრულების სტანდარტულ პირობებს, საქართველოს სამოქალაქო კოდექსის 343-ე მუხლის თანახმად. კლიენტი ეთანხმება ხელშეკრულების ამ პირობებს და ეს პირობები ხდება კლიენტსა და შემსრულებელს შორის დადებული ხელშეკრულების ნაწილი მომსახურების შეძენაზე კლიენტის სიტყვიერი თანხმობის და შემსრულებლისთვის მომსახურების საფასურის გადახდის გზით, რაც ადასტურებს კლიენტის მიერ ამ ხელშეკრულების ყველა პირობის სრულ და უპირობო მიღებას.

2.5. კლიენტს ეძლევა შესაძლებლობა გახდეს ამ ხელშეკრულების მხარე მაღაზიის საცალო ქსელში მოწყობილობის შეძენისას. კლიენტს შეუძლია გაეცნოს ხელშეკრულების პირობებს შემსრულებლის ვებგვერდზე www.kontat.ge ან მისი მოთხოვნით, შემსრულებლის საცალო ვაჭრობის ქსელის ნებისმიერ მაღაზიაში. მაღაზიის თანამშრომლები, სანამ კლიენტი მიიღებს გადაწყვეტილებას გახდეს ამ ხელშეკრულების მხარე, აწვდიან კლიენტს მომსახურების შესახებ ყველა საჭირო ინფორმაციას და პასუხობენ კლიენტის ყველა კითხვას მომსახურებასთან დაკავშირებით. ხელშეკრულების დადებამდე თითოეულ კლიენტს ეძლევა შეუზღუდავი შესაძლებლობა გაეცნოს წინამდებარე ხელშეკრულების პირობებს მითითებულ ვებგვერდზე ან ნებისმიერი მოსახერხებელი ფორმით უშუალოდ მაღაზიაში. თუ პირი არ ეთანხმება ამ შეთანხმების პირობებს, მას აქვს უფლება არ გახდეს ამ ხელშეკრულების მხარე და არ გადაიხადოს შემსრულებლის მომსახურების ღირებულება.

 

3. მომსახურების გაწევის წესი

3.1. შემსრულებელს უფლება აქვს უზრუნველყოს მომსახურების გაწევა პირადად ან მესამე მხარის ჩართვით მომსახურების გაწევისას, ამასთან შემსრულებელი კვლავ პასუხისმგებელია კლიენტის წინაშე ხელშეკრულების შესაბამისად მომსახურების სათანადო უზრუნველყოფაზე.

3.2. მომსახურების მიღების სურვილის შემთხვევაში, ხელშეკრულების 2.3 პუნქტით გათვალისწინებული საფუძვლების გათვალისწინებით, კლიენტი:

3.2.1. მიმართავს მაღაზიას მოწყობილობის შეკეთების მოთხოვნით.

შესაკეთებელ მოწყობილობასთან ერთად, კლიენტი წარადგენს შემდეგ დოკუმენტებს:

- სერტიფიკატს (დანართი #1);

- მოწყობილობის საგარანტიო ტალონის ორიგინალს  (მოწყობილობის მწარმოებლისგან);

- ქვითრის დედანს, რომელიც ადასტურებს მოწყობილობისა და მომსახურების საფასურის გადახდას (თუ მოწყობილობის გადახდა ნაწილ-ნაწილ მოხდა, კლიენტმა უნდა წარადგინოს ყველა ქვითრის დედანი).

- მოწყობილობის საექსპლუატაციო დოკუმენტები, ასეთის არსებობის შემთხვევაში.

