Apple-მა ახალი iPhone 17 წარადგინა

Apple-მა 9 სექტემბერს გამართულ ღონისძიებაზე, სახელწოდებით „Awe-Dropping“, iPhone 17-ის უახლესი სერია წარადგინა. ეს სერია მოიცავს ოთხ უნიკალურ მოდელს: iPhone 17, iPhone 17 Pro, iPhone 17 Pro Max და სრულიად ახალ iPhone Air-ს. 

აი, რა უნდა იცოდეთ ახალი აიფონების შესახებ... 

iPhone Air - პირველად Apple-სგან

iPhone Air, რომლის სისქე მხოლოდ 5,6 მმ-ია და დამზადებულია ტიტანისგან, ყურადღებას იპყრობს თავისი დიზაინითა და მახასიათებლებით.

ახალი iPhone Air აღჭურვილია 6.5 დიუმიანი ProMotion დისპლეით, Ceramic Shield 2 დაცვით და გამძლე ტიტანის კორპუსით. Apple-მა ხაზგასმით აღნიშნა, რომ ეს მოდელი „ყველა დროის ყველაზე გამძლე iPhone-ია“.

Apple-ის თქმით, მოწყობილობის ცენტრში არსებული A19 Pro ჩიპი უზრუნველყოფს MacBook Pro-ს სისწრაფეს. iPhone Air ასევე აღჭურვილია სრულიად ახალი N1 ჩიპით, რომელიც მართავს Wi-Fi და Bluetooth კავშირს.

iPhone Air აღჭურვილია 48MP Fusion კამერის სისტემით. მხარდაჭერილია 24 მეგაპიქსელიანი სტანდარტული ფოტოები, სხვადასხვა ფოკუსური მანძილი (26 მმ, 28 მმ, 35 მმ და 52 მმ) და ფოტოგრაფიული სტილი. წინა კამერის Center Stage ფუნქცია ვიდეოზარებს უფრო დინამიურს ხდის. გარდა ამისა, ახალი ორმაგი გადაღების ფუნქციით, მომხმარებლებს ორივე წინა და უკანა კამერის ერთდროულად გამოყენება შეეძლებათ.

iPhone Air ხელმისაწვდომი იქნება ოთხ ფერში: შავი, თეთრი, ღია ოქროსფერი და ცისფერი.

iPhone 17 Pro | 17 Pro Max 

iPhone 17 Pro მოდელებს აქვთ განახლებული უკანა კორპუსი და კამერა. ახალ მოდელებში ეკრანის ზომა არ შეცვლილა; iPhone 17 Pro-ს აქვს 6.3’’ ეკრანი, ხოლო iPhone 17 Pro Max-ს 6.9’’. თუმცა, მოწყობილობის უკანა მხარეს მნიშვნელოვანი ცვლილებებია. წელს ტიტანის ნაცვლად ალუმინის დიზაინი დომინირებს. მათ ასევე აქვთ უფრო დიდი ელემენტი, რაც სულ ოდნავ ზრდის სისქეს. iPhone 17 Pro-ს ყველა მოდელს აქვს 48 მეგაპიქსელიანი უკანა კამერა, 8x ზუმი და ერთდროული ჩაწერა წინა და უკანა კამერებით. 

ახალი დიზაინით, მძლავრი სისტემით და კამერის მოწინავე ფუნქციებით გამორჩეული iPhone 17 Pro პროფესიონალურ გამოცდილებას გვპირდება, განსაკუთრებით ფოტო და ვიდეო გადაღებისას.

A19 Pro ჩიპი მხარდაჭერილია ახალი თხევადი გაგრილების სისტემით, რაც მოწყობილობას უფრო გრილს და სტაბილურს ხდის, ხანგრძლივი გამოყენებისასაც კი.

Apple პირველად გთავაზობთ Ceramic Shield 2 დაცვას როგორც წინა, ასევე უკანა მხარეს. თან აცხადებს რომ ეს მნიშვნელოვნად ზრდის ნაკაწრებისადმი მდგრადობას.

Telephoto ახლა 4x (100 მმ) ოპტიკურ ზუმს გვთავაზობს, Apple-ის Fusion ფუნქციით კი ეს ზუმი 8x-მდე (200 მმ) იზრდება. ციფრული ზუმი 48x-საც აღწევს.

iPhone 17 Pro & 17 Pro Max სამ სხვადასხვა ფერში იქნება ხელმისაწვდომი: ლურჯი, ნარინჯისფერი და ვერცხლისფერი.

iPhone 17

სერიის ყველაზე ხელმისაწვდომი მოდელი, iPhone 17, დიზაინით ძალიან ჰგავს ამჟამინდელ iPhone 16-ს, თუმცა ეკრანის ზომა 6.1 ინჩიდან 6.3 ინჩამდე გაიზარდა და ეკრანს წინა სერიისგან განსხვავებით 60-ის ნაცვლად 120 ჰერციანი განახლების სიხშირე აქვს.

iPhone 17 ასევე აღჭურვილია Ceramic Shield 2-ით, Apple-ის მიერ შექმნილი ახალი საფარით, რომელიც სამჯერ მეტ ნაკაწრებისადმი მდგრადობას და გაუმჯობესებულ არეკვლის საწინააღმდეგო თვისებებს გთავაზობთ. ეკრანი უზრუნველყოფს 3000 ნიტის სიკაშკაშეს, რაც iPhone-ის ისტორიაში ყველაზე მაღალი დონეა.

iPhone 17, ორმაგი ლინზების მქონე კამერის სისტემას იყენებს: 48 მეგაპიქსელიანი Fusion კამერა 12 მეგაპიქსელიანი ultra-wide კამერით. Apple-მა ახალი iPhone 17 სერიების წინა კამერა 18 მეგაპიქსელამდე გაზარდა. შედარებისთვის, iPhone 16 მოდელებს 12 მეგაპიქსელიანი წინა კამერა აქვთ.

iPhone 17 იწერს 4K 60fps Dolby Vision ვიდეოს ისეთი კრეატიული ფუნქციებით, როგორიცაა Cinematic mode და Action mode.

iPhone 17 ხუთ სხვადასხვა პასტელურ ფერში იქნება ხელმისაწვდომი: ლავანდისფერი, მწვანე, ცისფერი, შავი და თეთრი.

კონტაქტ ჰოუმი, როგორც Apple-ის ოფიციალური პარტნიორი, iPhone 17 სერიის თითოეულ მოდელს 26 სექტემბრიდან ფილიალებში დაგახვედრებთ. შეძენა შეგიძლიათ საუკეთესო ფასად, ასევე გთავაზობთ 18 თვემდე შიდა უპროცენტო განვადებას, რაც ახალ iPhone-ზე გადასვლას კიდევ უფრო მარტივსა და ხელმისაწვდომს ხდის.