როგორ შევარჩიოთ გამათბობელი სახლისთვის?

ზამთარი უკვე კარს მოგვადგა და ერთ-ერთი უმნიშვნელოვანესი გადაწყვეტილება, რომელიც სახლის კომფორტს უკავშირდება, სწორი გამათბობლის ყიდვაა. ხშირად გვიწევს არჩევანის გაკეთება ბიუჯეტურ და ძვირიან მოდელებს შორის. შეხვდებით ისეთებს, როგორიცაა: გაზის გამათბობელი, ელექტრო გამათბობელი თუ კომპაქტური მინი ელექტრო გამათბობელი.

ეს სტატია დაგეხმარებათ გაერკვეთ ამ პროდუქტების ნიუანსებში. ჩვენ დეტალურად განვიხილავთ ყველა არსებულ ტიპს, გასწავლით, თუ როგორ უნდა გამოთვალოთ საჭირო სიმძლავრე და გაგიზიარებთ რჩევებს, რათა თქვენი შერჩეული გამათბობელი იყოს არა მხოლოდ ეფექტური, არამედ მაქსიმალურად ეკონომიური. 

სახლის გათბობის ტიპები - ზოგადი მიმოხილვა

სანამ კონკრეტულ მოდელებს შევარჩევთ, კარგი იქნება, თუ გვეცოდინება, რა ძირითადი მეთოდები არსებობს დღესდღეობით გათბობისთვის. მიუხედავად იმისა, რომ Kontakt.ge კონცენტრირებულია კონკრეტულ კატეგორიებზე, სრული ინფორმაციის ცოდნა ყოველთვის მომგებიანია.

1. მასშტაბური და ძვირადღირებული გათბობის სისტემები

თუ მთლიანი საცხოვრებელი ფართის გათბობას გეგმავთ, ყველაზე გავრცელებული და მოთხოვნადია ცენტრალური გათბობის სისტემა. ეს, როგორც წესი, იყენებს ქვაბსა და რადიატორებს, ან სულაც იატაკქვეშა გათბობის თანამედროვე სისტემა, რომელიც სითბოს თანაბრად და უწყვეტად ანაწილებს ყველა ოთახში.

2. გაზის გამათბობლები (დიდი სივრცეებისა და ეკონომიურობისთვის)

საქართველოში გაზის გამათბობელი (კარმა) ჯერ კიდევ ფართოდ გამოიყენება, გაზის შედარებით დაბალი ტარიფის გამო. თუმცა უსაფრთხოება უმნიშვნელოვანესია: აუცილებლად შეარჩიეთ დახურული წვის კამერის მქონე მოდელები, რათა წვადი აირები
გარეთ გავიდეს და ნახშირჟანგის მოწამვლის რისკი მთლიანად გამოირიცხოს.

3. ელექტრო გამათბობლები

ეს კატეგორია იდეალურია მათთვის, ვისაც გათბობა სჭირდება კონკრეტულ ოთახებში, ან ვისაც არ სურს ცენტრალური სისტემის დამონტაჟება. ამ კატეგორიაში დაგხვდებათ მრავალფეროვანი არჩევანი:

• კონვექტორული გამათბობელი (კონვექტორი): ეს არის დენის ეკონომიური გამათბობელის ყველაზე პოპულარული მოდელი. ის მუშაობს ბუნებრივი კონვექციის პრინციპით: ცივ ჰაერს ქვემოდან იწოვს, აცხელებს და თბილ ჰაერს ზემოდან უშვებს. მისი უპირატესობაა თანაბარი გათბობა, კედელზე მონტაჟის შესაძლებლობა და დიზაინის მრავალფეროვნება.
• ზეთის რადიატორები: ისინი ნელა ცხელდება, მაგრამ მათი მთავარი უპირატესობა ის არის, რომ სითბოს დიდხანს ინარჩუნებენ გამორთვის შემდეგაც. იდეალურია საძინებლებისთვის, რადგან არ აშრობს ჰაერს და უხმაუროდ მუშაობს.
• ინფრაწითელი გამათბობლები: ეს ტექნოლოგია ათბობს არა ჰაერს, არამედ უშუალოდ საგნებს ან ადამიანებს. (მაგალითად, აივნებზე ან მაღალჭერიან სივრცეებში, ხშირად გამოიყენება რესტორნების გარე სივრცეებშიც).
• ტეპლოვენტილატორები (თერმოვენტილატორები): ყველაზე ხელმისაწვდომი და კომპაქტური ვარიანტი. სწრაფად ათბობენ პატარა სივრცეებს, თუმცა შედარებით მეტ ელექტროენერგიას ხარჯავენ. კარგი არჩევანია სააბაზანოსთვის ან საოფისე სივრცისთვის.