3.2.2. კლიენტის მოქმედებების სქემა:

3.2.3. მოწყობილობა მიიღება სრული კომპლექტაციით, საფუთავთან ერთად. მოწყობილობის გადაცემამდე კლიენტი ვალდებულია მოამზადოს მოწყობილობა, მათ შორის განახორციელოს შემდეგი მოქმედებები: ყველა ანგარიშიდან გასვლა, მოწყობილობაზე პაროლების მოხსნა, სიმ ბარათებისა და მეხსიერების ბარათების ამოღება და სხვა ღონისძიებების გატარება, რაც გათვალისწინებულია მწარმოებლის საგარანტიო პირობებით. საჭიროების შემთხვევაში, რეკომენდებულია მოწყობილობის მეხსიერებაში შენახული ყველა მონაცემისა და ინფორმაციის კოპირება, მათ შორის დოკუმენტები, ფოტოები, მუსიკალური ფაილები და ა.შ.. თუ მოწყობილობის მომზადების პროცედურა არ არის დაცული, კლიენტი პასუხისმგებელია ამასთან დაკავშირებულ ყველა შესაძლო უარყოფით შედეგზე. შემსრულებელი არ არის პასუხისმგებელი SIM ბარათის ან მეხსიერების ბარათის შენახვაზე, რომელიც შეცდომით დაბრუნდა ან დარჩა მოწყობილობაში ან/და იმ მონაცემების შესაძლო დაკარგვაზე, რაც ინახებოდა მოწყობილობის მეხსიერებაში, მათ შორის მელოდიების, სურათების, პროგრამების, აპლიკაციებისა და სხვა ინფორმაციის.

კლიენტს შეუძლია მიიღოს ყველა საჭირო დამატებითი ინფორმაცია ამ ხელშეკრულებით გათვალისწინებული უფლებების განხორციელებასთან დაკავშირებით მაღაზიაში ან/და ვებგვერდზე www.kontat.ge.

მომსახურების ცენტრების, სარემონტო კომპანიების და სხვა დაწესებულებებისგან კლიენტის მიერ დამოუკიდებლად მიღებული ნებისმიერი დასკვნა არ აკისრებს შემსრულებელს რაიმე ვალდებულებას კლიენტის მოწყობილობასთან დაკავშირებით, მოწყობილობა ნებისმიერ შემთხვევაში ექვემდებარება დიაგნოსტიკას შემსრულებლის მიერ. შემსრულებელმა შესაძლოა, საკუთარი შეხედულებისამებრ, გაითვალისწინოს ისინი წინამდებარე ხელშეკრულებით გათვალისწინებული მომსახურების გაწევისას.

კლიენტის მიერ გადაცემულ მოწყობილობას არ უნდა ჰქონდეს რაიმე სახის მექანიკურ დაზიანებას (მათ შორის და არა მხოლოდ: სითხის მოხვედრა, შემადგენელი ნაწილების მექანიკური დაზიანება და ა.შ) და უნდა იყოს შეკეთებადი.

3.3. თუ კლიენტი ვერ შეასრულებს ხელშეკრულების 3.2 პუნქტით განსაზღვრულ ყველა პირობას, შემსრულებელს უფლება აქვს უარი თქვას კლიენტისთვის ოქროს გარანტია + მომსახურების გაწევაზე. მას შემდეგ, რაც კლიენტი შეასრულებს ხელშეკრულების 3.2 პუნქტით განსაზღვრულ ყველა მოთხოვნას, კლიენტს შეუძლია ხელახლა მიმართოს შემსრულებელს, თუ ოქროს გარანტია +  სერვისი ჯერ არ არის გაწეული შემსრულებლის მიერ. თუ კლიენტმა სრულად არ შეასრულა ხელშეკრულების 3.2 პუნქტის ყველა მოთხოვნა, შემსრულებელი უბრუნებს მიღებულ მოწყობილობას კლიენტს და უარს ამბობს მოწყობილობის შეკეთებაზე.

3.4. დოკუმენტი და საფუძველი, რომელიც ადასტურებს კლიენტის მიერ შემსრულებელისთვის მოწყობილობის გადაცემას და მოწყობილობის მდგომარეობას წარმოადგენს მოწყობილობის მიღება-ჩაბარების აქტი (დანართი N2).

3.5. ხელშეკრულების 3.2. პუნქტის შესაბამისად,  კლიენტისგან შესაკეთებელი მოწყობილობის და ყველა საჭირო დოკუმენტის მიღებიდან 7 (შვიდი) კალენდარული დღის განმავლობაში, შემსრულებელმა (შემსრულებლის თანამშრომლებმა ან შემსრულებლის მიერ სათანადო წესით უფლებამოსილმა პირებმა) უნდა შეამოწმონ მოწყობილობის შესაბამისობა 3.2 პუნქტთან.

