კონდიციონერები
ძველად კონდიციონერი ფუფუნების საგნად მიიჩნეოდა, დღევანდელ დროში კი, გლობალური დათბობისა და კლიმატის მკვეთრი ცვლილებების ფონზე, იგი უკვე აუცილებლობას წარმოადგენს ნებისმიერ ოჯახში, ოფისსა თუ სხვა ტიპის დახურულ სივრცეში. კონდიციონერი გვეხმარება, ვებრძოლოთ შემაწუხებელ სიცხეს და ოთახში ტემპერატურა სასურველ ნიშნულამდე დავიყვანოთ. უახლესი ტექნოლოგიური მიღწევების დამსახურებით, ბევრ კონდიციონერს გათბობის ფუნქციაც აქვს, ამიტომ მისი გამოყენება ზამთრის სუსხიან ამინდებშიც შეგიძლიათ.
კონდიციონერების მრავალფეროვანი არჩევანი Kontakt.ge-ზე
„კონტაქტში“ კარგად გვესმის, თუ რა როლი უჭირავს კლიმატურ ტექნიკას ჩვენს ცხოვრებაში, ამიტომ ყოველთვის ვცდილობთ, შემოგთავაზოთ კონდიციონერები ყველაზე იაფად. ჩვენთან შეხვდებით ისეთი ცნობილი ბრენდების პროდუქციას, როგორებიცაა:
როგორ შევარჩიოთ კონდიციონერი სწორად?
კონდიციონერის სწორად შერჩევა საკმაოდ რთული პროცესია. ჩვენ ვეცდებით, გაგაცნოთ ის მთავარი ფაქტორები, რაც აუცილებლად უნდა გაითვალისწინოთ შერჩევისას:
1) ტიპი - კონდიციონერები იყოფა ორ მთავარ ტიპად. ესენია:
- სპლიტ-სისტემა - ყველაზე პოპულარული სისტემაა. ამ ტიპის კონდიციონერი შედგება ორი ბლოკისგან: ერთი ბლოკი მონტაჟდება ოთახში, რომელიც აგრილებს სივრცეს, ხოლო მეორე — შენობის გარე ფასადზე.
- პორტატული კონდიციონერი - ასევე ცნობილია, როგორც დასადგამი კონდიციონერი. მისი მოქნილი დიზაინის წყალობით, შეგიძლიათ მარტივად გადაადგილოთ ერთი ოთახიდან მეორეში.
2) სიმძლავრე და ფართობი - კონდიციონერის სიმძლავრე იზომება BTU-თი საათში (BTU/h). ეს არის ენერგიის საზომი ერთეული, რომელიც გვიჩვენებს, თუ რა რაოდენობის სითბოს გატანა შეუძლია კონდიციონერს ოთახიდან ერთი საათის განმავლობაში. რაც უფრო მაღალია BTU-ს მაჩვენებელი, მით უფრო მძლავრია კონდიციონერი და მით უფრო დიდი ფართობის გაგრილება შეუძლია. მაგალითად:
- 30 კვ.მ. კონდიციონერი დაახლოებით გამოიმუშავებს 9,000-12,000 BTU.
- 40 კვ.მ. კონდიციონერი კი — დაახლოებით 12,000-18,000 BTU.
3) ჭერის სიმაღლე - თუ სახლში ჭერის სიმაღლე 3 მეტრზე მაღალია, მაშინ რეკომენდებულია სიმძლავრის 10%-ით გაზრდა.
4) ოთახის იზოლაცია - ეფექტიანობაზე დიდ გავლენას ახდენს ოთახის იზოლაცია. თუ სახლს თხელი კედლები ან ხის ფანჯრები აქვს, რეკომენდებულია 20-30%-ით მძლავრი კონდიციონერის შეძენა, ვინაიდან თხელი კედლები და ხის ფანჯრები ტემპერატურას ადვილად ატარებს და დიდხანს ვერ ინარჩუნებს.
როგორ აუმჯობესებს კონდიციონერი ჩვენს ყოველდღიურობას?
გარდა იმისა, რომ კონდიციონერი კომფორტს გვიქმნის, ამასთანავე ის მნიშვნელოვან გავლენას ახდენს ჩვენს ჯანმრთელობაზე:
- ძილის ხარისხი - სიცხეში სრულფასოვანი ძილი თითქმის შეუძლებელია. გრილი გარემო კი გვეხმარება, კარგად გამოვიძინოთ, რაც უმნიშვნელოვანესია როგორც ფიზიკური, ასევე მენტალური ჯანმრთელობისთვის.
- გაუმჯობესებული ჰაერის ხარისხი - თანამედროვე კონდიციონერები აღჭურვილია ფილტრაციის სისტემებით, რომლებიც ჰაერს ასუფთავებენ მტვრის, ალერგენებისა და სხვა მავნე ნაწილაკებისგან.
მაღალი სიცხე სერიოზულ საფრთხეს უქმნის ჯანმრთელობას, ამიტომაც კომფორტული კლიმატი სახლში პირდაპირ გავლენას ახდენს ჩვენი ცხოვრების ხარისხზე.
რატომ უნდა შეიძინოთ კონდიციონერი ჩვენთან?
Kontakt.ge ტექნიკის ონლაინ მაღაზიაა, სადაც საყოფაცხოვრებო ტექნიკის ფართო არჩევანს შეხვდებით. ჩვენი მაღალკვალიფიციური კოლეგები დაგეხმარებიან სასურველი ტექნიკის სწორად შერჩევაში. ასევე, ჩვენ გამოგვარჩევს:
- კონკურენტული ფასები - ყოველთვის ვცდილობთ, შემოგთავაზოთ ქართულ ბაზარზე საუკეთესო ფასები.
- სწრაფი გადახდები - შერჩეული პროდუქტის ღირებულებას უმარტივესად გადაიხდით ონლაინ, ნებისმიერი ბანკის ბარათით.
- შიდა განვადება - „კონტაქტში“ გვაქვს შიდა უპროცენტო განვადება, რომლით სარგებლობაც 18 წლიდან საქართველოს ნებისმიერ მოქალაქეს შეუძლია.
- სწრაფი მიტანის სერვისი - თბილისსა და ბათუმში შეძენილ პროდუქციას სრულიად უფასოდ მოგიტანთ 1-2 სამუშაო დღეში. სხვა რეგიონებში ნივთის მიტანას საშუალოდ 3-4 სამუშაო დღე სჭირდება.
შეარჩიეთ სასურველი პროდუქცია ჩვენთან — იქნება ეს დასადგამი, ოთახის, პორტატული კონდიციონერი თუ სხვა — და მიიღეთ ონლაინ შოპინგის საუკეთესო გამოცდილება.