როგორ უნდა შევარჩიოთ გამათბობელი სწორად? 

გამათბობლის არჩევისას რამდენიმე ძირითადი ფაქტორი უნდა გაითვალისწინოთ, რომელიც გავლენას ახდენს, თუ რამდენად კომფორტული და ეკონომიური იქნება თქვენი არჩევანი.

1. როგორ განვსაზღვროთ სიმძლავრე (ვატი/კილოვატი)

ეს არის ყველაზე მნიშვნელოვანი პარამეტრი. არასაკმარისი სიმძლავრის გამათბობელი ვერ გაათბობს ოთახს სრულყოფილად და ბევრ ელექტროენერგიას დახარჯავს. ზოგადი წესი ასეთია, 1 კვადრატული მეტრის გასათბობად საჭიროა დაახლოებით 100 ვატი (W) სიმძლავრე. მაგალითად: თუ თქვენი საძინებელი 15 კვადრატული მეტრია, დაგჭირდებათ მინიმუმ 1500 ვატიანი (1.5kW) სიმძლავრის მოწყობილობა. თუ ოთახი კუთხისაა, ცუდად იზოლირებული ან მაღალჭერიანი, აუცილებლად აიღეთ 20-30%-ით მეტი სიმძლავრის მოდელი, რათა დანადგარი არ "დაიტანჯოს".

2. ენერგოეფექტურობა და ეკონომიურობა - რა უპირატესობა აქვს თერმოსტატს?

თუ გამათბობელს მთელი დღე ჩართულს ტოვებთ, ენერგოეფექტურობა უმნიშვნელოვანესი ფაქტორია. დენის ეკონომიური გამათბობელი პირველ რიგში არის ის, რომელსაც აქვს თერმოსტატი და ავტომატური ჩართვა-გამორთვის ფუნქცია. შეარჩიეთ მოდელები ციფრული ან მინიმუმ, კარგი მექანიკური თერმოსტატით. ეს ფუნქცია საშუალებას აძლევს გამათბობელს, ავტომატურად გაითიშოს სასურველი ტემპერატურის მიღწევის შემდეგ და ჩაირთოს მხოლოდ მაშინ, როცა ტემპერატურა დაეცემა. გამორთული გამათბობელი კი ელექტეოენერგიას არ ხარჯავს.

3. უსაფრთხოება - აუცილებელი ფუნქციები

უსაფრთხოების ფუნქციები მნიშვნელოვანია, განსაკუთრებით მაშინ თუ ეს პროდუქტი წვრილი საყოფაცხოვრებო ტექნიკის ნაწილია და ხშირად გადაადგილებთ.

• გადახურებისგან დაცვა: მოწყობილობა ავტომატურად უნდა გაითიშოს, თუ შიდა ტემპერატურა კრიტიკულ ზღვარს მიაღწევს.
• დაცვა წაქცევისას: ფუნქცია, რომელიც მყისიერად თიშავს გამათბობელს წაქცევის ან გადაბრუნების შემთხვევაში. (განსაკუთრებით მნიშვნელოვანია, თუ სახლში ბავშვები ან ცხოველები გყავთ)

ხშირად დასმული კითხვები

ჩვენი გამოცდილებით, მომხმარებლებს უამრავი კითხვა უჩნდებათ გამათბობლის შერჩევის პროცესში. აქ არის ყველაზე გავრცელებული კითხვები:

რომელი ჯობია კონვექტორული გამათბობელი თუ ზეთის რადიატორი?

ეს დამოკიდებულია საჭიროებაზე. კონვექტორული გამათბობელი უფრო სწრაფად ათბობს ოთახს და ხშირად კედელზე მონტაჟდება, რაც სივრცეს ზოგავს. ის იდეალურია მისაღები ოთახისა და ოფისისთვის. ზეთის რადიატორი კი ნელა ცხელდება, მაგრამ სითბოს უკეთ ინარჩუნებს და არ აშრობს ჰაერს, ამიტომ მას ხშირად ირჩევენ საძინებლებისთვის. 