3.6. მოწყობილობის შემოწმების შემდეგ, შემსრულებელი იღებს გადაწყვეტილებას მოწყობილობის შეკეთების ან მისი შეცვლის შესახებ ან უარს ამბობს მომსახურებაზე.

3.7. მოწყობილობის შეკეთების შესახებ გადაწყვეტილების მიღების შემდეგ, შემსრულებელი განაგრძობს მომსახურების გაწევას მოწყობილობის შეკეთების გზით. მოწყობილობის შეკეთება ხორციელდება შემსრულებლის მიერ შეკეთების შესახებ გადაწყვეტილების მიღებიდან არა უმეტეს 30 (ოცდაათი) კალენდარული დღის განმავლობაში. თუ შეკეთების დროს დადგინდა, რომ სახეზეა არასაგარანტიო შემთხვევა (მოწყობილობა მწყობრიდან გამოვიდა არა მწარმოებლის ბრალით), კლიენტი კარგავს  შეკეთების უფლებას.

3.8. სარემონტო სამუშაოების დასრულების შემდეგ, შემსრულებელი უგზავნის შეკეთებულ მოწყობილობას კლიენტს იმ მაღაზიაში, სადაც კლიენტმა ჩააბარა მოწყობილობა.

3.9. შემსრულებლის მიერ კლიენტისათვის მოწყობილობის გადაცემის დამადასტურებელი დოკუმენტი და საფუძველი არის მოწყობილობის მიღება-ჩაბარების აქტი (ხელშეკრულების დანართი N2).

3.10.   იმ შემთხვევაში, თუ კლიენტი არ გამოჩნდა თავისი მოწყობილობის წასაღებად 30 კალენდარულ დღეზე მეტი ხნის განმავლობაში და / ან კლიენტისთვის გაგზავნილი მოწყობილობა დაუბრუნდა მაღაზიას, მოწყობილობა ექვემდებარება გაყიდვას. გაყიდვიდან მიღებული თანხით შემსრულებელი ფარავს მისი გაყიდვისა და შენახვის ხარჯებს, დარჩენილი თანხა კი გაიცემა კლიენტზე მისი მომართვის შემდეგ.

3.11. წინამდებარე ხელშეკრულების თანახმად, შემსრულებელს უფლება აქვს შეცვალოს კლიენტის მოწყობილობა მხოლოდ ისეთი ქარხნული დეფექტის შემთხვევაში, რომელიც არ ექვემდებარება შეკეთებას.

თუ სერვის ცენტრიდან მოწყობილობის წამოღების მერე შემოწმების დროს დადგინდა, რომ კლიენტის მიერ გაცხადებული დეფექტი კვლავ სახეზეა, ასეთი საქონელი კვლავ იგზავნება ოქროს გარანტია + სერვისის განსახორციელებლად. მას შემდეგ რაც მოხდება განმეორებითი დიაგნოსტიკა და დადასტურდება ქარხნული დეფექტი და მისი შეკეთების შეუძლებლობა - კლიენტს ეძლევა ფასდაკლების კუპონი მოწყობილობის პირვანდელი ღირებულების ოდენობით, რაც იძლევა გაცვლის უფლებას წინამდებარე ხელშეკრულების წესით და პირობებით.

3.12. მოწყობილობის შეცვლის შესახებ გადაწყვეტილებას იღებს შემსრულებელი და ეს ეცნობება კლიენტს SMS შეტყობინებით ან სხვა ტექნიკური საშუალებით შეკეთების / შეცვლის განაცხადში კლიენტის მიერ მითითებულ საკონტაქტო ნომერზე. როდესაც მიიღება გადაწყვეტილება მოწყობილობის შეცვლის შესახებ, შესაცვლელ მოწყობილობაზე საკუთრების უფლება გადადის შემსრულებელზე.

3.13. შემსრულებელი ცვლის მოწყობილობას კლიენტის მიერ მიღებული, ხელშეკრულების 3.12 პუნქტში მითითებული SMS შეტყობინების საფუძველზე, რომელიც კლიენტს აძლევს უფლებას მიიღოს ახალი მოწყობილობა შემსრულებლის ქსელში.

3.14. გაცვლის კუპონი აძლევს კლიენტს უფლებას შემსრულებლის საცალო ქსელში შეცვალოს მოწყობილობა,  რომელიც მწყობრიდან გამოვიდა და გადაეცა შემსრულებელს, ტოლი ღირებულების ახალი მოწყობილობით. ახალი მოწყობილობა შეიძლება გაიცეს კლიენტი მხოლოდ იმ მისამართზე, სადაც მან ჩააბარა გაფუჭებული მოწყობილობა. მოწყობილობის ღირებულება განისაზღვრება ასეთი მოწყობილობის შეძენის ქვითრით და უტოლდება ასეთი მოწყობილობის ფასს შეძენის დღეს. თუ მოწყობილობის გაცვლის დროს არ არსებობს მსგავსი მოდელი ან კლიენტს სურს შეიძინოს სხვა მოდელი / მოწყობილობა, მას აქვს უფლება გადაიხადოს სხვაობა სხვა მოწყობილობის ღირებულებისა და გაცვლას დაქვემდებარებული მოწყობილობის ღირებულებას შორის. კუპონი მოქმედებს მიღებიდან 90 (ოთხმოცდაათი) დღის განმავლობაში. როდესაც კლიენტი იღებს ახალ მოწყობილობას შემსრულებლის სავაჭრო ქსელში, შემსრულებლის ვალდებულებები წინამდებარე ხელშეკრულებით სრულად ითვლება შესრულებულად და კლიენტის მიერ გადაცემული მოწყობილობა ხდება შემსრულებლის საკუთრება.

3.15. კლიენტს შეუძლია უარი თქვას თავისი მოწყობილობის გაცვლაზე და დაიბრუნოს მოწყობილობა კუპონის მიღებიდან 2 (ორი) სამუშაო დღის განმავლობაში, რა შემთხვევაშიც მოწყობილობის გაცვლის უფლება უქმდება შემსრულებლის მიერ. თუ კლიენტი უარს იტყვის მოწყობილობის გაცვლის უფლებაზე, წინამდებარე ხელშეკრულებით გათვალისწინებული შემსრულებლის მომსახურება ითვლება სრული მოცულობით შესრულებულად.

კლიენტის მიერ ხელშეკრულების ამ პუნქტით განსაზღვრული უარის პერიოდის დარღვევის შემთხვევაში, უარი არ მიიღება და მოწყობილობა არ დაბრუნდება.

3.16. თუ კლიენტი ყიდულობს ოქროს გარანტია + სერვისს ავეჯის კატეგორიისთვის, კლიენტს აქვს შესაძლებლობა ისარგებლოს შემდეგი დამატებითი სერვისებით:

- მშრალი წმენდა (არაუმეტეს ორჯერ ოქროს გარანტია + მომსახურების მოქმედების პერიოდში);

- გადაადგილება (ერთხელ ოქროს გარანტია + * სერვისის მოქმედების პერიოდში)

* მომსახურება მოქმედებს შეძენის დღიდან 366 დღის განმავლობაში.

3.17. 3.16 პუნქტში მითითებული დამატებითი სერვისები ეხება მხოლოდ იმ პროდუქტს, რომლისთვისაც კლიენტმა შეიძინა ოქროს გარანტია + სერვისი.

4. მომსახურების ფასი და გადახდის პროცედურა

4.1. ამ ხელშეკრულების 2.1 პუნქტში მითითებული შემსრულებლის მომსახურების ფასი გადაიხდება კლიენტის მიერ მაღაზიის სალაროში და მოწყობილობის და მომსახურების შეძენისას ადასტურებს კლიენტის მიერ ამ ხელშეკრულების დადებას.