რამდენად უსაფრთხოა გაზის გამათბობელი?

თანამედროვე გაზის გამათბობელი სრულიად უსაფრთხოა, თუ ის არის სერთიფიცირებული და აქვს დახურული წვის კამერა. პრობლემები იქმნება მხოლოდ ძველი, ღია კამერის მოდელების არასწორი ექსპლუატაციისას. ყოველთვის შეამოწმეთ, რომ პროდუქტი აკმაყოფილებდეს უსაფრთხოების ყველა სტანდარტს.

მნიშვნელოვანია, რომ გამათბობელი არ აშრობდეს ჰაერს. რა ვქნათ ამ დროს?

ეს გავრცელებული პრობლემაა, განსაკუთრებით მაღალ ტემპერატურაზე მუშაობისას. ზეთის რადიატორები ყველაზე ნაკლებად აშრობს ჰაერს. თუ მაინცდამაინც ელექტრო გამათბობელი გსურთ, გირჩევთ, შეიძინოთ დამატებით ჰაერის დამატენიანებელი მოწყობილობა. ეს მნიშვნელოვნად გააუმჯობესებს თქვენს კომფორტსა და ჯანმრთელობას ზამთრის სეზონზე.

შეიძინეთ გამათბობელი Kontakt.ge -ზე თქვენზე მორგებული პირობებით

იდეალური გამათბობლის შერჩევა ნიშნავს სწორი ბალანსის პოვნას სიმძლავრეს, ეკონომიურობასა და უსაფრთხოებას შორის. არასოდეს შეარჩიოთ გამათბობელი მხოლოდ ფასის მიხედვით. იაფი, ნაკლებად ეფექტური მოწყობილობა გრძელვადიან პერსპექტივაში გაცილებით ძვირი დაგიჯდებათ, მაღალი ელექტროენერგიის გადასახადის გამო.

Kontakt.ge -ზე შეგიძლიათ შეიძინოთ გამათბობლების მხოლოდ სერტიფიცირებული, ხარისხიანი მოდელები და ისარგებლოთ შემდეგი უპირატესობებით: 

• ოფიციალური გარანტია: ყველა ჩვენთან შეძენილი წვრილი თუ მსხვილი საყოფაცხოვრებო ტექნიკა მოწოდებულია მწარმოებლის ოფიციალური გარანტიით. ეს ნიშნავს, რომ თქვენ დაცული ხართ ნებისმიერი გაუთვალისწინებელი შემთხვევისგან და იღებთ ხარისხიან მომსახურებას.
• შიდა უპროცენტო განვადება: თუ გსურთ მაღალი ხარისხის ტექნიკის შეძენა განვადებით, ჩვენი შიდა განვადების სისტემა იდეალურია, სრულიად უპროცენტოა და ვრცელდება 18 თვემდე ვადით, რაც მას ნამდვილად უკონკურენტოს ხდის ქართულ ბაზარზე. თანაც, ნებისმიერ საქართველოს მოქალაქეს, 18 წლის ასაკიდან, მარტივად შეუძლია ისარგებლოს ამ პირობით.
• სწრაფი მომსახურება და კონსულტაცია: ჩვენი კვალიფიცირებული გუნდი მზადაა, დაგეხმაროთ სწორი არჩევანის გაკეთებაში, თქვენი საჭიროებიდან გამომდინარე.
• მიწოდების სერვისი მთელი საქართველოს მასშტაბით: თუ თქვენ მიერ შეძენილი ნივთის ღირებულება 100 ლარს აღემატება, ამ ნივთს თბილისსა და ბათუმში 2-3 სამუშაო დღეში სრულიად უფასოდ მოგიტანთ. საქართველოს სხვა რეგიონებში მიწოდებას 4-7 სამუშაო დღე სჭირდება, ხოლო რეგიონების შემთხვევაში ტრანსპორტირების ღირებულება დამოკიდებულია ნივთის პარამეტრებზე (ზომა, წონა).

გააკეთე სწორი არჩევანი და შეიძინეთ ხარისხიანი ტექნიკა kontakt.ge -ზე!