5. მოწყობილობის და ხელშეკრულების იდენტიფიკაცია

5.1. მას შემდეგ, რაც კლიენტი გახდება ამ ხელშეკრულების მხარე, შემსრულებლის მონაცემთა ბაზაში იქმნება უნიკალური ინდივიდუალური ნომერი (შემდგომში ID), რომლითაც მომავალში იდენტიფიცირდება ამ ხელშეკრულებით გათვალისწინებული მოწყობილობა.

6. ხელშეკრულების მოქმედების ვადა

6.1. ხელშეკრულების მოქმედების ვადა იწყება კლიენტის მიერ მოწყობილობის და მომსახურების შეძენის მომენტიდან და გრძელდება იმ პერიოდის განმავლობაში, რაც შეესაბამება კლიენტის მიერ გადახდილ მომსახურების ღირებულებას ხელშეკრულების 2.1. პუნქტში მოცემული "მომსახურების გაწევის ფასების და პირობების“ საფუძველზე ან ოქროს გარანტია + მომსახურების რეალურად გაწევის მომენტამდე.

7. მხარეთა პასუხისმგებლობა და დავების გადაწყვეტა

7.1. წინამდებარე ხელშეკრულება განიმარტება და რეგულირდება საქართველოს მოქმედი კანონმდებლობის შესაბამისად.

7.2. ნებისმიერი დავა და უთანხმოება, რომელიც პირდაპირ ან არაპირდაპირ უკავშირდება ან წარმოიშობა წინამდებარე ხელშეკრულებიდან, პირველ რიგში უნდა მოგვარდეს მოლაპარაკებების გზით.

7.3. ნებისმიერი დავა, რომელიც წარმოიშობა წინამდებარე ხელშეკრულებიდან გამომდინარე ან/და მასთან დაკავშირებით და ვერ გადაწყდება მხარეთა შორის მოლაპარაკებების გზით, გადაეცემა განსახილველად და საბოლოო გადაწყვეტილებას მისაღებად საქართველოს საერთო სასამართლოებს საქართველოს მოქმედი კანონმდებლობის შესაბამისად.

8. ხელშეკრულების სხვა პირობები

8.1 წინამდებარე ხელშეკრულებით გათვალისწინებული შემსრულებლის ვალდებულებები არ წარმოადგენს მწარმოებლის ან გამყიდველის საგარანტიო ვალდებულებებს.

8.2. ეს ხელშეკრულება მოქმედებს მხოლოდ საქართველოს ტერიტორიაზე.

8.3  შემსრულებელი დამოუკიდებლად განსაზღვრავს ხელშეკრულების პირობებს საქართველოს მოქმედი კანონმდებლობის შესაბამისად.  ხელშეკრულების პირობები შეიძლება შეიცვალოს შემსრულებლის მიერ, თუმცა, თითოეულ კლიენტთან მიმართებაში, ძალაშია ხელშეკრულების ის ვერსია, რომელიც მოქმედებს ამ ხელშეკრულების გაფორმებისას, ხელშეკრულების ასეთი ვერსია ძალაშია ხელშეკრულების ვადის გასვლამდე ამ ხელშეკრულების მე-6 ნაწილის დებულებების შესაბამისად. შემსრულებელს უფლება აქვს წინამდებარე ხელშეკრულებით განსაზღვრული თავისი თავისი უფლებები და მოვალეობები  გადასცეს სხვა პირს კლიენტთის წინასწარი თანხმობის გარეშე.

8.4. კლიენტი თანახმაა შემსრულებლისთვის მიწოდებული მისი პერსონალური მონაცემების დამუშავებაზე "პერსონალურ მონაცემების დაცვის შესახებ" საქართველოს კანონის მოთხოვნების შესაბამისად. კლიენტი პასუხისმგებელია მის მიერ მითითებული ყველა მონაცემის სიზუსტეზე და მათი კონფიდენციალურობის დაცვაზე. წინამდებარე ხელშეკრულების განხორციელებასთან დაკავშირებული ყველა სადავო საკითხი წყდება მხარეთა მიერ კლიენტის მიერ მითითებული პერსონალური მონაცემების გამოყენებით.

9. დანართები

ამ ხელშეკრულებას თან ერთვის შემდეგი დანართები, რომლებიც მისი განუყოფელი ნაწილია: